Yesaya 42:12 - Mandinka Bible

¹² Ì si Yaawe la kallankeeyaa jayi, fo banku jamfariŋolu ye a moyi.

Yesaya 42:12 Referans Kwoze

Yesaya 42:4

A te keerikeeri la waraŋ ka jikilateyi, fo niŋ a ye tiliŋo londi ñiŋ duniyaa kono. Moolu mennu be banku jamfariŋolu to, be tara la ñaaniriŋ a la luwaalu le la.”

Jabuuroolu 22:27

Duniyaa fannaa bee la, moolu hakiloo be bula la Yaawe la le, aduŋ ì be muru la a kaŋ ne. Bankoolu la siyolu bee le be sujudi la a ñaatiliŋo la.

1 Samuweli 6:5

Ali maadiŋ muluŋolu dadaa, aniŋ ñina muluŋolu, mennu ka bankoo kasaara, aduŋ ali si Banisirayila la Alla horoma. A si ke noo le, a ye a buloo bo ali niŋ ali la alloolu kaŋ, aniŋ ali la bankoo.

Jabuuroolu 66:2

Ali suukuwo laa ka a too senuŋo horoma, ali ye jayiroo kidimandi a ye.

Jabuuroolu 97:1

Yaawe* mu Mansa le ti, duniyaa moolu, ali kontaani! Hani fankaasoo daŋo to siilaalu, ali seewoo!

Yesaya 12:4

Wo luŋo la, ali be a fo la le ko: “Ali tenturoo dii Yaawe la, ali ye a batu a too la. Ali a fo bankoolu bee ye, a ye kuwolu mennu ke, ali ye a kankulaa ko, a too kuliyaata le.

Yesaya 43:21

m faŋo ŋa n na moolu mennu daa, fo ì si n jayi ka a janjandi taariŋ.