Yesaya 44:9 - Mandinka Bible

⁹ Moo-wo-moo ka jalaŋo dadaa, a maŋ ke feŋ ti, i ka feŋolu mennu muta naafuloo ti, maŋ nafaa soto. Moolu mennu ka loo ì ye, mu finkintewolu le ti, ì maŋ feŋ kalamuta, wo le ye a tinna ì be malu la.

Yesaya 44:9 Referans Kwoze

Yesaya 41:24

Bari itolu maŋ ke feŋ na feŋ ne ti, aduŋ ì la dookuwolu maŋ nafaa-wo-nafaa soto, moo-wo-moo bulata ì nooma, ŋa wo maarii koŋ ne.

Yesaya 41:29

A juubee, tooñaa te ì bulu. Ì la baaroolu maŋ feŋ nafaa. Ì maŋ ke feŋ ti, fo foño kenseŋo.”

Jabuuroolu 97:7

Moolu mennu ka jalaŋ kenseŋolu batu, ì ka kibiri ì la, wolu be malu la le. Jalaŋolu bee ka boyi Yaawe ñaatiliŋo la le.

Efesusinkoolu 5:8

Ali mu diboo le ti nuŋ, bari saayiŋ ali mu maloo le ti Maariyo kono. Wo kamma la, ali baluu ko moolu mennu mu maloo taa ti.

2 Korintinkoolu 4:4

Ñiŋ duniyaa maralilaa ye itolu lannabaloolu sondomeñaalu suki le fo ì kana maloo je noo, meŋ naata ka bo niŋ kibaari betoo la Kiristu* la kallankeeyaa* to, ate meŋ mu Alla muluŋo ti.

1 Korintinkoolu 8:4

Domoroo la kuwo to, meŋ diita jalaŋolu la, ŋà a loŋ ne ko, jalaŋo maŋ ke feŋ ti duniyaa kono, aduŋ Alla koteŋ te keriŋ fo kiliŋ.

Roomankoolu 1:22

Biriŋ itolu ko, ì ñaamenta le, ì naata ke toolewolu le ti.

Daniyeli 11:38

A be wolu tu la jee le, a ye jalaŋo batu, meŋ marata tatoolu ma. Batufeŋo meŋ a mumuñolu maŋ a loŋ, a be wo le batu la, ka kodiforoo niŋ sanoo bo a ye sadaa ti, aniŋ bere ñiimaalu, ka taa feŋ daa jawu koteŋolu.

Daniyeli 5:23

I ye i la faŋ waroo tiliŋ Arijana Maarii la le, i ye a la Batudulaa Buŋo jooraŋolu samba naŋ i yaa. I niŋ i la ñaatonkoolu, ka taa i la musoolu, aniŋ i la kaŋ foroyandi musoolu, ye wayinoo miŋ ì kono. Ali ye jalaŋolu jayi le, mennu dadaata sanoo la, kodiforoo, jaawaloo, newo, babaroo, aniŋ beroo. Ñiŋ jalaŋolu buka i je, ì buka i moyi, sako ì si feŋ loŋ. Bari i maŋ Alla horoma, i niyo be meŋ bulu, aniŋ i taaraŋ siloolu bee.

Yeremiya 14:22

Banku koteŋ moolu la jalaŋ kenseŋ jumaa le si samaajiyo ke noo? Waraŋ fo saŋ fatoolu si jiyo ke noo ì faŋ ye baŋ? Fo a maŋ ke ite Yaawe, ǹ na Alla le ti? Ŋà ǹ jikoo loo ite le kaŋ, kaatu ite le ka ñiŋ kuwolu bee ke.”

Yeremiya 2:11

Banku le nene ka a la alloolu faliŋ baŋ, ì maŋ ke Alla tooñaa ti ñaa-wo-ñaa? Bari nte la moolu ye ì la Mansa Kallankewo faliŋ jalaŋ kenseŋolu le la.

Yesaya 45:20

Yaawe ko: “Alitolu keleborilaalu, mennu bota banku doolu to, ali beŋ dulaa kiliŋ ali ye kata naŋ. Mennu ka yiri kuntoolu muta ì la jalaŋolu ti, ì niŋ ì ka tu taa la taariŋ, wolu maŋ feŋ loŋ. Ì ka duwaa ñini batufeŋo le bulu, meŋ te tankandiri ke noo la.

Yesaya 44:20

Toolewo meŋ ka a faŋ neenee ka i baluu seebuutoo le la. A laata feŋ ne la, meŋ te a maakoyi noo la muumeeke. Hani wo, a maŋ a faŋo hakiloo kiitii ka a fo ko, “Fo ñiŋ jalaŋo ŋa meŋ muta m buloo kono, maŋ ke faniyaa le ti baŋ?”

