Yesaya 47:12 - Mandinka Bible

¹² “Tenteŋ i la ñiŋ batuutaa kuwolu niŋ saaboolu la, i ye meŋ ke i la dookuwo ti biriŋ i dindiŋ! Tumandoo i be ñaatotaa soto la le, waraŋ i ye silaŋo dundi moo la.

Yesaya 47:12 Referans Kwoze

Nahumu 3:4

Ñiŋ bee be ke la Ninewe la le, kaatu a keta le ko cakamusoo, meŋ na cakayaa maŋ dandulaa soto. A ka moolu neenee niŋ a la ñiiñaa la, a keta ko buwaamusoo, buwaayaa koyita meŋ ma. A ye banku jamaa le joŋyandi a la cakayaa la, a ye moolu joŋyandi a la buwaayaa la.

Yeremiya 2:28

Yahuuda, i la alloolu lee, i ye mennu dadaa i faŋo ye? Batu, wolu ye naa, niŋ ì si i kiisa noo mantooroo kono, bayiri ite Yahuuda bankoo la alloolu siyaata le, ì niŋ i la saatewolu yaatewo le kaañanta.

Yesaya 44:25

N ka juubeerilaalu ke moo kuntaŋolu le ti, ŋa ì la taamanseeroolu ke faniyaa ti. N ka moo ñaamendiŋolu la kumoolu faniyandi, ŋa a yitandi ì la ko, ì la ñaameŋo mu kuntaŋyaa le ti.

Yesaya 19:3

Misirankoolu be jikilateyi la le, ŋa ì la feeroolu ke kenseŋo ti. Ì be taa jalaŋolu yaa le, juubeerilaalu yaa, saabutiyolu ka taa furee kumandilaalu.

Yesaya 8:19

Saayiŋ moo doolu ko, ali ñanta taa la furee kumandilaalu niŋ juubeerilaalu le yaa, wo ŋunuŋunulaalu niŋ dukudukulaalu. Fo moolu maŋ ñaŋ na taa la ì la Alla le yaa ñininkaaroo la? Muŋ ne ye a tinna ali ka furewolu kumandi baluuriŋolu la kuwo kamma?

2 Musa 9:11

Batuutaatiyolu maŋ loo noo Musa ñaatiliŋo la, kaatu maadiŋolu le be ì niŋ Misirankoolu bee bala.

2 Musa 8:7

Bari batuutaatiyolu ye wo kuu kiliŋo le ke ì la batuutaayaa kono, ì fanaa ye a ke le, totoolu naata Misira bankoo kaŋ.

2 Musa 7:11

Firawoona ye a la moo ñaamendiŋolu niŋ batuutaatiyolu kumandi, aduŋ Misira batuutaalu fanaa ye wo kuu kiliŋo le ke ì la kulloo semboolu la.

Lankenemoo 9:21

Ì maŋ tuubi ì la moofaalu fanaa la, ì la batuutaayaalu, laañooyaa tuluŋolu aniŋ ì la suuñaaroolu.

Jabuuroolu 129:1

Banisirayilankoolu, ali a fo ko, “Ì ye ntolu toorandi baake le, biriŋ m̀ foloodulaa.

Daniyeli 2:2

Bituŋ mansa ye yaamaroo dii ko, ì si ñiŋ moolu kumandi naŋ: batuutaatiyolu, kumfanuntewolu, saabutiyolu, aniŋ lonnaalu, ka naa a la siiboo fasari a ye. Kabiriŋ ì naata, ì loota mansa ñaatiliŋo la,

Daniyeli 5:15

Saayiŋ teŋ ne, ì ye moo ñaamendiŋolu niŋ juubeerilaalu samba naŋ n ñaatiliŋo la, ka ñiŋ safeeroo karaŋ, aniŋ ka a fasari n ye. Bari ì maŋ a fasaroo loŋ noo.

Mika 3:7

Alitolu juubeerilaalu, ali si malu, alitolu bitaarilaalu ye duŋ maloo kono. Ali si ali buloo duŋ ali daa koto, kaatu jaabiri te bo la nte Alla yaa.”

4 Musa 22:25

Biriŋ faloo ye Yaawe la malaayikoo je, a nakita sansaŋ baloo la, a ye Balaamu siŋo niŋ sansaŋ baloo dete. Bituŋ Balaamu naata a lipa kotenke.

Esekiyeli 21:26

Wo to Maarii Yaawe ye ñiŋ ne fo i ye ko: “I la mansanaafoo wura, i ye naawoo bo minindiŋ i kuŋo la. Kaatu kuwolu be faliŋ na le, aduŋ ì te tu la ì be ñaameŋ. Moolu mennu la kuwo warata, wolu la kuwo be jii la le, mennu la kuwo dooyaata, wolu la kuwo ye wara.

Daniyeli 2:11

Mansa, i ka meŋ ñininkaa teŋ, a koleyaata le, aduŋ moo te a fo noo la i ye, niŋ a maŋ ke alloolu ti, aduŋ wolu maŋ tara sabatiriŋ hadamadiŋolu kono.”