Yesaya 27:10 - Mandinka Bible

¹⁰ Saatee tatariŋolu si kenseŋyaa, ì sabatilaalu ye i bo jee to fereŋ, ì ye ì fili jee, ì bee ye muluŋ ko kene kenseŋo, beeyaŋolu ka i daañini daameŋ, ka i laa jee, ì ye yiri jamboolu ñimi.

Yesaya 27:10 Referans Kwoze

Yesaya 17:2

Aroweri dandanna saatewolu be kenseŋyaa la le, ka ke beeyaŋolu la koorewo ti. Ì si i laa jee, moo te ì silandi la.

Mika 3:12

Ali la kuwo kamma la, Yerusalaamu be ke la tumbuŋo le ti, Siyoni ye ke senebankoo ti, aduŋ Alla Batudulaa Buŋo* be looriŋ konkoo kaŋ daameŋ, jee be ke la sutoo le ti.

Yeremiya 26:18

“Mika Moresetinkoo ye kiilaariyaa kumoolu fo le, Yahuuda mansakewo Hesekiya la mansayaa waatoo la. A ye ñiŋ ne fo Yahuuda moolu bee ye ko, ‘Yaawe Alihawaa Maariyo* ye ñiŋ ne fo ko: Siyoni* be ke la senebankoo le ti, Yerusalaamu ye ke tumbuŋ tuŋo ti, aduŋ Alla Batudulaa Buŋo be looriŋ konkoo kaŋ daameŋ, jee be ke la sutoo le ti.’

Yeremiya 26:6

Niŋ ali maŋ i lamoyi n na, m be n na ñiŋ Batudulaa Buŋo buruka la le ko ŋa n na batudulaa ke ñaameŋ, meŋ tarata nuŋ Silo saatewo to. Wo to le m be ñiŋ saatewo ke la danka feŋo ti duniyaa banku koteŋolu bee ye.”

Yesaya 17:9

Wo waatoo la, Banisirayila saatee tatariŋolu be ke la dulaa kiideeriŋolu le ti. Ì be ke la le ko wo saatewolu, Hiwinkoolu niŋ Amorinkoolu ye mennu tu jee, kabiriŋ Banisirayilankoolu ye jee boyinkaŋ. Jee bee be ke la tumbuŋo le ti.

Esekiyeli 36:4

Wo to, Banisirayila konkoolu, ali i lamoyi nte Yaawe la kumoo la. Ŋa ñiŋ ne fo ko: Alitolu konko baalu niŋ konkoriŋolu, woyoolu niŋ wulumbaŋolu, dulaalu mennu kenseŋyaata aniŋ saatee tumbundiŋolu, ali naata ke ñapinkaŋ feŋolu le ti, aniŋ ñaawaliraŋo, wo bankoolu ye, mennu bee be ali dandaŋo la jee.

Niikuyaa Suukuwolu 5:18

A juubee, Siyoni Konkoo kenseŋo le tuta looriŋ, kunkuwuloolu be yaayi la a kaŋ.

Niikuyaa Suukuwolu 1:4

Daalaata Siyoni* ma, a la mbeedoolu bee be kumboo kaŋ, kaatu moo buka naa Alla batu juuraloolu to. A saatee dundaŋ daalu* kenseŋyaata, saatee alifaalu la bendulaa, a batudulaa ñaatonkoolu be woosii kaŋ. A sunkutoolu niŋ tooroo, ì be niikuyaa jawoo faŋo le kono.

Yesaya 64:10

I la saatee senuŋolu keta keñewuloo* ti, hani Siyoni* faŋo keta keñewuloo le ti, Yerusalaamu mu tumbuŋo ti.

Yesaya 25:2

I ye saatewo ke tumbuŋo le ti, i ye saatee tatariŋo ke bere kutukata sapoo ti. Banku koteŋ moolu la saatee tatariŋo wo maŋ ke saatee ti kotenke, aduŋ a nene te seyinkaŋ loo la.

Yesaya 7:25

Fiifeŋolu ka faliŋ kunkoolu mennu bee kono, be ke la ŋaniŋ sutoo le ti, fo moo te taa noo la jee. A be ke la ninsoolu niŋ saajiyolu la domoridulaa le ti.”

Yesaya 7:21

“Niŋ wo waatoo siita, hani a ye a tara, moo ye a kata le fo ninsi kiliŋ dammaa tarata a bulu, aniŋ baa fula,

Yesaya 35:1

Keñewuloo* niŋ kene kenseŋo be seewoo la le, wula jaaroo be kontaani la le, a bee ye jambakere.

Yesaya 49:21

Wo to i be a fo la i sondomoo kono le ko, ‘Jumaa le duŋ ye ñiŋ dindiŋolu bee wuluu n ye? N niyo kuyaata le, kaatu m foota n diŋolu la le, n tarata nuŋ mutoo kono le, ì ye m fili jee. Jumaa le duŋ ye ñiŋ dindiŋolu kuluu? N dammaa le tuta m faŋ ye, saayiŋ duŋ, ñinnu bota mintoo le?’ ”

Yeremiya 25:37

Kene yiriwaariŋolu be kenseŋyaa la le, Yaawe la kamfaa saŋaroo kamma la.

Yeremiya 52:27

Bituŋ Babiloni mansa ye ì faa Ribula saatewo to jee, Hamati bankoo kaŋ. Ì ye Yahuuda moolu bondi ì la bankoo kaŋ wo le ñaama, ì ye ì samba ka tara mutoo kono.

Yesaya 24:10

Saatee kasaarata, a kenseŋyaata. Buŋolu bee daalu soronta, moo buka duŋ noo.