Yesaya 33:3 - Mandinka Bible

³ I sari kaŋo ka a tinna le moolu ye bori, niŋ i wulita i sembe baa la, bankoolu bee ka janjaŋ ne.

Yesaya 33:3 Referans Kwoze

Jabuuroolu 46:6

Maakaŋ baa be keriŋ duniyaa bankoolu kaŋ, mansakundaalu ka maamaŋ, Alla be bumbuŋ na, duniyaa ye kiri.

Jabuuroolu 59:11

Dukaree Alla, kana ì bee faa ñoo la, niŋ wo nte n na moolu si ñina. Ì janjandi i semboo la, i ye ì boyindi, kooni Maariyo, ǹ na tankandirilaa.

Yesaya 21:15

Ì borita hawusaroo* le la, hawusaroo meŋ buusita ì kamma, kaloo meŋ sabata ì kamma, aniŋ keloo la kandoo.

Yesaya 33:4

Niŋ wo keta, ì si ñapi jawoolu la feŋolu kaŋ komeŋ kuntiŋ ñatoolu. Feŋ-wo-feŋ keta ì taa ti, ì si a bee buusi ì bulu.

Yeremiya 25:30

A ko n ye ko: “Wo to ite si ñiŋ kiilaariyaa kumoolu bee fo ì ma, ka a fo ì ye ko: Nte Yaawe be bumbuŋ na naŋ santo le, n kaŋo ye kuma ko saŋ feteŋo n na taradulaa senuŋo kono, ka bumbuŋ n na koorewo kaŋ niŋ semboo la. M be sari la le ko mennu ka yiridiŋolu biti, ka sari duniyaa moolu bee kaŋ.

Yeremiya 25:31

Maakaŋo be i danku la duniyaa tonkoŋolu to le, kaatu nte Yaawe be kuluuroo le naati la duniyaa moolu kaŋ. N niŋ moo bee le be taa kiitiyo la, aduŋ m be moo kuruŋolu bee le faa la hawusaroo la.” Yaawe le ye a fo.

Jabuuroolu 68:2

Ko foñoo ka siisiyo tindi taariŋ ñaameŋ, Allamaa a ye ì bayi wo ñaama. Ko dimbaa maloo ka kaañoo yeluŋ ñaameŋ, Allamaa moo kuruŋolu ye kasaara Alla ñaatiliŋo la wo ñaama.