Yesaya 48:16 - Mandinka Bible

¹⁶ Ali kata n na naŋ, ali ye i lamoyi ñiŋ na: Kabiriŋ foloodulaa to, m buka n na diyaamoo ke kulloo kono, waatoo meŋ na a be ke la, m be jee le.” Saayiŋ, Maarii Yaawe le ye n niŋ a la Nooroo kii, ka a la kiilaariyaa kankulaa.

Yesaya 48:16 Referans Kwoze

Yohana 18:20

Yeesu ye a jaabi ko, “Nte diyaamuta kenebaa le to duniyaa moolu ye. Waati-wo-waati nte ka karandiroo ke diina bendulaalu* kono le, aniŋ Alla Batudulaa, Yahuudoolu ka beŋ daameŋ. M maŋ feŋ fo kulloo kono.

Yohana 3:34

Alla ye moo meŋ kii, wo ka Alla la kumoolu le fo, kaatu Alla ka a la Nooroo dii le, diiroo meŋ maŋ dandulaa soto.

Yesaya 45:19

M maŋ diyaamu kulloo kono, waraŋ ka dukuduku diboo kono. M maŋ a fo Yaakuba koomalankoolu ye ko, ‘Ali n ñini kensenke.’ Nte le mu Yaawe ti, n ka tooñaa le fo, aduŋ meŋ tilinta, n ka wo le yitandi.”

Luka 4:18

“Maariyo la Nooroo be n kaŋ ne, kaatu ate le ye n tomboŋ ka kibaari betoo kawandi fuwaaroolu ye. Ate le ye n kii ka firiŋo kankulaa mutamoolu ye, ka jeroo kankulaa finkintewolu ye, ka moolu bondi mantooroo kono,

Yesaya 41:1

Alla ko: “Mennu be sabatiriŋ banku jamfariŋolu to, ali i deyi, ali ye i lamoyi n na, ali ali faŋolu bambandi, ali naa ali la kuwo samba naŋ kiitiidulaa to. Ali be siloo soto la le, ka diyaamu. Ali ŋà beŋ dulaa kiliŋ, fo ǹ si a loŋ tooñaa be meŋ bulu.

Yesaya 34:1

Alitolu bantala bankoolu*, ali kata naŋ, ali ye i lamoyi. Moolu, ali ali tuloo loo. Duniyaa si a moyi, aniŋ a konokono feŋolu bee, duniyaa aniŋ mennu bee be baluuriŋ a kono.

Yesaya 43:13

Tooñaa, nte le mu Alla ti saayiŋ fo abadaa. Moo te kana noo la m bulu. Niŋ ŋa kuu ke, jumaa le si a faliŋ noo?”

Yesaya 57:3

Yaawe* ko: “Alitolu junubekelaalu, ali naa jaŋ, alitolu batuutaa diŋolu, alitolu mennu bota jeenelaalu bala, aniŋ cakoolu.