Yesaya 49:4 - Mandinka Bible

⁴ Bari n ko, “N na dookuwo maŋ nafaa soto. Ŋa n semboo bee baŋ kensenke le. Bari n na kuwo be Yaawe le bulu, Alla le ye a loŋ, a ñanta n joo la meŋ na.”

Yesaya 49:4 Referans Kwoze

Yesaya 35:4

Mennu jikilateyita, a fo ì ye ko, “Ali fatiyaa, ali kana silaŋ, kaatu ali la Alla be naa le ka ali la makatoo bayi. A be naa julujoo le la, a be naa le ka ali kiisa.”

Kalatiyankoolu 4:11

M be dewundiŋ ali la kuwo la le, kaatu m maŋ a loŋ, fo n na dookuwo ali kono keta kenseŋo le ti.

2 Korintinkoolu 12:15

Ali la kiisoo kamma la, n seewooriŋo be feŋo bee le ke la ali ye, aduŋ n si m faŋo dii ali la. Niŋ nte ye alitolu kanu baake, fo ali be nte kanu la domandiŋ ne baŋ?

2 Korintinkoolu 2:15

M̀ be le ko Kiristu la seera diimaa Alla ye, moolu kono jaŋ, mennu doolu be kiisoo siloo kaŋ, doolu be kasaaroo siloo kaŋ.

Matiyu 23:37

“Ite Yerusalaamu, hee, ite Yerusalaamu! I la moolu ye annabiyomoolu faa le, aniŋ ì ye kiilaalu buŋ beroolu la ka ì faa. Siiñaa jelu le n lafita i la dindiŋolu kafu la ñoo ma m bala, ko siisee dimbaa ka a diŋolu kafu ñoo ma a dampaŋo koto ñaameŋ, bari ali buka soŋ!

Matiyu 17:17

Bituŋ Yeesu ye jaabiroo ke ko, “Alitolu jamaani lannabaloo, jamaani jenkeriŋo! Nte ñanta tara la ali fee fo waati jumaa le la? Nte ñanta muña la ali ye fo waati jumaa le la? A samba n ye naŋ jaŋ.”

Esekiyeli 3:19

Bari niŋ a ye a tara i ye a maarii dandalaa le, aduŋ a maŋ soŋ ka a la kuu jawoo kewo bula waraŋ a la sila kuruŋo, a la wo kuruŋyaa le be a tinna la a ye faa. A la saayaa dunoo te tara la laariŋ ite kaŋ, aduŋ ite be tanka la saayaa ma le.

Yesaya 65:23

Ì te ì semboo bo la kensenke, waraŋ ka diŋolu wuluu, kasaaroo be naa mennu kaŋ, kaatu ì be ke la moolu le ti, Yaawe be neema la mennu ma, ì niŋ ì koomalankoolu bee.

Yesaya 62:11

Yaawe ye kankulaaroo ke le fo duniyaa daŋo to ka a fo Dimmusuriŋ* Siyoni ye ko: “A juubee, i Kiisandirilaa naata le. A la jooroo be a bulu le, aduŋ a niŋ nafaa le ka naa.”

Yesaya 40:10

A juubee, Maarii Yaawe niŋ semboo le ka naa, aduŋ a niŋ wo semboo le be maraloo ke la. A la jooroo be a bulu le, aduŋ a niŋ nafaa le ka naa.

Hiburunkoolu 12:2

Ali ŋà ǹ ñaa loo Yeesu kaŋ, ǹ na lannoo be looriŋ ate le kaŋ, ka bo a foloodulaa ka taa a labandulaa to. A ye yiribantambiloo tooroo muña le, a maŋ a la malu kuwo juubee, kaatu a ñaa be looriŋ seewoo le kaŋ, meŋ parendita a ye, aduŋ a naata sii Alla la mansasiiraŋo bulubaa karoo la.

Roomankoolu 10:21

Bari Banisirayilankoolu la kuwo to, a ko: “Tiloo muumee bee n ka m buloo tiliŋ ñiŋ moolu ye le, mennu ka balaŋ m ma, ì buka n na yaamaroo muta.”

Yohana 1:11

A naata a fansuŋ moolu yaa, bari a fansuŋ moolu maŋ a jiyaa.

Luka 24:26

Fo Alimasiihu* maŋ ñaŋ na toora la ñiŋ kuwolu bee la baŋ, wo koolaa a ye duŋ a la kallankeeyaa* kono?”

Yesaya 65:2

Tiloo muumee n ka m buloo tiliŋ m faŋo la moolu ye le, mennu ka balaŋ m ma, ì maŋ tara sila kendoo kaŋ, ì ka tara bulariŋ ì fansuŋ miiroolu nooma.

3 Musa 26:20

Ali be ali semboo bo la kensenke le, kaatu ali la bankoo te fiifeŋ bondi la, aduŋ a yiroolu te diŋ na.

Filipinkoolu 2:16

niŋ ali ye baluwo kumoo muta. Wo to le, Kiristu la naa luŋo la, m be kibiri noo la ali la kuwo to ko, n na boroo niŋ dookuwo ali ye, wolu maŋ ke kenseŋ ti.

Kuma Kotoomaalu 29:26

Moo jamaa ka lafi maralilaa la maakoyiroo la le, bari Yaawe le ka tiliŋo dii hadamadiŋo la.

Yesaya 25:1

Hee Yaawe*, ite le mu n na Alla ti, m be i sikandi la le, m be i too jayi la le, kaatu i ye kaawakuwolu le ke. Biriŋ koomanto, i la feeroolu tilinta le, ì bambanta.

Yesaya 40:27

Alitolu Banisirayilankoolu, Yaakuba koomalankoolu, muŋ ne ye a tinna, ali ka tu la woosii la ka a fo ko, “Yaawe buka ǹ na bataalu je, a ka a ñaa kaasi le, kuu tilimbaloolu ye ke ǹ na”?

Yesaya 57:21

N na Alla ko: “Moo kuruŋolu te kayiroo soto la muumeeke.”

Yesaya 59:18

Ì ye kuu jawoolu ke ñaameŋ, a be ì joo la wo le ñaama: A be a la kamfaa juloo joo la a jawoolu to le, yankankatoo, a sookilaalu ye, a be banku jamfariŋolu joo la ì ñaama le.

Yesaya 61:10

Yaawe la kuwo seewoo tambita n kunna le, n niyo laata n na Alla la karoo la le. Kaatu a ye kiisoo dendikamaa le duŋ n na, a ye tiliŋo warambamaa duŋ n na, ko maañootiyo ka i paree ñaameŋ, aniŋ ko maañoo ka a faŋo ñiiñandi a la ñaroolu la ñaameŋ.

1 Mansoolu 19:10

Bituŋ Eliya ye a jaabi ko, “Yaawe Alihawaa Maariyo*, nte ka tu looriŋ ite dammaa le la kuwo la waati-wo-waati. Banisirayilankoolu ye ì koo dii i la kambeŋo la le, ì ye i la sadaabodulaalu* boyi, aniŋ ì ye i la annabiyomoolu faa hawusaroo la. Nte dammaa doroŋ ne tuta jee, aduŋ saayiŋ ì lafita le ka nte fanaa faa.”