Yesaya 34:12 - Mandinka Bible

¹² Ì be bankoo kumandi la Banku Mansantaŋo le la. A maralilaalu bee be yeemaŋ na le.

Yesaya 34:12 Referans Kwoze

2 Korintinkoolu 12:11

Nte naata ke toolewo le ti, bari alitolu mennu ñanta n jayi la, alitolu le ye n dundi ñiŋ tooleeyaa kono. N na kuwo si dooyaa ñaa-wo-ñaa, a warata wo kiilaa baalu taa ti le!

1 Korintinkoolu 13:2

Niŋ ŋa soorifeŋo soto ka Alla la kiilaariyaa kumoo fo, bari m maŋ kanoo soto, wo to m maŋ ke feŋ ti. Niŋ n ka kulloolu bee kalamuta, ŋa londoo bee soto, ŋa lannoo bee soto, meŋ ka bere konkoolu wutundi, bari m maŋ kanoo soto, wo to m maŋ ke feŋ ti.

1 Korintinkoolu 8:4

Domoroo la kuwo to, meŋ diita jalaŋolu la, ŋà a loŋ ne ko, jalaŋo maŋ ke feŋ ti duniyaa kono, aduŋ Alla koteŋ te keriŋ fo kiliŋ.

Yeremiya 39:6

A ye kaŋo dii ka Mansa Sedekiya dinkewolu kere faa a faŋo ñaa la jee le, ì ye Yahuuda moo kummaalu fanaa bee faa.

Yeremiya 27:20

Mansakewo Nebukanesa maŋ wolu le samba. A ye wolu tu jee le kabiriŋ a be Yahuuda mansakewo Yehoyahini, Yehoyakimu dinkewo bondi la Yerusalaamu ka a samba mutoo kono Babiloni, a niŋ Yerusalaamu niŋ Yahuuda moo kummaalu bee.

Yesaya 41:24

Bari itolu maŋ ke feŋ na feŋ ne ti, aduŋ ì la dookuwolu maŋ nafaa-wo-nafaa soto, moo-wo-moo bulata ì nooma, ŋa wo maarii koŋ ne.

Yesaya 40:23

A ka maralilaalu la kuwolu jindi le, a ka duniyaa kantiyolu buruka.