Yesaya 44:4 - Mandinka Bible

⁴ Ì be wulikuu la le ko ñaamoo meŋ ye jiyo soto a ñaama, aniŋ komeŋ yirisuŋ biireeriŋolu mennu be looriŋ woyoolu daala.

Yesaya 44:4 Referans Kwoze

Yesaya 58:11

Waati-wo-waati nte Yaawe le be ali ñaatonkayaa la. M be ali suula kuwolu ke la ali ye banku jaaroo kaŋ ne, fo ali ye wasa. M be ali kuloolu bambandi la le. Ali be muluŋ na le ko naakoo meŋ ye jiyo soto kendeke, waraŋ woyoo meŋ nene buka jaa.

Jabuuroolu 1:3

Ate ka munta le ko, yiroo meŋ tututa woyoo daala. A ka diŋ a diŋ waatoo la le, aduŋ a jamboolu buka jaa. Ate ye meŋ-wo-meŋ ke, a ka ñaatotaa soto jee le.

Esekiyeli 17:5

“Bituŋ sontiŋo ñiŋ ye yirindiŋ mereŋo bondi naŋ Banisirayila bankoo kaŋ, a ye a tutu banku kendiŋo le to. A ye a tutu jii daa le la ko juŋo.

Kiilaalu 4:4

Bari moo jamaa mennu ye ì la kumoo moyi, ì laata a la le, aduŋ ì la kafoo naata kafu fo kee wuli luulu, mennu niŋ musoolu niŋ dindiŋolu maŋ kiliŋ.

Kiilaalu 5:14

Aduŋ moo jamaa, kewolu niŋ musoolu, mennu laata Maariyo la, kafuta ì la kafoo ma le.

Yesaya 61:11

Saayiŋ m Maarii Yaawe be a ke la le, tiliŋo niŋ jayiroo ye naa bankoolu bee kaŋ, ko fiifeŋ kesoolu ka faliŋ naakoo kono ñaameŋ, aniŋ ko bankoo ka fiifeŋ mereŋo so semboo la ñaameŋ.

3 Musa 23:40

A tili foloo la, ali si yiri dinnaa bulu ñiimaalu taa, tamaree buloolu, yiri biireeriŋ buloolu, aniŋ nomboolu, mennu be woyoolu daala. Ali si seewoo nte Yaawe ali la Alla ñaatiliŋo la fo tili woorowula.

Yuuba 40:22

A ka tara maaboriŋ ŋaniŋ kuroolu le dubeŋo la, baa daala yiroolu ye a kuru.

Yuuba 5:25

I si ñiŋ loŋ ko, i diŋolu be siyaa la le. I koomalankoolu be siyaa la le, ì be siyaa la duniyaa kono le komeŋ ñaamoo.

Yesaya 48:19

Ali koomalankoolu be siyaa la le ko bankumunkoo, ali diŋolu te yaatee noo la. Ì toolu te buruka la muumeeke, waraŋ ì ye kasaara n ñaatiliŋo la.”