Yesaya 33:2 - Mandinka Bible

² Hee Yaawe*, hiina ǹ na, ŋà ǹ jikoo loo i kaŋ ne. Semboo dii ǹ na luŋ-wo-luŋ, i si ke ǹ tankandirilaa ti, ǹ na niikuyaa waatoo.

Yesaya 33:2 Referans Kwoze

Yesaya 59:16

Moo maŋ soto meŋ ka moolu maakoyi. A jaakalita le ka a je ko, moo maŋ soto, bituŋ a faŋo la semboo ye kiisoo saabu ì ye, aduŋ a faŋo la tiliŋo le ye semboo dii a la ka a ke.

Yesaya 25:9

Wo luŋo la, ñiŋ ne be fo la, “A fele, ñiŋ ne mu ǹ na Alla ti, ǹ jikita a la le, aduŋ a ye ǹ tankandi. Ñiŋ ne mu Yaawe ti, ǹ jikita meŋ na. Ali ŋà seewoo, ka jusulaa a la kiisandiroo la.”

Jabuuroolu 60:11

Dukaree, m̀ maakoyi ǹ jawoolu to, kaatu hadamadiŋo la maakoyiroo mu kenseŋ ne ti.

Jabuuroolu 62:8

Moolu, ali dankeneyaa Alla la waati-wo-waati. Ali ali kono kuwo bee fo a ye, kaatu ate le mu ǹ tuukuraŋo ti. S

Jabuuroolu 62:1

N niyo la dahaa be Alla doroŋ ne fee, n na tankoo be bo la ate le bulu.

Jabuuroolu 46:1

Alla le mu ǹ na tankandirilaa ti, ǹ jikiraŋ semboo. Maakoyirilaa le mu, meŋ ka tu sabatiriŋ m̀ fee koleyaa kono.

2 Musa 14:27

Kabiriŋ fanoo keta, Musa ye a buloo coodi baa kunto, bituŋ baa muruta a ñaama. Misirankoolu be bori kaŋ ne, ka finti baa kono, bari Yaawe ye ì bee ñori a kono.

Hoseya 14:2

Ali muru Yaawe kaŋ, niŋ ñiŋ kumoo la ko, “Yamfa ǹ na junuboolu bee la, i ye i la hiinoo yitandi ǹ na, fo ǹ si ǹ na jayiroo samba i ye naŋ ko beeyaŋ sadaa*.

Niikuyaa Suukuwolu 3:23

Ì ka kutayaa le fanikee-wo-fanikee. A ka tu tilindiŋ ǹ ye le doroŋ.

Yeremiya 14:8

Ite le mu Banisirayila jikoo ti, ite le mu a Kiisandirilaa ti mantoora waatoo kono. Muŋ ne ye a tinna i keta m̀ fee komeŋ tumarankewo, ñiŋ bankoo kaŋ, komeŋ luntaŋo meŋ jiyaata ka suutoo doroŋ laa?

Yesaya 40:10

A juubee, Maarii Yaawe niŋ semboo le ka naa, aduŋ a niŋ wo semboo le be maraloo ke la. A la jooroo be a bulu le, aduŋ a niŋ nafaa le ka naa.

Yesaya 26:16

Hee Yaawe, biriŋ i la moolu be niitooroo kono, ì ye ì ñaa tiliŋ i la le, fo i si ì maakoyi. Biriŋ i ye ì jarabi, ì naata duwaa kendeke.

Yesaya 26:8

Hee Maariyo, i la kuwo ye ǹ loo le, ka bula i la yaamaroo nooma. Ŋà ite le too horoma, ǹ sondomoo be hameriŋ ne ka i too jayi.

Yesaya 25:4

I keta tankoo le ti fuwaaroolu ye, boridulaa, fentaŋolu ye ì la niitooroo waatoo, ka ì tanka foño baa ma, aniŋ ka ke ì ye dubeŋo ti, kandoo waatoo. Kaatu moo saŋaroolu la kelendiroo ka munta le ko foño baa meŋ ka sansaŋo busa,

Jabuuroolu 123:2

Jonkewo jikoo ka tara a maarii kaŋ ñaameŋ, aniŋ jommusoo fanaa, ntolu jikoo be ite Yaawe, ǹ na Alla kaŋ wo le ñaama, fo i si balafaa ǹ ye.

Jabuuroolu 91:15

Niŋ i ye n kumandi, m be n danku la i ma le. Niŋ i bulata mantooroo kono, m be tara la i fee le. M be i bondi la le, ŋa horomoo dii i la.

Jabuuroolu 90:15

Ǹ na seewoo warandi komeŋ i ye ǹ na niikuyaa warandi ñaameŋ, sanji jamaa, biriŋ m̀ be mantooroo kono.

Jabuuroolu 62:5

N niyo si dahaa soto Alla doroŋ ne fee, kaatu n jikoo be ate le kaŋ.

Jabuuroolu 50:15

Ali n kumandi, niŋ mantooroo naata ali kaŋ, m be ali tankandi la le, aduŋ ali be n horoma la le.”

Jabuuroolu 46:5

Alla be sabatiriŋ a kono le, feŋ te a tiñaa noo la. A be a tankandi la fanoo la ke tumoo la le.

Jabuuroolu 37:39

Moo tilindiŋolu la tankoo ka bo Yaawe le bulu. Ate le mu ì la semberaŋo ti, mantooroo waatoo la.

Jabuuroolu 25:3

Kana soŋ moolu mennu ka tara i baturiŋ, wolu ye bula maloo kono, bari moolu malundi mennu la kuruŋyaa, daliila te a la.

Jabuuroolu 143:8

Kali m moyirindi i la kanu bambaloo la fanoo la ke tumoo la, kaatu n jikoo be ite le kaŋ. Siloo yitandi n na, n ñanta taa la meŋ na, kaatu ŋa n sondomoo loo ite le kaŋ.

Jabuuroolu 27:1

Yaawe* le mu n na lampoo ti, aniŋ n na tankoo, m be sila la jumaa le la? Yaawe le mu n na baluwo tuukuraŋo ti, jumaa le la kuwo be n kija fara la?

Yesaya 17:10

Kaatu ali ñinata Alla la le, ali Kiisandirilaa, ali hakiloo maŋ bula ali la semberaŋ beroo la, ali la tatoo. Ali ye fiifeŋ ñiimaalu tutu, ka bantala jalaŋo batu.

Yesaya 37:3

Ì ko a ye ko, “Hesekiya ko bii luŋo mu niitooroo le ti, jaraboo, aniŋ maloo. Ǹ ka munta le ko deenaanoolu mennu pareeta wuluu la, bari ì baamaa maŋ semboo soto ka ì wuluu.

Yesaya 51:5

N na tiliŋo ka sutiyaa naŋ tariyaarinke le, n na kiisoo be siloo kaŋ naŋ ne, aduŋ n semboo le be kiitiiteyoo naati la bankoolu kaŋ. Banku jamfariŋolu be n lamoyi la le, ì ye ì jikoo loo n semboo kaŋ ka ì maakoyi.

Jabuuroolu 33:22

Yaawe, Allamaa i la kanu bambaloo ye tara m̀ fee, bayiri ŋà ǹ jikoo sembe ite le la.

Yesaya 8:17

Yaawe ye a ñaa kaasi Yaakuba koomalankoolu la le. Bari m be a batu la le. M be n jikoo sembe la a la le.