Yesaya 33:11 - Mandinka Bible

¹¹ Bankoolu, ali la feeroo ka munta le ko fuufulewo, aduŋ a koolaa be naa ke la ñaama jaara kenseŋ ne ti. Ali niijii foñoo be ke la dimbaa le ti, meŋ be ali faŋolu jani la, fo ali ye keremu.

Yesaya 33:11 Referans Kwoze

Yesaya 59:4

Moo buka kiitiyo kuntu a ñaama, waraŋ ka a la kuwo samba luwaa ñaatiliŋo la niŋ siloo la. Ì ka laa diyaamu kenseŋo le la, aniŋ faniyaa foo. Fitina kuwo le ka tara ì kono, a ye naa kuu kuruŋo wuluu.

Jabuuroolu 7:14

A juubee, moo kuruŋo ka kuu jawoo le fudi. A ka tara konomaariŋ feere kuruŋo doroŋ ne la, a ye naa jamfaa kuwo wuluu.

Yankuba 1:15

Ñiŋ hame kuu jawoo be le ko fiifeŋ kesoo, aduŋ niŋ a ye kenoo soto ka faliŋ, a ka junuboo le wuluu. Aduŋ niŋ junuboo falinta fo a menta, a ka saayaa le diŋ.

Kiilaalu 5:4

Fo wo sotofeŋo maŋ ke ite le taa ti, janniŋ i be a waafi la baŋ? Aduŋ hani i la a waafoo koolaa, fo a maŋ tara i la kaŋo le koto baŋ? A si ke noo ñaadii le, i ye ñiŋ kuu siifaa miira i sondomoo kono? I maŋ faniyaa fo moolu ye, bari Alla.”

Yesaya 26:18

Ǹ ka munta le ko musukonomaa meŋ pareeta wuluu la, m̀ maŋ naa moo wuluu, ŋà foño kenseŋo le wuluu. M̀ maŋ ñaatotaa soto noo bankoo kaŋ.

Yesaya 17:13

Bankoolu la maakaŋ waroo ka bumbuŋ ne ko fankaasoo, bari niŋ Yaawe ye ì jalayi, ì si bori dulaa jaŋ, foñoo ye ì samba ko fuufulewo meŋ be konkoo kaŋ, waraŋ ko niŋ saafoñotoo be kankaŋo tindi kaŋ.

Yesaya 5:24

Wo to, ko dimbaa ka ñonkoliŋo mala tariyaake ñaameŋ, aniŋ ñaama jaaroo ka hilihili dimbaa kono ñaameŋ, ì suloolu be toli la wo le ñaama, ì firoolu ye tii ko kankaŋo, kaatu ì jututa Yaawe Alihawaa Maariyo la luwaa le la, ì balanta Banisirayila la Senuŋ Baa la kumoo la.

Yesaya 1:31

Sembemaalu be ke la le ko ñaama jaaroo, ì la dookuwo ye ke ko dimbaa feremetoo, ì niŋ ì la dookuu kuruŋo bee be jani la ñoo la le, aduŋ moo te ì maakoyi noo la ka dimbaa faa.

Jabuuroolu 2:1

Bantala bankoolu* duŋ ka muŋ jamfaa le siti? Ì ka jamfaa kenseŋo le siti.

Yuuba 15:35

Ì ka tara konomaariŋ feere kuruŋolu le la, ì ye taa maasiiba jawoo wuluu. Jamfaa kuwo doroŋ ne ka naa finti ì la karoo la.

Jabuuroolu 7:15

A ka jamfaa dinkoo le siŋ moo koteŋolu kamma, bituŋ a faŋo ye naa boyi wo dinkoo kono.

Yesaya 9:17

Wo le ye a tinna Yaawe maŋ kontaani ì la fondinkewolu la kuwo la, waraŋ ka balafaa ì la aliyatiimoolu ye, aniŋ furuyaamusoolu. Kaatu ì bee ye ì koo dii Alla la le, aduŋ kuu kuruŋ kelaalu le mu ì ti, ì bee ka kuma jawoo le fo. Ñiŋ bee koolaa, Yaawe la kamfaa maŋ jii, a buloo be teekariŋ ne ka ì mantoora.