Yesaya 47:11 - Mandinka Bible

¹¹ Kooroo be boyi la i kaŋ ne, aduŋ i te saaboo soto la meŋ be a bondi noo la. Maasiiboo be naa i kaŋ ne, i te meŋ baayi la noo. Kasaaroo ñaamootoo si naa, i te meŋ kalaŋo loŋ na.

Yesaya 47:11 Referans Kwoze

1 Tesalonikankoolu 5:3

Niŋ moolu ko, “Kayiroo niŋ tenkuŋo le be keriŋ,” bituŋ waati kiliŋ doroŋ, kasaaroo si boyi ì kaŋ ko tiŋo ka boyi musukonomaa kaŋ ñaameŋ, moo te kana noo la a ma.

Lankenemoo 3:3

Wo to, i hakiloo bulandi kuwo la, i ye meŋ moyi nuŋ, aduŋ i naata a muta. Wo muta kuu, i ye tuubi ka i koo dii i la junuboolu la. Niŋ i maŋ wuli ka tu i ñaa la, m be naa la le ko suŋo, i te waatoo loŋ na, m be i ñapinkaŋ na meŋ na.

Luka 12:59

M be a fo la ali ye, i te finti la jee muk, fo niŋ i ye i la alimaanoo bee joo.”

Jabuuroolu 50:22

“Wo to, alitolu mennu ka ali ñaa kaasi Alla la, ali ali hakilitu ñiŋ to, niŋ wo nte n si ali faraŋ-faraŋ ko jatoo, aduŋ moo te ali tankandi noo la.

Nehemiya 4:11

Ǹ jawoolu fanaa ye ñiŋ ne fo ko, “Janniŋ wo Yahuudoolu be a kalamuta la waraŋ ì be ǹ je la, m̀ be ì moonee la le, ŋà ì faa, ka ì la dookuwo baayi.”

Matiyu 18:34

Bituŋ a maariyo kamfaatoo ye a dii bunjawuto dookuulaalu la ka a toorandi, fo janniŋ a be a la juloo bee baŋ na joo la.

Yesaya 37:36

Wo to le Yaawe la malaayikoo taata, a ye kee wuli keme, wuli taŋ seyi, aniŋ wuli luulu faa Asiriyankoolu la daakaa kono. Kabiriŋ fanoo keta, ì furewolu tarata laariŋ jee le.

Luka 17:27

Ì ka domoroo niŋ miŋo ke nuŋ, ì ka futuu, aduŋ ì ka ì diŋolu futundi fo wo luŋo meŋ na, Nuha dunta kuluŋo kono. Bituŋ Tuufaani Waamoo naata, a ye ì bee kasaara.

Jabuuroolu 35:8

Allamaa kasaaroo ye boyi ì kaŋ moonewo kono, ì ye jaloo meŋ laa n kamma, a ye ì faŋolu muta, ì ye bula dinkoo kono ka kasaara.

Jabuuroolu 55:15

Allamaa n jawoolu ye kere kati, Allamaa ì ye kende saareŋ ka taa laakira. Kaatu kuu jawoo le be ì la taradulaalu kono, aniŋ ì sondomoolu kono.

Jabuuroolu 73:19

Ì be kasaara la le waati kiliŋ, kooroo ye ì domo,

Kuma Kotoomaalu 13:21

Junubelaa harijewo ka tu sitiriŋ ne, bari firiŋo le ka ke moo tilindiŋo la joo ti.

Yesaya 13:6

Ali wuuri, kaatu Yaawe la luŋo sutiyaata naŋ ne, a luŋo niŋ kasaaroo le be naa kaŋ ka bo ate Alla Tallaa bulu.

Yesaya 29:5

Bari ñiŋ bee ñaa-wo-ñaa, i jawu jurumoo be naa ke la le ko kankaŋ kenseŋo, tilimbali kafu jurumoo ye tii ko fuufulewo.

Yesaya 30:13

ñiŋ junuboo be ke la ali ye le ko tata sansaŋ jaŋo meŋ farata, a be laamaariŋ, kataba kiliŋ a ye naa boyi piram.

Yesaya 45:7

Nte le ye maloo naati, ŋa diboo daa, nte le ye kayiroo naati, ŋa maasiiboo saabu. Nte Yaawe le ka ñiŋ kuwolu bee ke.

Yesaya 47:9

Bari luŋ kiliŋ, ñaa biti niŋ ñaa yele kono, ñiŋ kuu fuloo be ke la le, i diŋolu bee be faa la le, i be ke la furuyaamusoo ti. I la batuutaalu niŋ saaboolu siyaata ñaa-wo-ñaa, ñiŋ kuwolu be laa la i kaŋ ne, ì te baayi la.

Yesaya 48:8

Kabiriŋ koomanto, ali buka i lamoyi ñiŋ kuwolu la, ka ì fahaamu, sako ka n na kumoo moyi. Ŋa a loŋ ne ko, ali be ke la n ye jamfantuŋolu le ti. Ali muritita m ma le, biriŋ ali wuluuta.

Yesaya 57:1

Moo tilindiŋolu ka kasaara le, bari moo buka a hakilitu ì to, ì ka lannamoolu samba le, moo buka a fahaamu. Bari niŋ ì faata, ì be tanka la maasiiboo ma le,

Yeremiya 51:8

Waati kiliŋ, Babiloni boyita ka teyiŋ-teyiŋ. Ali kumboo a ye! Ali booroo naati a la baramoo ye, tumandoo a be kendeyaa la le.”

Yeremiya 51:29

Babiloni bankoo be jarajara kaŋ, dimiŋ kuwolu ye a kirikirindi, kaatu Yaawe la natoolu mu kuu looriŋo le ti a kamma, ka a bankoo kenseŋyandi, moo te tara la siiriŋ jee.

Yeremiya 51:43

A saatewolu be kenseŋyaa la le, a ye jaa ka ke keñewuloo* ti, moo te tara la siiriŋ jee, hadamadiŋ te tambi la niŋ jee la.

Niikuyaa Suukuwolu 1:21

“Woyi Yaawe, n na ŋuntaŋo moyi, m maŋ sabarindilaa soto. N jawoolu bee ye n na maasiiboo moyi le, ì seewoota ko, ite le ye a ke n na. I ye n laahidi luŋo meŋ na, a sindi, i ye n jawoolu ke ko m be ñaameŋ.

Esekiyeli 7:26

Kooroo be laa la kooroo kaŋ ne, kibaari jawoolu ye tara looriŋ ñoo nooma. Moolu be annabiyomoo ñini la fo ì si kiilaariyaa kumoo soto meŋ bota Yaawe bulu. Luwaa la kuwo karandiroo be fili la piriisoolu* ma le, alifaalu fanaa la yaamaroo ye fili ì ma.