Yesaya 24:19 - Mandinka Bible

¹⁹ Bankoo maamanta le, a farata ka yele, a jarajarata kendeke.

Yesaya 24:19 Referans Kwoze

Lankenemoo 20:11

Bituŋ ŋa mansasiiraŋ koyiriŋ baa je, aduŋ saŋo niŋ bankoo yeemanta wo ñaa la, meŋ be siiriŋ a kaŋ. Dulaa maŋ soto ì ye kotenke.

Nahumu 1:5

Konkoolu ka jarajara a ñaatiliŋo la le, konkoriŋolu ye yeluŋ. Bankoo ka jarajara a ñaatiliŋo la le, duniyaa, aniŋ niilamaa feŋolu bee.

5 Musa 11:6

Ali hakiloo be a kaŋ ne a ye meŋ ke Datani niŋ Abiramu la, Eliyabu dinkewolu, Rubeni lasiloo. Banisirayilankoolu bee ñaa la, bankoo yeleta ì fee, a ye ì kunuŋ, ì niŋ ì la dimbaayaalu, aniŋ mennu bee tarata ì la karoo la, ka taa fo ì la tiriliisoolu*.

Matiyu 24:3

Kabiriŋ Yeesu be siiriŋ Olifu Konkoo kaŋ, saayiboolu naata a kaŋ suturoo kono. Ì ye a ñininkaa ko, “A fo ǹ ye, ñiŋ kuwolu be ke la waati jumaa le la. Muŋ ne be ke la ite la naa waatoo niŋ duniyaa labaŋo taamanseeroo ti?”

Habakuki 3:6

A loota, a ye duniyaa jarajarandi, a ye a ñaa tiliŋ bankoolu la, ì jarajarata. Konko baalu, ì meeta looriŋ ñaa-wo-ñaa, ì katiŋ-katinta ñoo kono, konkoriŋ kotoolu jiita duuma, a la siloolu le mu kabiriŋ.

2 Pita 3:10

Bari Maariyo la Luŋo be naa la le ko suŋo. Bituŋ saŋ fatoolu ye yeemaŋ, ì niŋ maakaŋ baa. Feŋolu mennu bee be alihawaa kono, ì be kasaara la niŋ dimbaa le la, aduŋ duniyaa fanaa aniŋ feŋolu bee mennu be a kono, be jani la le.

2 Pita 3:12

alitolu mennu be Alla la luŋ baa batu kaŋ, aduŋ ali la wakiiloo le ka a tariyandi naa la. Wo luŋo le, dimbaa be saŋ fatoolu kasaara la le, a be alihawaa feŋolu yelundi la.

4 Musa 16:31

A pareeta diyaamoo la doroŋ, bankoo farata ì fee.

4 Musa 16:32

Bankoo yeleta ì fee, a ye ì kunuŋ ì niŋ ì la dimbaayaalu, moo-wo-moo tarata Kora la karoo la, aniŋ ì la feŋolu bee.

Jabuuroolu 75:3

Niŋ duniyaa be janjaŋ kaŋ, aniŋ a niilamaa feŋolu bee, nte le be a fondamaŋolu muta la ì ye bambaŋ. S

Yesaya 2:19

Moolu be bori la le, ka i maabo berehuwolu aniŋ dinkoolu kono, Yaawe la kamfaa baa kamma la, aniŋ a la mansabaayaa sembe waroo, niŋ a wulita ka duniyaa kiitindi.

Yesaya 13:13

Wo luŋo la, m be a ke la le saŋ fatoolu ye jarajara, duniyaa ye maamaŋ a noo to, nte Yaawe Alihawaa Maariyo la kamfaa kaŋ, niŋ n na kamfaa baa luŋo siita.