Yesaya 34:1 - Mandinka Bible

¹ Alitolu bantala bankoolu*, ali kata naŋ, ali ye i lamoyi. Moolu, ali ali tuloo loo. Duniyaa si a moyi, aniŋ a konokono feŋolu bee, duniyaa aniŋ mennu bee be baluuriŋ a kono.

Yesaya 34:1 Referans Kwoze

1 Korintinkoolu 10:26

Kaatu “Bankoo mu Maariyo taa le ti, aniŋ feŋ-wo-feŋ be a kaŋ.”

Yesaya 43:9

Bankoolu bee moolu si beŋ ñoo kaŋ. Jumaa le sotota ñinnu kono, mennu ye ñiŋ ñaato kuwolu fo, waraŋ ka folooto kuwolu yitandi ǹ na? Ì si ì la seedoolu samba ǹ ye naŋ, ka a yitandi ko, ì be tooñaa le kaŋ, fo niŋ doolu ye a moyi, ì si a fo ko, tooñaa le mu.

Yesaya 41:1

Alla ko: “Mennu be sabatiriŋ banku jamfariŋolu to, ali i deyi, ali ye i lamoyi n na, ali ali faŋolu bambandi, ali naa ali la kuwo samba naŋ kiitiidulaa to. Ali be siloo soto la le, ka diyaamu. Ali ŋà beŋ dulaa kiliŋ, fo ǹ si a loŋ tooñaa be meŋ bulu.

Yesaya 1:2

Saŋ fatoo, i lamoyi! Bankoo, i tuloo loo! Kaatu Yaawe* le ka naa diyaamu. A ko, “Ŋa dindiŋolu kuluu le fo ì menta, bari ì ye balaŋo le tiliŋ n na.

Yeremiya 22:29

Ite bankuŋ, ite bankuŋ, ite bankuŋ, i lamoyi Yaawe la kumoo la!

Yesaya 33:13

Alitolu mennu be jamfariŋ, ali naa a juubee ŋa meŋ ke, mennu be sutiyaariŋ, ali soŋ n na semboo la.”

5 Musa 32:1

Saŋo niŋ bankoo, ali i lamoyi n na, ali ali tuloo loo m fokumoolu la!

Lankenemoo 2:7

“Meŋ ye tuloo soto ka moyiroo ke, a si a moyi, Nooroo be meŋ fo kaŋ Yeesu la kafoolu ye. Meŋ keta noorilaa ti, m be siloo dii la wo la le ka domoroo ke ka bo yiroo to, meŋ ka baluwo dii. Wo yiroo be Alla la naakoo le kono.

Yesaya 49:1

Alitolu baadaa borindoo sabatilaalu, ali i lamoyi n na. Alitolu banku jamfariŋo moolu, ali ali tuloo loo. Janniŋ n ka wuluu, Yaawe* ye n tomboŋ ne, ka ke a la dookuulaa ti. Kabiriŋ m be m baamaa wuluuñaŋo kono, wo to le a ye n toolaa.

Yesaya 18:3

Alitolu duniyaa moolu mennu be baluuriŋ ñiŋ saŋ kuloo koto, niŋ bandeeroo wulindita konkoo turoo kaŋ, ali a juubee, niŋ saakotoŋ binoo* feeta, ali dandalaaroo moyi.

Jabuuroolu 96:10

Ali a kankulaa duniyaa moolu kono ko, “Yaawe mu Mansa le ti. A ye duniyaa londi le a bambanta, a te wutu la a noo to. A be moolu kiitindi la tiliŋo niŋ tooñaa le la.”

Jabuuroolu 50:1

Sembetii Baa, Yaawe* Alla diyaamuta le, a ye duniyaa moolu bee kumandi ka bo tilibo ka taa tilijii.

Jabuuroolu 24:1

Bankoo mu Yaawe* taa le ti, aniŋ feŋ-wo-feŋ be a kaŋ. Duniyaa bee mu a taa le ti, aniŋ moolu mennu bee be a kono.

Kiitindirilaalu 5:31

Hee Yaawe, Allamaa i jawoolu bee halaki la teŋ. Bari Allamaa i kanulaalu bee ke la komeŋ tiloo, niŋ a be mala kaŋ semboo la. Bituŋ tenkuŋo naata sabati bankoo kaŋ fo sanji taŋ naani.

Kiitindirilaalu 5:3

Ali moyiroo ke, alitolu mansoolu, ali i lamoyi, alitolu maralilaalu! M be suukuwo laa la Yaawe ye, m be tara la kumafeŋ kosoo le la, niŋ m be suukuwo laa kaŋ Yaawe ye, Banisirayila la Alla.

5 Musa 4:26

Niŋ ali ye wo ke, saŋo niŋ bankoo le mu n seedoo ti bii ko, ali te mee noo la bankoo kaŋ ali ka taa sabati daameŋ, Yoridani Boloŋo la wo kara doo la. Ali muumewo le be kasaara la.

1 Musa 6:13

Bituŋ Alla naata a fo Nuha ye ko, “Ŋa ñiŋ ne muta, ka moolu bee siyo daŋ. Kaatu duniyaa bee be faariŋ tilimbaliyaa kuwo le la. Saayiŋ m be ì niŋ duniyaa bee le kasaara la.

Yesaya 48:16

Ali kata n na naŋ, ali ye i lamoyi ñiŋ na: Kabiriŋ foloodulaa to, m buka n na diyaamoo ke kulloo kono, waatoo meŋ na a be ke la, m be jee le.” Saayiŋ, Maarii Yaawe le ye n niŋ a la Nooroo kii, ka a la kiilaariyaa kankulaa.

Esekiyeli 38:17

Maarii Yaawe ye ñiŋ ne fo ko: “Ite Kooki, ŋa ite la kuwo fo waati jaŋ koomanto ka bo niŋ n na dookuulaalu la, Banisirayila annabiyomoolu. Ì ye kiilaariyaa kumoo fo sanji jamaa la ko, m be ite le samba la naŋ ka ñapi ì kaŋ.”

Obadiya 1:1

Maarii Yaawe* ye ñiŋ ne lankenemayandi Obadiya ma Edomu la kuwo to. Ŋà Yaawe la kiilaariyaa kumoo moyi le, aduŋ kiilaa kiita bankoolu kaŋ ne ka a fo ko, “Ali wuli ŋà taa Edomu kele.”

Yesaya 63:1

Jumaa le mu ñiŋ ti, meŋ ka bo naŋ Bosira saatewo to Edomu bankoo kaŋ, a la dendikoo bee be tompiŋ-tompindiŋ niŋ feŋ wuleŋo la? Jumaa le mu ñiŋ ti, meŋ ye mansa dendikoo duŋ, a ka taama naŋ niŋ a semboo la? Yaawe* ko: “Nte le mu, n ka diyaamu niŋ tiliŋo siloo le la. Ŋa semboo soto le ka kiisandiroo ke.”

Yeremiya 49:7

Ñiŋ kiilaariyaa kumoo le fota Edomu ma: Yaawe Alihawaa Maariyo ye ñiŋ ne fo ko: “Fo moo ñaamendiŋ maŋ tu Temani baŋ? Fo ñaameŋo yaamaroo kasaarata ì kono le baŋ? Fo ì la ñaameŋo yeemanta le baŋ?