Yesaya 27:4 - Mandinka Bible

⁴ M maŋ kamfaa a la kuwo la. Niŋ a ye a tara ŋaniŋolu niŋ fitoolu le be jee, m be wolu kele la le, ŋa dimbaa duŋ ì la.

Yesaya 27:4 Referans Kwoze

Hiburunkoolu 6:8

Bari bankoo meŋ ka ŋaniŋolu niŋ ñaamoolu falindi, a maŋ jari feŋ na, bari a sutiyaata dankoo le la, aduŋ a labaŋo mu janiroo le ti.

Yesaya 10:17

Yaawe, Banisirayila la Maloo be ke la dimbaa le ti, a la Senuŋ Baa, dimbaa wuleŋo. Tili kiliŋ wucoo kono, Asiriya ñaamoo aniŋ a ŋaniŋ kuroo be jani la le, fo a ye nunku.

Matiyu 3:12

A la feerilaŋo be a buloo kono le, aduŋ a be kesoolu niŋ fuufulewolu bo la ñoo to le. Wo to le a be a la kesoolu ke la buntuŋo kono, bari a be fuufulewolu jani la dimbaa le la, meŋ buka faa noo.”

Jabuuroolu 85:3

I ye i la kamfaa daŋ ì kamma le, i ye i la jusukandoo bondi.

2 Samuweli 23:6

Bari moo jawoolu ka muluŋ ne ko ŋaniŋolu, ì ye mennu fayi, kaatu moo buka i sika buloo la,

2 Pita 2:9

Wo to, a koyita le ko, Maariyo ye a loŋ ne, a ka a ñaasilannaalu kanandi marisa kuwolu kono ñaameŋ, aniŋ a ka tilimbaloolu tu yankankatiriŋ ñaameŋ fo kiitiiluŋo la.

Malaki 4:3

Luŋo meŋ na m be maamaŋ na, wo luŋ ali si moo kuruŋolu dori, ì ye ke ali siŋolu koto ko buutoo. Nte Yaawe Alihawaa Maariyo le ye a fo.

Esekiyeli 16:63

Niŋ ŋa i la junube kuwolu bee kafari i ye, i hakiloo be bula la i kekuwolu la le, i ye malu, aduŋ i te i daa yele la ka feŋ fo kotenke, feŋ te fo maloo.” Maarii Yaawe le ye a fo.

Yesaya 12:1

Wo luŋo la, i be a fo la le ko: “Hee Yaawe*, m be i jayi la le! I kamfaabaata n kamma ñaa-wo-ñaa, i la kamfaa banta le, i ye n ñaajiyo fita.

Yesaya 9:18

Moolu la jawuyaa ka mala le ko taakaa dimbaa ka ŋaniŋ kuroolu jani, ka yiri sutoolu dulaa dibiriŋolu mala, fo jee bee ye ke siisii kenseŋo ti.

Jabuuroolu 103:9

A buka tu a la moolu jalayi la, sako ka tu kamfaariŋ ì kamma fo abadaa.

Yesaya 33:12

Moolu be jani la le, ì ye nunku komeŋ lasi munkoo, aniŋ ka ke ko ŋaniŋ sutu jasiriŋo, dimbaa be naa duŋ na meŋ na.

2 Samuweli 23:7

moo-wo-moo be ŋaniŋolu maa la, a ka nee jooraŋo le taa waraŋ sooroo daa. Ì be daameŋ, ì ka jani wo le to.

Yeremiya 29:11

Kaatu ŋa a loŋ ne, ŋa feeroolu mennu soto ali ye, feeroolu mennu mu ali ye kayiroo ti, ì te ke la ali ye kooroo ti. Wo feeroolu le be ali la jikoo timmandi la ñaato siniŋ. Nte Yaawe le ye a fo.