Yesaya 43:10 - Mandinka Bible

¹⁰ Yaawe ko: “Alitolu Banisirayila le mu n seedoo ti, aniŋ n na dookuulaa, ŋa meŋ tomboŋ, fo ali si a loŋ aniŋ ka laa ko, nte le mu Alla ti aniŋ ka a fahaamu ko, Alla te jee nte koolaa. Alla koteŋ te jee, doo te nuŋ jee, aduŋ doo te tara la jee.

Yesaya 43:10 Referans Kwoze

Yesaya 41:4

Jumaa le ye ñiŋ kuwolu ke, aniŋ ka jamaanoolu naati biriŋ foloodulaa? Nte Yaawe* le mu foloo ti, aduŋ nte le be ke la labaŋo ti.”

Yesaya 45:6

i si a je tiloo ka wuli daameŋ, aniŋ a ka boyi daameŋ, moolu si a loŋ ko, doo te jee nte koolaa. Nte le mu Yaawe ti, doo te jee.

Yesaya 43:12

Ŋa a bankee ali ye le ka a kankulaa meŋ be naa ke la, ŋa ali tankandi. Batufeŋ koteŋ te jee meŋ si ñiŋ ke noo.” Yaawe le ye ñiŋ fo ko: “Alitolu faŋo si ke n seedoo ti ko, nte le mu Alla ti.

Kiilaalu 1:8

Bari niŋ Noora Kuliŋo naata ali kaŋ, ali be semboo soto la le, aduŋ ali be ke la seedoolu le ti n na kuwo to Yerusalaamu kono, Yudeya tundoo bee kaŋ, Samariya, aniŋ ka taa fo duniyaa daŋo to.”

Filipinkoolu 2:7

A maŋ a faŋ muta feŋ ti, a ye a fammajii ka ke joŋo ti, a naata wuluu niŋ hadamadiŋ muluŋo la. Duniyaa moolu ye a je a la hadamadiŋyaa kono le,

Yesaya 42:1

Yaawe* ko: “N na dookuulaa fele, ŋa meŋ na kuwo bambandi. Ŋa ate le tomboŋ, aduŋ a la kuwo ye n seewoo le. M be n na Nooroo jindi la a kaŋ ne, aduŋ a be kiitii tilindiŋo naati la bankoolu kaŋ ne.

Yesaya 41:20

Wo to le moolu si a je, ì ye a loŋ, ì si ì hakilitu aniŋ ka a fahaamu ko, nte Yaawe faŋo le ye ñiŋ ke, Banisirayila la Senuŋ Baa semboo le ye a saabu.”

Lankenemoo 1:2

Ate Yohana le ye seedeyaa ke ñiŋ kuwolu to, a ye mennu bee je, ka a yitandi ko, Alla la kumoo le mu, aniŋ Yeesu Kiristu faŋo la seedeyaa.

Yohana 20:31

Bari ñinnu safeeta le, fo ali si laa ko, Yeesu le mu Alimasiihu* ti, Alla Dinkewo*, aniŋ fo niŋ ali laata, ali si baluwo soto a too la.

Yohana 15:27

Aduŋ alitolu fanaa mu seedoolu le ti n na kuwo to, kaatu ali tarata nte fee le kabiriŋ foloodulaa to.

Yesaya 41:8

Yaawe ko, “Bari alitolu Banisirayilankoolu mu n na dookuulaalu le ti. Ŋa Yaakuba koomalankoolu le tomboŋ, ate meŋ bota n teeri Iburayima bala.

Lankenemoo 1:5

aniŋ Yeesu Kiristu fanaa bulu, meŋ mu seede foroo ti. A foloo le wulita ka bo saayaa kono, aduŋ ate le mu maralilaa ti duniyaa mansoolu bee kunto. Jayiroo be ate le ye, meŋ ye ǹ kanu, aduŋ a ye m̀ firiŋ ǹ na junuboolu kono, ka bo niŋ a yeloo la.

1 Korintinkoolu 15:15

Aduŋ niŋ wo mu tooñaa le ti ko, furewolu buka wulindi ka bo saayaa kono, ǹ si tuumi noo hani seedenduriyaa la Alla la kuwo to le, kaatu ŋà seedeyaa ke a la kuwo to le ko, a ye Yeesu wulindi le.

Lankenemoo 3:14

“A safee Yeesu la kafoo malaayikoo ye, meŋ be Lawodiseya saatewo kono: “Nte la kumoo fele, nte meŋ mu Amiin ti. Nte le mu foroo ti, aniŋ seede tooñaa. Alla ye feŋolu bee daa ka bo niŋ nte le la.

Kolosankoolu 1:7

Ali naata ñiŋ tooñaa la kuwo karaŋ Epafaras le bulu, meŋ mu ǹ kanuntee dookuuñoo ti. Ate mu Kiristu la dookuulaa le ti ali ye, meŋ foroyaata.

Yesaya 55:4

A juubee, ŋa ate le ke n seedoo ti bankoolu ye, moolu la ñaatonkoo aniŋ ì la maralilaa.

5 Musa 4:35

Yaawe ye ñinnu bee ke le ka ali kalamutandi ko, ate le mu Alla ti, Alla koteŋ te keriŋ.

5 Musa 32:39

Fo ali maŋ ñiŋ je ko, nte le mu Alla ti, Alla koteŋ te keriŋ nte koolaa? Nte le ka moo faa, nte le ka moo balundi, nte le ka moo barama, nte le ka moo kendeyandi. Baayiñaa te nte la keroo la.

Jabuuroolu 102:27

Bari ite ka tu i ñaama le doroŋ, aduŋ i maŋ dandulaa soto.

Yesaya 45:5

“Nte le mu Yaawe ti, doo koteŋ te jee, nte koolaa Alla te keriŋ. I maŋ n loŋ ñaa-wo-ñaa, m be i bambandi la le,

Yesaya 48:12

“Hee Yaakuba, i lamoyi n na, ŋa ite Banisirayila meŋ kumandi! Nte le mu Alla ti! Nte le mu foloo ti, aduŋ nte le mu labaŋo ti.

Yesaya 49:23

Mansoolu le be ke la i diŋolu la kuluuribaalu ti, ì la mansamusoolu ye ke i diŋolu ye bambaanoolu ti. Ì be ñoyi la i ñaatiliŋo la le, ì kuŋolu ye tara jimiriŋ duuma, ì ye kankaŋo newuŋ i siŋolu bala. Wo to le i be a loŋ na ko, nte le mu Yaawe ti, moolu mennu ye ì jikoo loo n kaŋ, te jikilateyi la.”

Hakayi 2:23

Yaawe Alihawaa Maariyo ko, “Wo luŋo la m be ite Serubabeli le taa la, n na dookuulaa, aduŋ i be kummaayaa la n ye le komeŋ n na tampurilaŋ konnaa. Kaatu ŋa ite le tomboŋ.” Yaawe Alihawaa Maariyo le ye a fo.

2 Musa 8:6

Haaruna naata a buloo coodi Misira jiyolu kaŋ, bituŋ totoolu fintita, ì ye bankoo bee beŋ.

5 Musa 4:39

Wo to ka bo bii la, ali si ñiŋ kalamuta, ali kana ñina ko, Alla koteŋ te keriŋ saŋo niŋ bankoo teema Yaawe koolaa.