Yesaya 34:7 - Mandinka Bible

⁷ Ì niŋ daakoyoolu le be faa la ñoo la, tuuraariŋolu niŋ tuuraa baalu. Ì la bankoo be faa la yeloo le la, dulaa bee ye tara faariŋ keŋo la.

Yesaya 34:7 Referans Kwoze

Jabuuroolu 68:30

Ñiŋ bantala banku* jawoolu jarabi. Ñiŋ daafeŋolu mennu be sabatiriŋ seyiŋolu kono, ñiŋ tuuraalu mennu be ninsiriŋ sembentaŋolu kono. Mennu ka ǹ kaniŋ naamoo la, ì dori duuma. Banku moolu janjandi mennu ka kontaani keloo la.

4 Musa 23:22

Alla meŋ ye ì bondi naŋ Misira, a ye keloo ke ì ye le ko ninsi saŋaroo.

Yeremiya 50:27

Ali a kee kanaŋ tuuraalu bee faa, ka ì samba ka ì kanateyi. Kooroo boyita ì kaŋ, kaatu ì la luŋo siita le, waatoo meŋ m be ì kuluu la.

Yeremiya 50:11

Yaawe ko: “Babiloninkoolu, n na keetaabankoo ñapinkannaalu, ali niŋ seewoo niŋ kontaanoo mu ñaa-wo-ñaa, ali ka sawuŋ-sawuŋ ko ninsiriŋo ka ke ñaamoo kaŋ ñaameŋ, ali ka kuma ko suukewolu,

Yeremiya 46:21

A la luwaasi kelediŋolu ka munta le ninsiriŋ nunkuriŋolu. A fele, ì bee borita ñoo la, ì maŋ loo ka keloo ke, kaatu ì jarabi luŋo le naata ì kaŋ, ì kuluu waatoo.

Jabuuroolu 92:10

Bari i ye nte semboo warandi le komeŋ tuuraa. I ye tulu senuŋo* le boŋ n kaŋ ka n ke i taa ti.

5 Musa 33:17

A diŋ foloo be kallankeeyaariŋ, a semboo be ko ninsituuraa semboo, Efurayimu* niŋ Manase koomalankoolu, ì wuliwuloolu be bankoolu ñori la niŋ ñiŋ semboo le la fo duniyaa dandulaa to.”

4 Musa 24:8

Alla le ye ali bondi naŋ ka bo Misira, ali semboo be ko le ninsi saŋaroo. Ali be jawu banku moolu kasaara la le, ka ì kuloolu katiŋ-katiŋ ñoo kono, ka ì soo niŋ ali la kalabeñoolu la.

Jabuuroolu 22:21

N tankandi ñiŋ jatoolu daa ma, m be teeririŋ ñiŋ ninsituuraalu ñaatiliŋo la le.

Yesaya 63:6

N na jusuboo kono, ŋa n tuu bankoolu kaŋ. N na kamfaa ye a ke le, fo ì ka timili-tamali, ŋa ì yeloo boŋ bankoo to.”

Yeremiya 25:34

Alitolu kantarilaalu, kooree ñaatonkoolu, ali wuuri ka kumboo, ali ye i bidibidi seebuutoo kono, kaatu ali kanateyi luŋo siita le, aduŋ ali be boyi la le ka janjaŋ ko daandiŋ kekuuriŋo.

Esekiyeli 32:6

I yeloo be woyi la le ka bankoo bee sinandi. Fo ka taa konkoolu to, jiibori siloolu bee ye faa i yeloo la.

Esekiyeli 39:17

Maarii Yaawe ye ñiŋ ne fo ko: “Ite hadamadiŋo, kunu siifaalu bee kili naŋ, aniŋ i ye wulakono daafeŋolu bee bendi ñoo kaŋ, ì ye naa ka bo naŋ karoo bee la, ka naa sadaabo juuraloo to m be meŋ parendi kaŋ ì ye, meŋ be naa ke la Banisirayila konkoolu kaŋ. Daameŋ to ì si suboo domo, ì ye yeloo miŋ.

Esekiyeli 39:18

Ì si kelejawaroo suboo domo, ì ye duniyaa maramansoolu yeloo miŋ. Wolu bee be faa la le ko saakotoŋolu, saakotondiŋolu, baalu, ninsituuraalu, mennu bee be ke la ko Basani batundoolu.