Yesaya 34:8 - Mandinka Bible

⁸ Yaawe ye kiisandiroo parendi Siyoni* ye le, aniŋ saŋo meŋ na a be a la kuwo makatoo bayi la.

Yesaya 34:8 Referans Kwoze

Yesaya 63:4

Kaatu ŋa ñiŋ soto n sondomoo kono le ko, luŋo meŋ na m be juloo joo la n jawoolu to, siita le, aniŋ m be kumakaaroo ke la saŋo meŋ na.

Yesaya 61:2

Yaawe ye n kii le ka a kankulaa ko a la maakoyiroo saŋo siita le, aniŋ a be juloo joo la a jawoolu to luŋo meŋ na. A ye n kii naŋ ne ka woosiilaalu sabarindi,

Yeremiya 46:10

Bari luŋo ñiŋ mu nte Yaawe Alihawaa Maariyo* la luŋo le ti, julujoo luŋo, ka n joo n jawoolu to. Hawusaroo* be faaroo ke la le fo a ye tiiña, a ye i miŋ ì yeloo la fo a ye ñeeli. Kaatu nte Yaawe Alihawaa Maariyo be faari sadaaboo le ke la, maraa kara bankoo kaŋ, Yufurati Boloŋo daala.

Yesaya 35:4

Mennu jikilateyita, a fo ì ye ko, “Ali fatiyaa, ali kana silaŋ, kaatu ali la Alla be naa le ka ali la makatoo bayi. A be naa julujoo le la, a be naa le ka ali kiisa.”

Jabuuroolu 94:1

Hee Yaawe* Alla, ite le mu julujoolaa ti, ite Alla le mu julujoolaa ti. I semboo yitandi baŋ!

Lankenemoo 19:2

A la kiitiyolu mu tooñaa niŋ tiliŋo le ti, a ye wo cakamusu baa kiitindi le, meŋ ye duniyaa kosondi a la laañooyaa tuluŋo la. A ye Alla la dookuulaalu mennu yeloo boŋ, Alla ye wolu la juloo joo a ñaama le.”

Lankenemoo 18:20

“Ite Arijana, seewoo a la kuwo la. Moo senuŋolu, kiilaalu* aniŋ annabiyomoolu, ali bee ye seewoo, kaatu meŋ ye kuu jawoo ke ali la nuŋ, Alla ye kiitiyo laa a kaŋ ne.”

5 Musa 32:35

Julujoo mu Yaawe le taa ti, a be ì joo la a ñaama le, ì be boyi la a waatoo la le, a te mee la, mantooroo be jii la ì kaŋ, maasiiboo be ì moonee la le.

Roomankoolu 2:5

Bari i sondomoo bambanta le, i maŋ soŋ tuuboo la. Wo le ye a tinna i be Alla la kamfaa baa kafu kaŋ ñoo ma i faŋo ye fo Alla la kamfaa baa luŋo la, a la kiitii tilindiŋo be lankenema la luŋo meŋ na.

Luka 18:7

Wo to, fo Alla te a la tomboŋ moolu la hakoo dii la ì la baŋ, mennu ka kumboo a ma suutoo niŋ tiloo? Fo a be mee la le baŋ, janniŋ a be ì maakoyi la?

Mika 6:1

Ali i lamoyi kumoo la Yaawe* ye meŋ fo, a ye ñiŋ ne fo n ye ko: “Ali wuli, ali ye ali la kuwo kiitiyo laa konkoolu ñaa koto, konkoriŋolu ye ali la diyaamukaŋo moyi.”

Yesaya 49:26

M be a ke la le, i toorandilaalu ye ñoo faa. Ì faŋolu yeloo le be ì siirandi la ko doloo. Wo to hadamadiŋolu bee be a loŋ na le ko, nte Yaawe le mu i Kiisandirilaa ti, i Kumakaalaa, Yaakuba la Alla Tallaa.”

Yesaya 26:21

A juubee, Yaawe be finti la naŋ a sabatidulaa kono le, ka moolu jarabi ì la junube kewo la. Bankoo be moo faariŋolu waañaari la le, ì ye mennu faa, a te ì maabo la kotenke.

Lankenemoo 14:11

Ì be tooroo dimbaa meŋ kono, wo siisiyo ka taa santo le, fo abadaa. Moolu mennu ka ñiŋ daafeŋ saŋarariŋo muluŋo batu, aniŋ mennu ye a too taamanseeroo soto, wolu nene te dahaa soto la, suutoo la waraŋ tiloo la.”

Yesaya 13:6

Ali wuuri, kaatu Yaawe la luŋo sutiyaata naŋ ne, a luŋo niŋ kasaaroo le be naa kaŋ ka bo ate Alla Tallaa bulu.

Yesaya 47:3

I kenseŋo le be tara la looriŋ, moolu ye i maluriŋo je. M be makatoo bayi la le, moo te kana la n na mantooroo la.”

Hoseya 9:7

Yankankati luŋolu ka naa le, ka Banisirayila jarabi a la junuboolu la. Niŋ wo keta, ali be a loŋ na le. Ali la junuboo la siyaa kaŋ, ali la konnanteeyaa la waroo kaŋ, ali ka a fo ko, “Annabiyomoo mu toolewo le ti, ñaamaatoo le mu a ti.”

Yoweli 3:4

“Tire niŋ Sodomu saatewolu ka taa fo Filisitini tundoolu bee, ali ye muŋ haaji le soto m bala? Fo ŋa julu le duŋ ali la baŋ, ali be n joo kaŋ meŋ na? Niŋ ali be julujoo le la, m be ali la julujoo murundi la ali kaŋ ne waati kiliŋ, a ye donko ali faŋo kuŋo kaŋ ñaabiti niŋ ñaayele teema.

Yesaya 13:9

A juubee, Yaawe la luŋo ka naa le, luŋ koleŋ baa, jusukandoo aniŋ kamfaa koleŋo naa luŋo, ka duniyaa kenseŋyandi, ka junubelaalu kasaara jee.