Yesaya 44:18

Ì maŋ feŋ loŋ, aduŋ ì maŋ feŋ fahaamu. Ì ñaalu be finkiriŋ ne, wo le ye a tinna ì buka feŋ je. Ì sondomoo be sukiriŋ, ì buka fahaamuroo ke.

Yesaya 43:8

Tambi moolu ñaato, mennu ñaa be malariŋ, bari i finkita le, aniŋ mennu ye tuloo soto, bari ì buka moyiroo ke.

Yesaya 42:18

Alla ko: “Alitolu tulu sukiriŋolu, ali i lamoyi. Finkintewolu ali ali ñaa yele, ali ye jeroo ke.

Jabuuroolu 135:18

Mennu ye ì dadaa, ì fanaa be wo le ñaama, aniŋ mennu bee laata ì la.

Jabuuroolu 115:8

Mennu ye ì dadaa, ì fanaa si ke wo ñaama, aniŋ mennu bee laata ì la.

Efesusinkoolu 4:18

Ì sondomeñaalu be dibiriŋ ne, ì la lombaliyaa kamma la ì fatata baluwo la Alla ye meŋ dii, kaatu ì sondomoo jaata le.

Kiitindirilaalu 10:14

Ali taa woosii jalaŋolu ye, ali ye mennu tomboŋ. Ì ye ali tanka ali la bataa waatoo kono.”

5 Musa 27:15

Dankoo be moo ye meŋ ye jalaŋo dadaa, waraŋ feŋ muluŋo, moo buloo ye meŋ dadaa, ka a batu kulloo kono. Kuu haraamuriŋo le mu Yaawe ñaatiliŋo la. Bituŋ moolu bee si a fo ko: Amiin.

2 Mansoolu 19:18

Ì ye ì la jalaŋolu jani dimbaa kono le ka ì kasaara. Kaatu wo jalaŋolu mu yiroolu niŋ beroolu doroŋ ne ti, ì maŋ ke Alla ti. Moolu le ye ì dadaa ì buloolu la.

Yesaya 26:11

Hee Yaawe, i buloo be teekariŋ ne, ka ì mantoora, bari ì maŋ a je. Allamaa ì ye i hamoo je, i ye meŋ soto i la moolu ye, ì ye malu. Allamaa dimbaa meŋ be pareeriŋ i jawoolu kamma, ye ì jani.

Yesaya 42:17

Bari mennu ye ì jikoo loo jalaŋolu kaŋ, mennu ka a fo ì ye ko, ‘Alitolu le mu ǹ na alloolu ti,’ ì niŋ maloo le be muru la ì koo la.”

Yesaya 43:9

Bankoolu bee moolu si beŋ ñoo kaŋ. Jumaa le sotota ñinnu kono, mennu ye ñiŋ ñaato kuwolu fo, waraŋ ka folooto kuwolu yitandi ǹ na? Ì si ì la seedoolu samba ǹ ye naŋ, ka a yitandi ko, ì be tooñaa le kaŋ, fo niŋ doolu ye a moyi, ì si a fo ko, tooñaa le mu.

Yesaya 44:11

Ate niŋ a ñoŋolu bee be malu la le. Jalaŋ tunkannaalu fanaa maŋ ke feŋ ti fo hadamadiŋolu. Ì bee kafuriŋo be loo la le, ì kijoo ye ì fara, aduŋ ì be tara la dooyaa le kono.

Yesaya 45:16

Jalaŋ dadaalaalu bee be tara la maloo niŋ dooyaa le kono.

Yesaya 65:13

Saayiŋ Maarii Yaawe ye ñiŋ ne fo ko: “N na dookuulaalu be domoroo ke la le, bari alitolu be konko la le. N na dookuulaalu be i miŋ na le, bari mindoo be alitolu muta la le. N na dookuulaalu be seewoo la le, bari alitolu be duŋ na maloo le kono.

5 Musa 4:28

Jee to, ali be jalaŋolu batu la le, hadamadiŋo buloo ye mennu dadaa yiroo niŋ beroo la. Ì buka moyiroo ke waraŋ ka jeroo ke, ì buka feŋ domo noo waraŋ ka feŋ seeroo taa.

Jabuuroolu 115:4

Moolu ye mennu dadaa ì buloolu la sanoo niŋ kodiforoo, itolu ye wo le ke ì la Alla ti.

Yesaya 57:12

Saayiŋ m be i la baaroolu waañaari la le, i ye mennu miira ko kuu tilindiŋolu le mu. Hani kiliŋ te tara la ñinnu kono meŋ si i nafaa.

Yeremiya 2:26

Yaawe ko: “Ko maloo ka laa suŋo kaŋ ñaameŋ niŋ ì ye a muta, maloo be laa la Banisirayila kaŋ wo le ñaama. Itolu, ì la mansoolu, mansakundaa dookuulaalu, piriisoolu, aniŋ annabiyomoolu,