Yesaya 48:4 - Mandinka Bible

⁴ Bayiri ŋa a loŋ ne ko, ali mu moo kuŋ jaariŋ baalu le ti, ali kaŋolu be jaariŋ ko newo, ali kuŋolu be bambandiŋ ko jaawaloo.

Yesaya 48:4 Referans Kwoze

Kiilaalu 7:51

“Alitolu moo kuŋ jaaroolu! Ali sondomoolu niŋ ali tuloolu sukita le. Ali ka tu balandiŋ Noora Kuliŋo ma le waati-wo-waati. Ali mumuñolu ka meŋ ke nuŋ, ali fanaa be wo le ke kaŋ.

2 Musa 32:9

Yaawe ko Musa ye ko, “Ŋa ñiŋ moolu loŋ ne, ì kaŋo jaata baake le.

Kuma Kotoomaalu 29:1

Ì ka moo meŋ yaamari waati-wo-waati, hani wo a buka i lamoyi, jee niŋ jee a si kasaara, a la haajoo te jaara noo la kotenke.

Roomankoolu 2:5

Bari i sondomoo bambanta le, i maŋ soŋ tuuboo la. Wo le ye a tinna i be Alla la kamfaa baa kafu kaŋ ñoo ma i faŋo ye fo Alla la kamfaa baa luŋo la, a la kiitii tilindiŋo be lankenema la luŋo meŋ na.

Yeremiya 19:15

“Yaawe Alihawaa Maariyo, Banisirayila la Alla ye ñiŋ ne fo ko: A juubee, m be kasaara kuwolu naati la ñiŋ saatewo kaŋ ne, ŋa mennu fo a ma, aniŋ a dandanna saateeriŋolu. M be a ke la le, kaatu ì ye ì faŋolu kaŋo jandi le, ì maŋ soŋ n na kumoolu moyi la.”

Yeremiya 5:3

Hee Yaawe, fo ite ñaa buka lafi tooñaa le je la baŋ? I ye ì busa le, bari a dimoo maŋ duŋ ì la. I ye ì kasaara le, hani wo ì balanta i la kuluuroo la. Ì ye ì sondomoolu jandi le ko beroo, ì balanta ka tuubiseyi.

5 Musa 31:27

Kaatu ŋa a loŋ ne ali kuŋo jaata ñaameŋ, aniŋ ali mu balannaalu ti ñaameŋ. M be ali fee ñaa-wo-ñaa, ali balanta Yaawe ma, sako niŋ n te baluwo to.

2 Musa 33:5

kaatu Yaawe ye Musa yaamari le nuŋ, ka a fo ì ye ko, “Ali mu moo kaŋ jaaroolu le ti. Niŋ a ye a tara, n niŋ ali be taa la ñoo la, a te waati sii la, m be ali tumbuŋ na. Saayiŋ ali si ali la ñaroolu bondi, n si naa a loŋ, m be meŋ ke la ali la.”

Jabuuroolu 78:8

Wo be a tinna le ì te ke la ko ì mumuñolu, wolu mennu mu kanjaaroolu ti, aniŋ balannaalu. Ì keta moolu le ti dankeneyaa te mennu sondomoo to, foroyaa te ì kono Alla la kuwo to.

Jabuuroolu 75:5

Ali kana ali semboo yitandi faŋ waroo kaŋ, ka diyaamu kuluubaliyaa kaŋ.’ ”

2 Musa 33:3

Ali be taa bankoo le to, keekewo niŋ liyo ka woyi daameŋ. Bari nte faŋo niŋ ali te taa ñoo la, kaatu ali kuŋo jaata baake le, n si ali kasaara noo siloo kaŋ ne.”

Yesaya 46:12

Ali i lamoyi n na, alitolu jusu jaaroolu, tiliŋo be jamfariŋ alitolu mennu la.

2 Taarika 36:13

Aduŋ fanaa, a ye balaŋo tiliŋ Mansa Nebukanesa la, meŋ ye a kalindi nuŋ Alla too la ka foroyaa a ma. A ye a faŋo kaŋo jandi, aduŋ a ye a jusoo fanaa jandi, a maŋ soŋ na muru la Yaawe kaŋ, Banisirayila la Alla.

Hiburunkoolu 3:13

Wo noo to, ali si ñoo wakiilindi luŋ-wo-luŋ, fo junuboo la neeneeroo kana siloo soto ka moo-wo-moo sondomoo jandi. Ali kana i dahaa wo la bii, waraŋ siniŋ saama, baawo luŋolu bee be kumandi la bii luŋo le la.

Daniyeli 5:20

Bari kabiriŋ a ye a faŋ wara, a jusoo jaata, a kufanta, Alla ye a bondi a la mansasiiraŋo kaŋ ne, a ye a la horomoo buusi a la.

Yeremiya 7:26

Wo ñaa-wo-ñaa moo maŋ i lamoyi n na, waraŋ ka ì tuloo loo n na. Ali naata ke kanjaaroolu ti, aduŋ ali ye kuruŋyaa ke le ka tambi ali mumuñolu la.

Yeremiya 3:3

Wo le ye samaa foloo jiyo bali naa la, aniŋ samaa labaŋ jiyo. Bari hani wo, cakoo la ñaajaa le be i la, i buka malu fereŋ.

2 Taarika 30:8

Ali kuŋo kana jaa ko ali mumuñolu keta ñaameŋ. Ali soŋ Yaawe ma ka naa a Batudulaa Buŋo to, a ye meŋ seneyandi fo abadaa. Ali Yaawe, ali la Alla batu, fo a la kamfaa baa si bo ali kaŋ.

2 Mansoolu 17:14

Bari ì maŋ soŋ ka i lamoyi, aduŋ ì kaŋo jaata le komeŋ ì mumuñolu, wolu mennu maŋ laa Yaawe la, ì la Alla.

5 Musa 10:16

Wo kamma la, ali kunjaa bula, ali ye ali sondomoo sunna, ko ali ye ali balajaatoo sunna ñaameŋ.

Nehemiya 9:28

“Bari kabiriŋ ì tarata dahaa kono doroŋ, ì baarata kuu jawoolu la i ñaa koto tukuŋ. Bituŋ i ye ì fili ì jawoolu bulu, ì marata ì ma. Wo ñaa-wo-ñaa biriŋ ì muruta ka kumboo i ye, i ye ì moyi le ka bo Arijana kono, aduŋ i ye ì tankandi le siiñaa jamaa, ka bo niŋ i la balafaa baa la.

Esekiyeli 2:4

M be naa i kii la ñiŋ moolu mennu kaŋ, ì mu moo kaŋ jaaroolu le ti, aduŋ ì mu yaamari mutabaloolu le ti. I si a fo ì ye ko, nte Maarii Yaawe le ye ñiŋ kumakaŋo fo.

2 Musa 9:7

Firawoona ye kewolu kii ka taa kisikisiroo ke, ì ye a je ko, hani Banisirayilankoolu la beeyaŋ kiliŋ ne maŋ faa. Hani wo, a sondomoo be jaariŋ, a balanta moolu bula la, ì ye taa.

Yesaya 30:9

Ñinnu mu balannaalu le ti, moolu mennu ka faniyaa fo. Ì buka paree ka i lamoyi Yaawe la yaamaroo la.