Yesaya 24:13 - Mandinka Bible

¹³ Ñiŋ ne be ke la banku-wo-banku la, duniyaa bee kono. A bankoo la kenseŋyaa be muluŋ na le ko, niŋ ì ye olifu* yiribuloolu busa, ka diŋolu bee joloŋ ì bala, ko niŋ ì ye diŋ labaŋolu kati wayini suŋo bala.

Yesaya 24:13 Referans Kwoze

Yesaya 1:9

Niŋ Yaawe Alihawaa Maariyo* maŋ doolu tu ǹ ye jee nuŋ, ì ye baluu, m̀ be ke la le ko Sodomu niŋ Komora saatewolu.

Lankenemoo 3:4

Wo ñaa-wo-ñaa, i ye moo dantaŋ ne soto Saridis jee, mennu maŋ ì la waramboolu kosondi. Wolu niŋ nte be taama la ñoo la waramba koyoolu kono le, kaatu ì jarita a la le.

Matiyu 24:22

Niŋ wo waatoo maŋ sutiyandi, hani moo kiliŋ te kiisa la. Bari Alla la tomboŋ moolu la kuwo kamma la wo waatoo be sutiyandi la le.

Mika 2:12

Yaawe ye ñiŋ ne fo ko, “Alitolu Yaakuba koomalankoolu, a be koyiriŋ ne ko, m be ali bee kafu la ñoo ma le. M be Banisirayila moo toomaalu bee kafu la ñoo ma le. M be ali ñaatonkayaa la, ko niŋ ì be saajiyolu kenkeŋ kaŋ ì la buŋo kono, ko niŋ ì be beeyaŋ koorewo kenkeŋ kaŋ daañini dulaa to. Hadamadiŋolu maakaŋo doroŋ ne be moyi la ñiŋ dulaa to ì la siyaa kamma.”

Esekiyeli 7:16

Niŋ moo-wo-moo kanata ka baluu, a be tara la konkoolu le kaŋ. Moo-wo-moo be tara la woosii la a la junuboolu le la, ko wulumbaŋ kono puraa.

Yeremiya 44:28

Moolu mennu be kana la hawusaroo ma Misira bankoo kaŋ, ka muru naŋ Yahuuda bankoo kaŋ, ì yaatewo be ke la dantaŋ ne ti. Yahuuda moo toomaalu bee, mennu naata ka sii Misira, be a loŋ na le jumaa le la kumoo be loo la, n taa waraŋ ì taa.”

Yesaya 6:13

Aduŋ hani a ye a tara, moo taŋ-wo-moo taŋ, moo kiliŋ ne tuta baluuriŋ bankoo kaŋ, wo fanaa be kasaara la le. Bari a be ke la le ko, niŋ ì ye yiri baa kuntu, yirijuu kuntoo ka tu jee ñaameŋ, turu senuŋo be ke la bankoo kaŋ wo le ñaama.”

3 Musa 19:9

Niŋ ali ye a dati ka ali la kunkoolu siimaŋo kati, ali kana a bee kati ka taa fo naanewolu to, waraŋ ka a karaŋ.

Yesaya 27:12

Wo luŋo la, ka bo naŋ Yufurati Boloŋo to fo Misira Wulumbaŋo to, Yaawe be a la moolu kiliŋ-kiliŋ bondi la ñoo to le, ko moo meŋ ka siimaŋo toñonka, ka a bo a kaloo bala.

Mika 7:1

Nte la kuwo be balafaa le daa to! N na kuwo ka muluŋ ne ko moo meŋ, a be lafiriŋ yiridiŋ katoo la, a be lafiriŋ wayini* karaŋo la wayini kankaŋo to, bari hani feŋ maŋ tu jee, a be meŋ faŋo domo la, sooto kumfoloolu to hani feŋ te jee, a si lafi meŋ na.

Yesaya 17:4

Yaawe ko, “Wo luŋo la, Yaakuba jikiraŋ semboo be jii la le, a la fankamaayaa ye naa labaŋ fuwaareyaa la.