Yesaya 27:11 - Mandinka Bible

¹¹ Niŋ ì yiribuloolu jaata, ì ka kati le ka joloŋ, musoolu ka ì ke loo ti. Tooñaa-tooñaa, ñinnu mu saatee moolu le ti, mennu maŋ fahaamuru soto. Wo le ye a tinna ì Daamansoo maŋ balafaa soto ì ye, ì Daalaa maŋ maakoyiri dii ì la.

Yesaya 27:11 Referans Kwoze

Yeremiya 8:7

Hani jimoolu ye ì taa waatoolu loŋ ne, putuputu jooboolu, naanaalu, aniŋ kumaarewolu, ka ì muru waatoo kanta le ka bo naŋ manee. Bari nte la moolu, wolu maŋ a loŋ nte Yaawe ye meŋ kaniŋ.”

Yesaya 44:24

Yaawe ali Kumakaalaa meŋ ye ali daa wuluuñaŋo kono ko: “Nte le mu Yaawe ti, meŋ ye feŋolu bee daa, nte dammaa le ye saŋ fatoolu waree, aduŋ nte faŋo le ye duniyaa fanundi.

Yesaya 43:7

Moo-wo-moo ye m muta a la Alla ti, be muru la naŋ ne, ŋa meŋ daa aniŋ ka muluŋo ke a la, ka n na kallankeeyaa* yitandi.”

Yesaya 43:1

Wo to saayiŋ, Yaawe* meŋ ye ite Yaakuba daa, a ye muluŋo ke ite Banisirayila la, a ye ñiŋ ne fo ko: “Ali kana sila, kaatu ŋa ali kumakaa le, ŋa ali kumandi ali too le la ka ke m faŋo taa ti.

Yesaya 1:3

Ninsoo ye a loŋ ne, meŋ taa mu a ti, faloo ye a loŋ ne, a maarii ka a daañini daameŋ, bari n na moolu Banisirayilankoolu maŋ a loŋ, ì maŋ a fahaamu.”

Yankuba 2:13

Kiitiyo le ka naa, meŋ buka balafaa soto moo ye, meŋ maŋ balafaa yitandi. Bari hani wo, balafaa le ye semboo soto kiitiyo ti.

1 Tesalonikankoolu 2:16

Ì ye ntolu bali le ka diyaamu moolu ye, mennu maŋ ke Yahuudoolu ti, fo wolu kana kiisoo soto. Ì ka ñiŋ kuwolu le ke, waati-wo-waati ì la junuboolu ka tu kafu la le. Bari labaŋo la, Alla la kamfaa baa naata ì kaŋ ne.

Roomankoolu 1:31

Ì maŋ hakiloo soto, ì mu fisiriwallewolu le ti, ì maŋ mooyaa sako ka balafaa soto.

Yohana 15:6

Niŋ moo meŋ maŋ tu nte kono, wo ka fayi banta le ko yiribuloo, a ye jaa. Ì ka wo yiribuloolu kafu ñoo ma le ka ì fayi dimbaa kono ka jani.

Matiyu 13:19

Niŋ moo meŋ ye mansabaayaa kumoo moyi, aduŋ a maŋ a fahaamu, Seetaanoo* si naa a buusi a la, meŋ fiita a sondomoo kono. Ñiŋ ne mu kesoo ti, meŋ jolonta moolu la tambidulaa to.

Matiyu 13:15

Kaatu ñiŋ moolu sondomoolu bee jaata le. Ì buka moyiroo ke noo baake ì tuloolu la, aduŋ ì ye ì ñaalu biti le. Niŋ wo nte, ì be jeroo ke la ì ñaalu la le, ì ye moyiroo ke ì tuloolu la, aduŋ ì be fahaamuroo ke la ì sondomoolu la le ka naa muru nte kaŋ, fo n si ì kendeyandi.’

Matiyu 3:10

Saayiŋ teeraŋo be laariŋ yirisuloolu to le fokabaŋ. Wo kamma la yiri-wo-yiri meŋ maŋ diŋ betoo diŋ, wo be kuntu la le, aduŋ a be fayi la dimbaa kono le ka jani.

Hoseya 4:6

N na moolu kasaarata lombaliyaa kaŋ. Alitolu piriisoolu ye ì baŋ ne ka n loŋ, wo to ŋa m baŋ ali la piriisiyaa to le. Bayiri ali ñinata ali la Alla la Luwaa la, nte fanaa be ñina la ali diŋolu la le.

Esekiyeli 20:47

A fo sutukononkoolu ye ko, ì ye i lamoyi nte Yaawe la kumoo la. Nte Yaawe, ali Maariyo ye ñiŋ ne fo ko: ‘A fele m be dimbaa le duŋ na sutoo ñiŋ na, meŋ be yiri kitiŋolu niŋ yiri jaaroolu bee jani la, a te feŋ tu la jee. Aduŋ moo te a dimbaa dubeŋ noo la. A be janjaŋ na karoo bee le la. A be niilamaa feŋolu bee le jani la ka bo tonkoŋ ka taa fo tonkoŋ, a te feŋ kaari la.

