Yesaya 48:15 - Mandinka Bible

¹⁵ Nte Yaawe faŋo le diyaamuta, ŋa a kumandi. Ŋa a naati le, aduŋ a be kututeyi la a la dookuwo to le.

Yesaya 48:15 Referans Kwoze

Yosuwa 1:8

Kana soŋ ñiŋ Luwaa Kitaaboo* la kumakaŋolu ye bo i daa kono. Kali tara a la kumakaŋolu miira kaŋ suuto tili. I si i hakiloo tu ka kuwolu bee ke, mennu be safeeriŋ a kono. Wo le be a tinna la, i be yiriwaa la, i ye ñaatotaa soto i taaraŋ siloolu bee la.

Jabuuroolu 45:4

I la kandaayaa kaŋ, i la taamaraŋ suwoo borindi ka nooroo ke, ka tooñaa, fammajiyo, aniŋ tiliŋo taamandi. I be kuu baalu ke la i semboo le la.

Esekiyeli 1:2

Wo keta Mansa Yehoyahini sambariŋ koolaa le mutoo kono, a sanji luulunjaŋo, karoo tili luulunjaŋo la.

Yesaya 41:2

“Jumaa le ye mansa kumandi ka bo naŋ tiliboo la, fo a si naa n na tiliŋo taamandi daa-wo-daa? Nte le ye a saabu, a ye banku jamaa noo keloo la, ka ì la mansoolu bee jindi. A la hawusaroo* ka ì farafara le, ì ye tii ko kankaŋo. A la beñoo ka ì janjandi le ko niŋ foñoo be fuufulewo tindi la.

Yesaya 44:28

Ŋa a fo Kirusi ye le ko, ‘I mu n na kantarilaa le ti, aduŋ feŋ-wo-feŋ diyaata n ye i be wo le ke la. I be yaamaroo dii la le, ka Yerusalaamu lookuu, aniŋ ka Alla Batudulaa fondamaŋo dadaa.’ ”

Yesaya 45:13

M be Kirusi parendi la le ka n na tiliŋo taamandi, ŋa a la siloolu bee tembendi. A be n na moolu bondi la mutoo kono le, a ye n na saatewo Yerusalaamu lookuu, bari a te nafaa soto la a to, waraŋ joo.” Yaawe Alihawaa Maariyo* le ye a fo.

Yeremiya 50:21

Yaawe ko: “Ali taa Meratayimunkoolu kele, aniŋ Pekodinkoolu, ñiŋ Babiloni banku muritiriŋo, ali ì faa, ali niŋ kasaaroo ye ì nooma, ŋa ali yaamari meŋ ke la, ka a ke.” Yaawe le ye a fo.