Yesaya 44:3 - Mandinka Bible

³ Bankoo meŋ suulata jiyo la, m be jamaa ke la jee le, ŋa jiyo boŋ banku jaaroo kaŋ. M be n na Nooroo dii la ali diŋolu la le, ŋa n na neemoo jindi ali koomalankoolu kaŋ.

Yesaya 44:3 Referans Kwoze

Yoweli 2:28

“Bituŋ wo koolaa, m be n na Nooroo jindi la hadamadiŋolu bee le kaŋ: Ali dinkewolu niŋ ali dimmusoolu si kiilaariyaa kumoolu bankee, ali la keebaalu ye siiboo, ali la fondinkewolu ye jeroo ke.

Kiilaalu 2:17

‘Alla be a bankee kaŋ ko: Luŋ labaŋolu la, m be n na Nooroo jindi la hadamadiŋolu bee kaŋ ne. Ali dinkewolu niŋ ali dimmusoolu be kiilaariyaa kumoolu bankee la le. Ali la fondinkewolu be jeroo ke la, ali la keebaalu ye siiboo.

Yesaya 59:21

A ko: “Nte wo de, n niŋ ì be ñiŋ kambeŋo le siti la. Ite n na annabiyomoo, ŋa n na Nooroo meŋ dii i la, aniŋ ŋa n na kumakaŋo meŋ duŋ i daa, be tara la i fee le, aduŋ a be tara la i diŋolu fee le aniŋ i koomalankoolu ka bo saayiŋ na fo abadaa. Nte Yaawe le ye a fo.”

Kuma Kotoomaalu 1:23

Niŋ ali sonta, ŋa ali dandalaa, feŋ-wo-feŋ be n sondomoo kono, a te ali kumpa la, aduŋ m be n na miiroolu koyindi la ali ma le.

Lankenemoo 21:6

Wo koolaa a ko n ye ko, “A timmata le! Nte le mu Alifa niŋ Omeka ti, Foloo niŋ Labaŋo. Mindoo be meŋ na, m be jiyo dii la wo la le ka bo woyoo to, meŋ ka baluwo dii, aduŋ joori te jee.

Kiilaalu 2:39

Kaatu Alla la laahidoo mu alitolu le taa ti, ali la dindiŋolu, aniŋ moolu bee, mennu be dulaa jaŋ. A be moo-wo-moo le ye, Maariyo, ǹ na Alla ye meŋ kumandi a kaŋ.”

Jakariya 12:10

M be n na balafaa nooroo jindi la naŋ Dawuda koomalankoolu niŋ Yerusalaamunkoolu kaŋ ne, aniŋ hamoo ka duwaa. I si a je, ì ye meŋ baloo soo, niŋ ì ñaa loota a kaŋ, ì si a la kuwo woosii, ko moo ka a dinkee kiliŋo woosii ñaameŋ. Ì be a saŋakumboo la le kendeke, ko meŋ diŋ foloo faata.

Esekiyeli 39:29

N te n koo dii la ì la kotenke, kaatu m be n na Nooroo boŋ na Banisirayilankoolu kaŋ ne.” Maarii Yaawe le ye a fo.

Yesaya 32:15

fo janniŋ Alla la Nooroo be jii la ǹ kaŋ naŋ ka bo santo, keñewuloo ye ke banku kendiŋo ti, banku kendiŋo ye dibi yiri sutoo la.

Kiilaalu 10:45

Yeesu la kafoo moolu mennu niŋ Pita naata ñoo la, aduŋ ì mu Yahuudoolu le ti, ì jaakalita, kaatu Noora Kuliŋo jiita hani moolu kaŋ ne, mennu maŋ ke Yahuudoolu ti.

Jabuuroolu 107:35

A ka keñewuloolu yelemandi daloolu ti le, aniŋ ka banku jaaroo yelemandi woyoolu ti.

Yesaya 41:17

“Fuwaaroolu niŋ fentaŋolu ka jiyo ñini le, bari ì maŋ jii soto. Ì neŋolu karata ì naaliŋo bala mindoo kamma. Bari nte Yaawe be ì maakoyi la le, nte Banisirayila la Alla te ì tu la jee.

Yoweli 3:18

“Wo luŋo la, wayini jii diimaa si suleŋ konkoolu kaŋ, keekewo ye bori konkoriŋolu duuma, Yahuuda jii siloolu bee ye faa jiyo la, Jiyo si woyi naŋ ka bo Yaawe Batudulaa Buŋo* to, a ye Sitimu Wulumbaŋo jiiboŋ.

Kiilaalu 2:33

A be siiriŋ Alla bulubaa karoo la. A ye laahidoo soto Noora Kuliŋo la kuwo to le nuŋ a Faamaa bulu, aduŋ saayiŋ a ye ñiŋ Nooroo jindi ntolu kaŋ ne, ko ali ye a je aniŋ ali ye a moyi ñaameŋ.

Esekiyeli 34:26

M be wo dulaalu aniŋ n na konko senuŋo* niŋ a dandaŋolu bee ke la ì ye neemoo le ti, aduŋ m be n na samaa neemoo dii la ì la a waatoo le la. M be neemoo sanjimaa le boŋ na ì kaŋ.

