Yesaya 23:8 - Mandinka Bible

⁸ Jumaa le ye ñiŋ feere Tire kamma, saatewo meŋ ka mansoolu toloo? A la safaarilaalu mu mansariŋolu le ti, a la juloolu keta buuñaa moolu ti duniyaa kono.

Yesaya 23:8 Referans Kwoze

Lankenemoo 18:8

Wo kamma la, luŋ kiliŋ mantooroolu be boyi la a kaŋ ne, alibalaa kuuraŋo, woosiyo aniŋ konko jawoo. A be kasaara la niŋ dimbaa le la, kaatu sembe baa be Maarii Alla le bulu, meŋ ye a kiitindi.”

Yesaya 36:9

Wo to ate si balaŋ noo hani kelediŋ kiliŋ ma baŋ, meŋ na kuwo dooyaata m maarii la kelediŋ kuntiyolu bee ti, niŋ a ye a tara a be jikiriŋ Misira bankoo le la, ka keleraŋ sareetoolu* niŋ suuborindilaalu soto?

Yesaya 10:8

A ko, fo a la ñaatonkoolu bee maŋ ke mansoolu le ti baŋ?

Lankenemoo 18:23

Lampu maloo te je la i la buŋolu kono kotenke, maañoo niŋ maañootiyo maakaŋo te moyi la i kono. I la safaarilaalu le keta nuŋ duniyaa moo baalu ti, i la buwaalu ye nasiyoŋolu bee neenee ì la batuutaa kuwolu la.

Esekiyeli 26:12

A la kelediŋolu be ñapi la i la fankoo kaŋ ne, ì ye i la marisandiisoolu taa ka ke i la buusi feŋo ti. Ì be i la buŋ ñiimaalu niŋ i la tata sansaŋolu bee tiñaa la le, ka ì babaroolu niŋ ì beroolu bee fayi baa kono.

Nahumu 3:16

I la safaarilaalu naata siyaa ka tambi looloo la saŋo santo. Ko kuntiŋolu, ì ye wandi feŋolu bee ñapinkaŋ, ì niŋ ì ye yeemaŋ.

Jakariya 9:3

Tire ye tatoo loo ka a faŋ sansaŋ, a ye kodiforoo jurumi ñoo kaŋ ko bankumunkoo sanoo, ko mbeedi kaŋ buutoo.