Esekiyeli 9:10

Wo daliiloo le ye a tinna n te balafaa la ì ye, sako n si moo tu ì kono jee. M be ì joo la ì la kebaaroolu le la.”

Yeremiya 4:22

Yaawe ko, “N na moolu mu toolewolu le ti, ì maŋ nte loŋ. Ì mu dindiŋ hakilintaŋolu le ti, ì maŋ fahaamuroo ke. Ì kalanta kuu jawu kewo la le, bari ì maŋ kuu kende kewo noo.”

Yesaya 44:2

Nte Yaawe meŋ ye alitolu daa, ŋa muluŋo ke ali la wuluuñaŋo kono, ali la maakoyilaa, ŋa a fo ali ye le ko, n na dookuulaa Yaakuba, n na tomboŋ moo Yesuruni, ali kana sila.

Yesaya 9:17

Wo le ye a tinna Yaawe maŋ kontaani ì la fondinkewolu la kuwo la, waraŋ ka balafaa ì la aliyatiimoolu ye, aniŋ furuyaamusoolu. Kaatu ì bee ye ì koo dii Alla la le, aduŋ kuu kuruŋ kelaalu le mu ì ti, ì bee ka kuma jawoo le fo. Ñiŋ bee koolaa, Yaawe la kamfaa maŋ jii, a buloo be teekariŋ ne ka ì mantoora.

Jabuuroolu 106:40

Bituŋ Yaawe kamfaabaata a la moolu kamma, aduŋ a ñewunta ì la le, itolu mennu mu a la tomboŋ moolu ti.

5 Musa 4:6

Niŋ ali ye luwaalu muta kuuke, ali taamata ì la, wo le be ali la ñaameŋo niŋ fahaamuroo yitandi la banku koteŋo moolu la. Niŋ ì ye ñiŋ luwaalu moyi, ì be a fo la le ko, “Tooñaa, ñiŋ banku sembemaa le ye ñaameŋo niŋ fahaamuroo soto!”

Roomankoolu 1:28

Baawo ì tawuta le, ì ye ì ñaa kaasi Alla la, Alla ye ì tu ì la sondome kuu nooriŋolu kono, fo ì ka kuwolu ke, ì maŋ ñaŋ na mennu ke la.

Yesaya 5:13

N na moolu be taa la mutoo kono le, bayiri ì maŋ fahaamuru soto n na karoo la. Konkoo le be boyi la ì la ñaatonkoolu kaŋ, mindoo ye ì noomalankoolu faa.

Yesaya 18:5

Kaatu janniŋ katiroo, niŋ firoo bee bota ka diŋ doroŋ, ì be soroŋolu kuntu la muroo le la, ì ye yiribulu biireeriŋolu jasi.

Yeremiya 11:16

“Nte Yaawe ka ì kumandi nuŋ n na olifu* yirisuŋ biireeriŋo le la, a niŋ a diŋ ñiimaalu. Bari ka bo niŋ turubaadi kumakaŋo la, m be dimbaa duŋ na a la le, a buloolu bee ye jani kewu.”

Yeremiya 13:14

Wo koolaa ŋa naa ì feteŋ ñoo la ka ì teyi, alifaalu niŋ dindiŋolu bee kafuriŋo. N te balafaa la, waraŋ ka yamfa, waraŋ ka hiina ì la, ka m bali ì kasaara la.” Yaawe le ye a fo.

Yeremiya 16:5

“Nte Yaawe be ñiŋ ne fo la ite ye ko: Kana duŋ saŋabuŋ kono, waraŋ ka taa woosii jee, waraŋ ka ì la saŋo kumboo. Kaatu ŋa n na kayiroo niŋ n na kanu bambaloo, aniŋ n na balafaa bondi ñiŋ moolu kaŋ ne. Nte Yaawe le ye a fo.

Yeremiya 25:37

Kene yiriwaariŋolu be kenseŋyaa la le, Yaawe la kamfaa saŋaroo kamma la.

Esekiyeli 19:12

Bari ì naata a wutu kamfaa le kono, ka a fayi duuma, tilibo foño kandoo ye a norondi. Ì ye a diŋolu bee wafu a bala. A juu bambandiŋo norota, dimbaa ye yiroo bee buruburu.

Hoseya 4:14

N te ali dimmusoolu jarabi la, niŋ ì ye cakayaa ke, n te feŋ ke la ali bitammusoolu fanaa la, niŋ ì ye jeenoo ke. Kaatu kewolu faŋo le niŋ jalaŋ batudulaa cakoolu ka taa kara la, ì niŋ ì ka beeyaŋ sadaalu bo jalaŋ batudulaa to. Hakilintaŋolu ka kasaara teŋ ne.