Yesaya 34:10 - Mandinka Bible

¹⁰ A be tu la malariŋ ne suuto tili, a te faa la, a siisiyo be tii la santo le fo abadaa. Ka bo jamaani ka taa jamaani, a be tara la kenseŋyaariŋ ne, moo nene te tambi la niŋ jee la kotenke.

Yesaya 34:10 Referans Kwoze

Lankenemoo 19:3

Ì ko kotenke ko: “Haleluyaa! A be tooroo dimbaa meŋ kono, wo siisiyo ka taa santo le, fo abadaa.”

Yesaya 66:24

Aduŋ ì be taa le ka moolu furewolu juubee mennu balanta n na. Tumboolu mennu be ì domo la, te faa la muumeeke, aduŋ dimbaa meŋ be ì jani la, nene te faa la. Hadamadiŋolu ñewuntoo le be ì juubee la.”

Yesaya 13:20

Moo te sabati la jee kotenke, moo te tara la jee jamaani naalaalu bee kono. Araabu yaayilaa te a la tiriliisoo* loo la jee, sako kantarilaa la saajii si i foñondiŋ jee.

Lankenemoo 18:18

aduŋ biriŋ ì ye a la janoo siisiyo je, ì sarita santo ko, “Fo saatee le nene sotota baŋ, meŋ be ko ñiŋ saatee baa?”

Esekiyeli 29:11

Aduŋ hadamadiŋ nene te tambi la jee la, sako beeyaŋo si tambi niŋ jee la. Moo te tara la jee fo sanji taŋ naani.

Yesaya 1:31

Sembemaalu be ke la le ko ñaama jaaroo, ì la dookuwo ye ke ko dimbaa feremetoo, ì niŋ ì la dookuu kuruŋo bee be jani la ñoo la le, aduŋ moo te ì maakoyi noo la ka dimbaa faa.

Yeremiya 7:20

“Wo kamma la, nte Yaawe Alla ye ñiŋ ne fo ko: A juubee, m be n na kamfaa niŋ jusukandoo jindi la ñiŋ batudulaa kaŋ ne, ka taa moolu niŋ beeyaŋolu kaŋ, yiroolu, aniŋ senebankoo fiifeŋolu. A dimbaamaa le be mala la, aduŋ moo te a faa noo la.”

Yesaya 24:1

Saayiŋ Yaawe* pareeta le, ka duniyaa tumbuŋ aniŋ ka a kenseŋyandi. A be bankoo yelemandi la le, a ye a moolu janjandi.

Yesaya 34:17

A faŋo ye alikuuroo* ke ì la kuwo to le, a faŋo buloo le ye Edomu talaa ì teema. A be tara la ì bulu le fo abadaa, ì ye tara sabatiriŋ jee, ka bo jamaani ka taa jamaani.

Nahumu 2:10

Ninewe teyita, a kenseŋyaata, a kasaarata. A moolu kijoo teyita, fo ì kumbaliŋolu ka busa ñoo la. Ì semboo bee taata, ì niyo kuyaata fo ì ñaadaa yelemata.

Yeremiya 49:18

A be ke la le ko Sodomu niŋ Komora, aniŋ ì dandanna saatewolu kasaarata ñaameŋ. Moo te sabati la Edomu kotenke, hani moo te sii la jee fereŋ.