Yesaya 44:1 - Mandinka Bible

¹ Yaawe* ko: “Banisirayilankoolu, ali i lamoyi n na, n na dookuulaalu, n na tomboŋ moolu, Yaakuba koomalankoolu.

Yesaya 44:1 Referans Kwoze

Yesaya 41:8

Yaawe ko, “Bari alitolu Banisirayilankoolu mu n na dookuulaalu le ti. Ŋa Yaakuba koomalankoolu le tomboŋ, ate meŋ bota n teeri Iburayima bala.

Yeremiya 30:10

“Wo to ali kana sila, alitolu Yaakuba koomalankoolu, n na dookuulaalu, sako ka jikilateyi, alitolu Banisirayilankoolu.” Yaawe le ye a fo. “Kaatu ko, m be ali kiisa la naŋ dulaa jamfariŋo to le, ka ali koomalankoolu bondi naŋ ì mutadulaa bankoo kaŋ. Yaakuba koomoo be muru la naŋ ne ka tenkuŋo niŋ tankoo soto, aduŋ moo te a silandi noo la.

Yeremiya 4:7

Jatoo le wulita ka bo a la ñunkoo kono, banku tiñaalaa baa le wulita naŋ, a wulita ka bo naŋ a yaa, ka ali la bankoo kenseŋyandi. Ali la saatewolu be ke la tumbuŋolu le ti, moo te tu la sabatiriŋ jee.

Luka 13:34

“Ite Yerusalaamu, hee, ite Yerusalaamu! I la moolu ye annabiyomoolu faa le, aniŋ ì ye kiilaalu buŋ beroolu la ka ì faa. Siiñaa jelu le n lafita i la dindiŋolu kafu la ñoo ma m bala ko siisee dimbaa ka a diŋolu kafu ñoo ma a dampaŋo koto ñaameŋ, bari ali buka soŋ!

Yesaya 55:3

Ali naa n kaŋ ali ye ali tuloo loo n na kendeke. Ali i lamoyi n na fo ali si baluu. Kambeŋo meŋ te daŋ na, n niŋ ali be wo le siti la, n na kanu bambaloo, ŋa meŋ laahidi Dawuda ye.

Yesaya 43:1

Wo to saayiŋ, Yaawe* meŋ ye ite Yaakuba daa, a ye muluŋo ke ite Banisirayila la, a ye ñiŋ ne fo ko: “Ali kana sila, kaatu ŋa ali kumakaa le, ŋa ali kumandi ali too le la ka ke m faŋo taa ti.

Yesaya 42:23

Jumaa le be soŋ na ñiŋ na ali kono, waraŋ ka a hakilitu ñaato siniŋ?

1 Musa 17:7

M be n na kambeŋo londi la n niŋ i teema, aniŋ i koomalankoolu, ì jamaanoolu bee la, kambeŋ looriŋo fo abadaa, ka ke i la Alla ti, aniŋ i koomalankoolu mennu be naa ite koolaa.

Jabuuroolu 136:22

a ye ì dii Banisirayilankoolu le la, a la dookuulaalu, a la kanu bambaloo be tu la le fo abadaa.

Yesaya 14:1

Yaawe* be naa balafaa soto la Yaakuba koomalankoolu ye le. A be Banisirayilankoolu tomboŋ na le kotenke, a ye ì sabatindi ì fansuŋ bankoo kaŋ. Tumarankewolu be kafu la ì ma le, ì niŋ Yaakuba koomalankoolu ye ke kiliŋ ti.

Yesaya 41:9

Ŋa alitolu bondi naŋ duniyaa daŋo le to, ŋa ali kili ka bo dulaa jaŋ baalu tonkoŋolu to. N ko ali ye le ko, ali mu n na dookuulaalu le ti, ŋa ali tomboŋ ne, aduŋ m maŋ ñoori ali la.

Yesaya 44:21

Yaawe ko: “Hee Yaakuba, ali kana ñina ñiŋ kuwolu la, kaatu alitolu mu n na dookuulaalu le ti, Banisirayila. Nte le ye ali daa, ali mu n na dookuulaalu le ti. Hee Banisirayila, n te ñina la ali la.

Yesaya 45:4

N na dookuulaa Yaakuba la kuwo kamma la aniŋ n na tomboŋ moolu Banisirayilankoolu, ŋa i kumandi i too la le, ka horomoo dii i la, i maŋ n loŋ ñaa-wo-ñaa.

Yesaya 48:12

“Hee Yaakuba, i lamoyi n na, ŋa ite Banisirayila meŋ kumandi! Nte le mu Alla ti! Nte le mu foloo ti, aduŋ nte le mu labaŋo ti.