Yesaya 61:9

Ì koomalankoolu te ke la moo maaboriŋ ti, bankoolu kaŋ, aduŋ mennu bota ì bala, be daraja la moolu kono le. Moo-wo-moo ye ì je, be soŋ na le ko, ñinnu mu moolu le ti, nte Yaawe neemata mennu ma.”

Lankenemoo 22:17

Noora Kuliŋo niŋ maañoo ko, “Naa!” Aduŋ meŋ ye ñiŋ moyi, wo si a fo ko, “Naa!” Mindoo be meŋ na, a si naa, aduŋ moo meŋ hameta, wo si baluwo jiyo taa, joori te meŋ to.

Yesaya 48:21

Mindoo maŋ ì muta biriŋ a ye ì ñaatonkayaa keñewuloo* kono, a ye jiyo bondi ì ye beroo kono, a ye beroo fara, jiyo bota naŋ a kono.

Yesaya 65:23

Ì te ì semboo bo la kensenke, waraŋ ka diŋolu wuluu, kasaaroo be naa mennu kaŋ, kaatu ì be ke la moolu le ti, Yaawe be neema la mennu ma, ì niŋ ì koomalankoolu bee.

Jabuuroolu 63:1

Hee Alla, ite le mu n na Alla ti, i la kuwo ye n loo le, i la kuwo ye m muta le ko mindoo, m balajaatoo bee le ye i la kuwo kaniŋ. A ka munta le ko ñiŋ banku jaaroo, jii te daameŋ to, fo bataa.

Yesaya 49:10

Ì te konko la, waraŋ mindoo ye ì muta, sako tiloo si i kandi waraŋ keñewuloo* foñoo si ì mantoora. Nte Alla meŋ ka balafaa soto ì ye, be ì ñaatonkayaa la le, ka ì samba woyoolu to.

Yesaya 32:2

Ì meŋ-wo-meŋ be ke la moolu ye le ko taradulaa, ka ì tankandi foñoo la, aniŋ ka maabodulaa soto, niŋ burufatoo naata. Ì be ke la le ko boloŋo, meŋ ka woyi keñewuloo* kono, aniŋ bere konkoo niiniyo kene kenseŋo kono.

Matiyu 12:43

“Niŋ seetaani jawoo bota moo kono, a ka taa dulaa jaaroolu le to ka sabatidulaa ñini, bari a buka a soto.

Yuuba 5:25

I si ñiŋ loŋ ko, i diŋolu be siyaa la le. I koomalankoolu be siyaa la le, ì be siyaa la duniyaa kono le komeŋ ñaamoo.

Yesaya 48:19

Ali koomalankoolu be siyaa la le ko bankumunkoo, ali diŋolu te yaatee noo la. Ì toolu te buruka la muumeeke, waraŋ ì ye kasaara n ñaatiliŋo la.”

Yesaya 55:1

Yaawe* ko: “Ali naa, jiyo fele, mindoo be alitolu mennu bee la. Kodoo te mennu bulu, ali naa feŋ taa ali ye a domo. Ali naa, wayinoo* niŋ keekewo miŋ, ali te kodi bondi la, aduŋ a maŋ daa soto.

Esekiyeli 36:27

M be n na Nooroo duŋ na ali kono le, meŋ be a tinna la ali ye bula n na yaamaroolu nooma kuuke, aniŋ n na saratoolu.

Esekiyeli 47:8

Kewo ko n ye le ko, “Ñiŋ jiyo le be woyi kaŋ ka taa tilibo karoo la. A be woyi la le ka taa fo Araba* Wulumbaŋo to. Ka bo jee, a ye woyi fo Koojii Baa to. Niŋ a dunta Koojii Baa kono doroŋ, a jiyo be yelema la jiisewo le ti.

Hoseya 10:12

Ali ali la bankulaa sene, ali ye tiliŋo fii jee, kanu bambaloo be faliŋ na ali ye le. Waatoo siita le ka nte Yaawe ñini, fo n si naa ka tiliŋo jindi ali kaŋ ko sanjoo.

Mika 5:7

Yaakuba koomalankoolu mennu tuta, be tara la janjandiŋ bankoolu le kaŋ. Ì la kuwo be muluŋ na le komeŋ komboo, Yaawe ye meŋ jindi naŋ, waraŋ samaajiyo, ñaamoolu kaŋ. Ì te ì jiki sembe la moo la, sako ì si taamaayaa hadamadiŋ na.

Yesaya 27:3

“Nte Yaawe le ka a kanta, n ka a jiiboŋ taariŋ, n ka a kanta suuto tili, fo moo kana a tiñaa.

Yoweli 2:27

Banisirayilankoolu, ali be a loŋ na le ko, m be ali fee le, aniŋ fanaa ko, nte Yaawe le mu ali la Alla ti, doo koteŋ te jee. N na moolu nene te bula la maloo kono kotenke.”

Yoweli 3:1

Yaawe* ko: “Wo luŋolu la, m be Yerusalaamu niŋ Yahuuda bee murundi la ì la neemoo kono le.