Yesaya 34:3 - Mandinka Bible

³ Ì furewolu be tara la fayiriŋ ne, ì ye tara sunkaŋ na, konkoolu bee si tara faariŋ ì yeloo la.

Yesaya 34:3 Referans Kwoze

Yoweli 2:20

M be kelediŋolu bayi la le, mennu bota naŋ maraa karoo la, ì ye jamfa ali la. M be ì bayi la keñewula kiideeriŋo le kono. Bari mennu be ñaato, m be wolu bayi la Koojii Baa le to, mennu be kooma, ŋa wolu bayi Baa Baa* to, ì furewolu sunkaŋo ye wuli santo. M be ì yankankati la le, kaatu ì ye ì faŋ wara baake le.

Esekiyeli 39:4

Ite niŋ i la kelediŋ kafu baa aniŋ i deŋñoolu bee be faa la wo konkoolu le kaŋ, ali ye naa ke duwoolu niŋ wulakono daafeŋolu ye domoroo ti.

Yesaya 34:7

Ì niŋ daakoyoolu le be faa la ñoo la, tuuraariŋolu niŋ tuuraa baalu. Ì la bankoo be faa la yeloo le la, dulaa bee ye tara faariŋ keŋo la.

Lankenemoo 14:20

Aduŋ ì dorita wo yiridinjii bitidulaa kono, saatewo banta la. Bituŋ yeloo naata woyi ka bo yiridinjii bitidulaa to. A jamfata santo ka futa fo suwoolu la karafewolu to, aduŋ a la karajamfoo niŋ kilomeetari keme saba si kaañaŋ.

Amosi 4:10

“Ŋa alibalaa kuuraŋo jindi ali kaŋ, ko ŋa a jindi Misirankoolu kaŋ ñaameŋ. Ŋa ali la fondinkewolu faa niŋ hawusaroo* la, ŋa ali la suwoolu duŋ mutoo kono. Ŋa ali nuŋ huwolu fandi furewolu nooroo la ali la daakaalu to. Hani wo bee, ali maŋ soŋ muru la n kaŋ.” Yaawe le ye a fo.

Esekiyeli 39:11

“Wo luŋo la, Kooki be baadee dulaa soto la Banisirayila bankoo kaŋ ne. A be tara la Abarimu Wulumbaŋo le kono, meŋ be Koojii Baa tilibo karoo la. Ì la kaburoolu be siyaa la le, fo labaŋo la ì si taamalaalu la siloo suki. Kaatu Kooki niŋ a la wo kafoo bee be baadee la jee le to. Ì be jee toolaa la Hamoni-Kooki Wulumbaŋo le la.

Esekiyeli 38:22

A ko: “M be wo kiitiyo le laa la Kooki kaŋ. M be alibalaa kuuraŋo niŋ yeleboŋ jawu le naati la Kooki niŋ a la kelediŋ kafu baa aniŋ a deŋñoolu bee kaŋ. M be samaajiyo waamemaa le jindi la naŋ ì kaŋ, saŋ beroolu, dimbaa aniŋ solifa munkoo*.

Esekiyeli 35:6

Maarii Yaawe ko: “A be koyiriŋ ñaameŋ ko nte be baluuriŋ ne, m be ali parendi la yeleboŋo le ye, aduŋ yeleboŋo le be bula la ali nooma. Baawo ali tuumita yeleboŋo le la, wo to yeleboŋo be bula la ali nooma le.

Esekiyeli 14:19

“Niŋ a ye a tara, ŋa alibalaa kuuraŋo le jindi naŋ wo banku moolu kaŋ ka hadamadiŋolu niŋ beeyaŋolu bee kasaara ñoo la n na kamfaa baa kono,

Yeremiya 22:19

Fali la baadee le be ke la a la, ka a kuruntu ka taa a fayi Yerusalaamu banta.”

Yesaya 10:4

Feŋ te tu la ali ye, fo ka tara motomotoriŋ mutamoolu kono, waraŋ ali ye tara moo faariŋolu kono. Ñiŋ bee koolaa, Yaawe* la kamfaa maŋ jii, a buloo be teekariŋ ne ka ali mantoora.

Yesaya 66:24

Aduŋ ì be taa le ka moolu furewolu juubee mennu balanta n na. Tumboolu mennu be ì domo la, te faa la muumeeke, aduŋ dimbaa meŋ be ì jani la, nene te faa la. Hadamadiŋolu ñewuntoo le be ì juubee la.”

Yeremiya 25:33

Wo luŋo la, Yaawe be moolu mennu faa la, ì furewolu be tara la fatafatariŋ ne ka bo duniyaa tonkoŋ, fo a tonkoŋ. Moo te ì saŋakumboo la, waraŋ ka ì kafu ñoo ma, waraŋ ka ì baadee. Ì jambandimaa le be tara la bankoo to.

Nahumu 3:3

Suutiyolu si kirimbaasi ñaato keledulaa to. Sooroolu ye ŋalasi, hawusaroolu* ye tara malamalariŋ. Moo jurumoo ye faa, furewolu ye jurumi ñoo kaŋ, moo faariŋolu, dandulaa te tara la meŋ na. Kelediŋolu ye tara takiŋ-takiŋ na furewolu la.

Esekiyeli 32:4

ka i selendi naŋ tintoo kaŋ, aniŋ ŋa i fayi lewo kono. M be a ke la le, kunoolu ye loo i kaŋ, aniŋ wulakono daafeŋolu mennu bee be duniyaa kono, ì ye i domo fo ì konoo ye faa tep.