Yesaya 26:19 - Mandinka Bible

¹⁹ Hee Yaawe, i la furewolu ye wuli, n na moo faariŋolu ye wuli. Yaawe, i la komboo meŋ ka baluwo dii, a ye feenee bankoo kaŋ, ì ye furewolu baadee daameŋ. Alitolu mennu be laariŋ bankoo kono, ali wuli, ali ye suukuwo laa seewoo kono.

Yesaya 26:19 Referans Kwoze

Daniyeli 12:2

Moo jamaa, mennu faata nuŋ, ì ye ì baadee, be wuli la le, ì ye baluu kotenke. Doolu be badaa-badaa baluwo le soto la, aduŋ doolu be tara la maloo niŋ halakoo le kono fo abadaa.

Efesusinkoolu 5:14

aduŋ feŋ-wo-feŋ meŋ jeta maloo kono, wo fanaa keta maloo le ti. Wo kamma la, a fota le ko: “Ite siinoolaa, kuniŋ i ye wuli saayaa kono, aduŋ Kiristu be a la maloo mala la i kaŋ ne.”

Matiyu 27:52

Kaburoolu yeleta, aduŋ Alla la moo senuŋ jamaa mennu faata nuŋ, wulindita ka baluu kotenke.

Hoseya 13:14

“Fo n ñanta ñiŋ moolu kumakaa la fureeduu semboo ma le baŋ? Fo n ñanta ì kiisa la saayaa ma le baŋ? Saayaa, muna i la alibalaa kuuraŋo lee? Fureeduu, i la kasaaroo lee? Balafaa, hani a domandiŋo te n ñaa to.

Hoseya 6:2

Tili fula ñaato, a be m̀ murundi la ǹ ñaama le. Tili sabanjaŋo, a be ǹ wulindi la le, ŋà loo, fo ǹ si baluu a ñaatiliŋo la.

Jabuuroolu 71:20

I ye bataa baa niŋ mantooroo laa n kaŋ ne, bari i be muru la le i ye m bambandi, ka m bondi saayaa daa to, i ye m murundi baluwo to kotenke.

Yesaya 25:8

A be saayaa buruka la le fo abadaa, a ye ñaajiyo fita moolu bee ñaa to, a ye a la moolu la malu kuwo bondi ñiŋ duniyaa kono. Yaawe le ye a fo.

Filipinkoolu 3:21

M̀ balajaata lamfuriŋolu mennu ñanta faa la, ate le be ì ke la balajaatoolu ti, mennu be kallankeeyaa* la ko a faŋo baloo be ñaameŋ. A be wo ke la niŋ semboo le la, semboo meŋ ye a tinna, a ye alihawaa bee ke noo a la maraloo koto.

Jakariya 8:12

Ali be fiiroo ke la kayiroo kono le, wayini* yiroolu ye diŋ kendeke. M be ali la bankoo barakandi la le, saŋo ye sanjiyo jindi. Ñiŋ bee be ke la alitolu moo toomaalu le taa ti.

1 Korintinkoolu 15:20

Bari tooñaa, Kiristu wulindita le ka bo saayaa kono. Ate le keta foloo ti moolu kono, saayaa ye mennu muta, wo ye a yitandi le ko, wolu fanaa be wuli la saayaa kono le.

Hoseya 14:5

M be ke la Banisirayila ye le ko komboo, a be yiriwaa la le ko koobayi firi ñiimaa, a ye suloo duŋ ko Libanooni yiroo.

Filipinkoolu 3:10

Nte lafita Kiristu le loŋ na, aniŋ a la saayaakoolaa wulindiroo semboo, aniŋ ka ke karasotolaa ti a la tooroolu niŋ a la saayaa to,

Jabuuroolu 22:15

M fankoo suusuuta le ka jaa, a keta le komeŋ fenkeŋ teleŋo, aduŋ n neŋo karata n naaliŋo bala. I ye n tu laariŋ saayaa daa le to, buutoo kono.

5 Musa 33:28

Bituŋ Banisirayila siita tankoo kono, Yaakuba koomalankoolu siita kayiroo kono. Ali la bankoo be faariŋ siimaŋo niŋ wayinoo* le la, saŋo ka komboo tondi naŋ a kaŋ.

Kiilaalu 24:15

Aduŋ n jikita Alla la le ko ñiŋ kewolu faŋolu sonta a la ñaameŋ ko, saayaakoolaa wulindiroo be soto la moo tilindiŋolu niŋ moo tilimbaloolu bee ye le.

Yesaya 51:17

Wuli! Wuli! Hee Yerusalaamu, i ñaa yele! I ye i miŋ Yaawe la kamfaa mindaŋo le la, i ye mindaŋ faa bee miŋ ne, fo i ka timili-tamali.

5 Musa 33:13

A ko Yusufa koomalankoolu la kuwo to ko, “Allamaa Yaawe neema la ali la bankoo ma, a ye neema ali ma komboo la ka bo saŋo santo, a ye neema ali ma jiyo la ka bo bankoo duuma.

5 Musa 32:2

Allamaa n na karandiroo ye jii ali kaŋ ko sanjiyo, m fokumoolu ye ke ko komboo, ko samaa jiyo ñaamoolu kaŋ, ko sanji yofuyofoo fiifeŋ mereŋolu kaŋ.

Matiyu 27:58

Ñiŋ kewo naata Payileti yaa, a ye Yeesu furewo daani. Bituŋ Payileti ye yaamaroo dii ka furewo dii a la.

Jabuuroolu 110:3

Luŋo meŋ na keloo wulita, i la moolu be wakiili la le. Komeŋ soomandaa juuna komboo, i la fondinkewolu be naa i kaŋ ne faramansoo niŋ seneyaa kono.

Yuuba 29:19

N na kuwo ka muluŋ ne komeŋ yiroo, meŋ suloolu be janjandiŋ jiyo kono, komboo ka jii a buloolu kaŋ suuto-wo-suuto.

1 Samuweli 2:6

Yaawe le ka saayaa naati, aduŋ ate le ka baluwo dii, ate le ka hadamadiŋolu samba fureeduu, aniŋ ate le fanaa ka ì wulindi.

Jabuuroolu 22:29

Duniyaa fankamaalu bee be juuraloo ke la le, ka baturoo ke. Moo-wo-moo be labaŋ na bankoo kono be sujudi la a ye le, wolu mennu te ì faŋ tundi noo la baluwo to.

Yesaya 18:4

Kaatu Yaawe* ko n ye le ko: “M be tara la tenkundiŋ n sabatidulaa to le, ka koroosiroo ke, ko niŋ tiloo deyiriŋo be mala la, ka tara deyiriŋ, ko niŋ komboo be jii la katiri waatoo.

Yuuba 14:8

Hani niŋ a suloolu kotoota bankoo kono, a kuntundaŋo be naa faa la bankoo kono,

Jabuuroolu 88:11

Fo i la kanu bambaloo ka kankulaa kaburoo kono le baŋ, sako i la tiliŋo si fo wo kasaara dinkiraa kono?