Yesaya 44:7 - Mandinka Bible

⁷ Jumaa le be ko nte? A maarii ye a faŋ fo. A ye a yitandi n na, kuwolu mennu keta, kabiriŋ ŋa n na moo foloolu fintindi ñiŋ duniyaa kono, aniŋ kuwolu mennu be naa ke la ñaato.

Yesaya 44:7 Referans Kwoze

Yesaya 41:26

Ali la batufeŋolu kono, jumaa le ye wo kumoo fo biriŋ foloodulaa to, fo ǹ si a loŋ, aniŋ ŋà a fo ko, ‘Wo maarii ye tooñaa le fo’? Itolu maŋ ñiŋ fo, ì nene maŋ a fo, aduŋ moo maŋ kuma moyi ì la.

Yesaya 41:22

Ali ali la batufeŋolu samba ǹ ye naŋ, ì ye a fo ǹ ye, meŋ be naa ke la. Kuwolu mennu tambita, ì si ì fo ǹ ye, fo ǹ si ǹ hakilitu ì to, ŋà a loŋ a koolaa be ke la meŋ ti. Ì si a fo ǹ ye, kuwolu mennu be naa ke la,

Yesaya 45:21

Ali a fo meŋ be ke la, ali ye a yitandi. Ali ye kuwo kacaa ñoo kaŋ. Jumaa le ye ñiŋ fo nuŋ kabiriŋ? Jumaa le ye a fo nuŋ koomanto? Fo nte Yaawe n te baŋ? Alla koteŋ te jee nte koolaa. Alla tilindiŋo niŋ kiisandirilaa doo te jee, nte dammaa le mu.

Kiilaalu 17:26

Ate le ye sii-wo-sii daa ka bo niŋ kee kiliŋ na, ka sabati duniyaa bankoolu bee kaŋ. A ye waatoolu londi ì la baluwo la, a ye dulaalu tomboŋ ì ye ka sabati jee,

Yesaya 43:12

Ŋa a bankee ali ye le ka a kankulaa meŋ be naa ke la, ŋa ali tankandi. Batufeŋ koteŋ te jee meŋ si ñiŋ ke noo.” Yaawe le ye ñiŋ fo ko: “Alitolu faŋo si ke n seedoo ti ko, nte le mu Alla ti.

Yesaya 43:9

Bankoolu bee moolu si beŋ ñoo kaŋ. Jumaa le sotota ñinnu kono, mennu ye ñiŋ ñaato kuwolu fo, waraŋ ka folooto kuwolu yitandi ǹ na? Ì si ì la seedoolu samba ǹ ye naŋ, ka a yitandi ko, ì be tooñaa le kaŋ, fo niŋ doolu ye a moyi, ì si a fo ko, tooñaa le mu.

Yesaya 41:4

Jumaa le ye ñiŋ kuwolu ke, aniŋ ka jamaanoolu naati biriŋ foloodulaa? Nte Yaawe* le mu foloo ti, aduŋ nte le be ke la labaŋo ti.”

5 Musa 32:8

Alla Mansa Tallaa ye duniyaa talaa bankoolu ti, a ye hadamadiŋolu talaa siyolu ti, a ye naanewolu ke ì teema, ko Banisirayilankoolu yaatewo be ñaameŋ.

Yesaya 41:23

ì si a fo ǹ ye, meŋ be ke la ñaato siniŋ, fo ǹ si a loŋ ko, itolu mu alloolu le ti. Ì si kuu ke, fo a betemaa to, waraŋ a jawumaa to, i si a je, ǹ kijoo si m̀ fara, silaŋo ye duŋ ǹ na.

Yesaya 19:12

Firawoona, i la moo ñaamendiŋolu lee saayiŋ? Ì si a yitandi i la, ì ye i kalamutandi, Yaawe Alihawaa Maariyo ye meŋ feere Misira kamma.