Yesaya 33:4 - Mandinka Bible

⁴ Niŋ wo keta, ì si ñapi jawoolu la feŋolu kaŋ komeŋ kuntiŋ ñatoolu. Feŋ-wo-feŋ keta ì taa ti, ì si a bee buusi ì bulu.

Yesaya 33:4 Referans Kwoze

Yoweli 2:25

“Ŋa kelediŋ kafu baa meŋ kii ali kaŋ, kuntiŋ koorewolu, kuntiŋ podilaalu, kuntiŋ tiñaarilaalu, kuntiŋ kunturilaalu, ì ye fiifeŋolu mennu bee domo saŋolu la, m be ì bee le jooseyi la.

Yoweli 2:9

Ì ka kirimbaasi saatewo kamma le, ì ye bori a tata sansaŋolu kaŋ santo, ì ye sele ka duŋ buŋolu kono, ì ka duŋ palanteeroolu la le ko suŋo.

Yesaya 33:23

Bari ǹ jawoolu la kuluŋo juloo maŋ bambaŋ, a dokoolu ka jiijaa le, aduŋ a foño mutaraŋ faanoo maŋ fanu. Wo to, ñapinkaŋ feŋ jamaa be talaŋ-talaŋ na le, lanjuurutoolu faŋolu ye doo soto jee.

2 Taarika 20:25

Bituŋ Yehosafati niŋ a la moolu fintita naŋ ka ñiŋ moolu la feŋolu taa. Ì ye beeyaŋ jamaa le tara jee, jooraŋolu, sitifeŋolu aniŋ feŋ kummaa baalu. Ì ye ñiŋ feŋolu samba ì faŋolu ye, ì ye ì yoronda le fo ì korita. Feŋolu la siyaa kamma la, ì ye ì yoronda le fo tili saba.

2 Taarika 14:13

Asa niŋ a la kelediŋolu ye ì bayi fo Kerari. Ì ye Kusinkoo jamaa faa, fo labaŋo la ì maŋ i loo noo ì fee kotenke, kaatu Yaawe niŋ a la kelediŋolu le be ì kasaara kaŋ. Yahuuda moolu ñapita ì la feŋ jamaa kaŋ, ì ye ì samba.

Yesaya 33:3

I sari kaŋo ka a tinna le moolu ye bori, niŋ i wulita i sembe baa la, bankoolu bee ka janjaŋ ne.

Yesaya 33:5

Yaawe warata le, aduŋ a be sabatiriŋ santo le. A be Siyoni* ke la tiliŋo niŋ tooñaa dinkiraa le ti.

Esekiyeli 25:7

Wo kamma la, m buloo be naa laa la ali kaŋ ne, m be ali duŋ na banku koteŋolu le bulu ka ke ì ye ñapinkaŋ feŋo ti, m be ali bondi la moolu kono le, ŋa ali kasaara. Niŋ wo keta, ali be a loŋ na le ko, nte le mu Yaawe ti.”

Yoweli 1:4

Kuntiŋolu mennu ka kunturoo ke, wolu ye too meŋ tu, kuntiŋ koorewolu ye wo domo. Kuntiŋ koorewolu ye too meŋ tu, kuntiŋ podilaalu ye wo domo. Kuntiŋ podilaalu ye too meŋ tu, kuntiŋ tiñaarilaalu ye wo domo.

Yoweli 2:3

Kelediŋolu ñaatiliŋo la, dimbaa le ka feŋo bee domo, niŋ ì ye ì koo dii, dimbaa neŋo ye janiroo ke. Janniŋ ì ka naa, bankoo be le ko Edeni naakoo, biriŋ ì ye ì koo dii, a keta keñewuloo* ti, feŋ buka kana ì ma.