Yesaya 23:11 - Mandinka Bible

¹¹ Yaawe ye a buloo wulindi baa kunto le, a ye mansamarali bankoolu jarajarandi. A ye yaamaroo dii le, ka Kanaani tatoolu kasaara.

Yesaya 23:11 Referans Kwoze

2 Musa 14:21

Wo to le Musa ye a buloo coodi baa kunto, aduŋ wo suutoo muumee Yaawe ye foño baa wulindi tiliboo la, a ye baa yelemandi banku jaaroo ti. Jiyo talaata fula ti,

Yohana 2:16

Bituŋ a ko wo moolu ye, mennu be puraalu waafi kaŋ, “Ali ñiŋ feŋolu bondi jaŋ, ali kana m Faamaa la buŋo ke marisewo ti.”

Maaka 11:17

Wo to le a ye ì karandi, a ko ì ye ko, “Fo a te safeeriŋ ko: ‘N na buŋo be kumandi la duwaa buŋo le la, bankoolu bee ye,’ bari alitolu ye a ke suŋolu la daakaa le ti!”

Jakariya 14:21

Kaleera-wo-kaleera meŋ be Yerusalaamu aniŋ Yahuuda bankoo bee kaŋ, be kerekere la Yaawe ye le, Alihawaa Maariyo. I si a je, moolu mennu naata sadaaboo la, si ì taa noo ka ì la beeyaŋ sadaa* suboo tabi ì kono. Wo luŋo la, a te jari la waafirilaalu ye tara kotenke Yaawe Batudulaa Buŋo kono, Alihawaa Maariyo.

Hakayi 2:7

Yaawe Alihawaa Maariyo le ye ñiŋ fo ko, “M be duniyaa bankoolu bee le maamandi la, fo ì la naafuloo bee si naa jaŋ, aduŋ m be ñiŋ buŋo konoo bee le kallankeeyandi la ì la naafuloo la.”

Nahumu 1:14

Yaawe ye ñiŋ ne yaamari ite Ninewe la kuwo to ko: “I te koomoo soto la meŋ be i too fintindi la. M be i la jalaŋ leseriŋolu kasaara la le, aniŋ i la nee jalaŋolu ka bo i la jalambuŋo to. Ŋa i la kaburoo parendi i kamma le, kaatu i maŋ jari ka baluu.”

Esekiyeli 31:16

M be kijafara baa le laa la bankoolu kaŋ, ka bo niŋ a boyi kaŋo la, niŋ ŋa a fayi duuma, ka taa laakira, aniŋ moo doolu mennu taata a ñaa kaburoo kono. Aduŋ Edeni naakoo kono yiri ñiimaalu bee, mennu mu Libanooni yiri betoolu ti, woyoo daala yiroolu bee, ì ye mennu jiiboŋ kendeke, a be ke la wolu ye jusu ñaburaŋo le ti, laakira jee.

Esekiyeli 26:10

A la suwoolu be siyaa la le fo labaŋo la kankaŋo meŋ wulita, wo be ite Tire muuri la le. A la suwoolu niŋ sareetoolu kumakaŋo be i la saatee tata sansaŋo jarajarandi la le. Niŋ a dunta i la saatee bundaalu la, a be ke la le ko niŋ ì dunta saatee tumbundiŋo le kono.

Yeremiya 47:7

Bari a si i foño ñaadii le, kaatu Yaawe le ye a yaamari? A ye a yaamari le ka Asikeloni kele, aniŋ baadaa borindoo moolu.”

Yesaya 25:2

I ye saatewo ke tumbuŋo le ti, i ye saatee tatariŋo ke bere kutukata sapoo ti. Banku koteŋ moolu la saatee tatariŋo wo maŋ ke saatee ti kotenke, aduŋ a nene te seyinkaŋ loo la.

Yesaya 23:3

Ka siimaŋo naati niŋ kuluŋo la ka bo Sihori, aniŋ katirifeŋo meŋ ka bo Nayili Boloŋo to, wo ye ali ke jula baa le ti duniyaa daa-wo-daa.

Yesaya 10:6

Ŋa a kii banku le kaŋ, meŋ ye a koo dii n na. Ŋa a kii moolu le kaŋ, mennu ka n kamfandi, ka i tuu ì kaŋ ko potoo meŋ be mbeedoolu kaŋ, ka ì ñapinkaŋ ka ì la feŋolu taa.

Yesaya 2:19

Moolu be bori la le, ka i maabo berehuwolu aniŋ dinkoolu kono, Yaawe la kamfaa baa kamma la, aniŋ a la mansabaayaa sembe waroo, niŋ a wulita ka duniyaa kiitindi.

Jabuuroolu 71:3

Ke n ye semberaŋ beroo ti, aniŋ tata bambandiŋo, ka n kiisa, kaatu ite le mu n na tuukuraŋo ti, aniŋ n na tatoo.

Jabuuroolu 46:6

Maakaŋ baa be keriŋ duniyaa bankoolu kaŋ, mansakundaalu ka maamaŋ, Alla be bumbuŋ na, duniyaa ye kiri.

1 Musa 9:25

Bituŋ a kumata ko, “Dankoo be Kanaani ye. A be ke la jondiŋ joŋo le ti a kotooñolu ye.”

Yesaya 5:25

Wo le ye a tinna Yaawe kamfaata a la moolu kamma, a ye a buloo wulindi ka ì mantoora. Konkoolu jiijaata, moo furewolu keta ko fayifeŋolu, mbeedoolu kaŋ. Ñiŋ bee koolaa, a la kamfaa maŋ jii, a buloo be teekariŋ ne ka ì mantoora.

Yesaya 13:13

Wo luŋo la, m be a ke la le saŋ fatoolu ye jarajara, duniyaa ye maamaŋ a noo to, nte Yaawe Alihawaa Maariyo la kamfaa kaŋ, niŋ n na kamfaa baa luŋo siita.

Yesaya 14:26

N na ñiŋ feeroo le be laariŋ duniyaa ye, n ñiŋ buloo le be teekariŋ bankoolu bee kamma.”

Yesaya 19:5

Nayili Boloŋo si jaa, baa si jaa kawu, jii te soto la jee.

Yesaya 23:10

Alitolu Tarisinkoolu, ali taa ali la bankoo sene ko Nayili Boloŋo to senelaalu. Tendaa te ali bulu kotenke.

Yesaya 50:2

Fo ali ye a miira le ko, m buloo te sii noo la ka ali kiisa baŋ? Fo wo le ye a tinna, biriŋ n naata ka ali kiisa m maŋ moo tara jee? Fo ali ye a miira le ko, m maŋ sembe soto ka ali kumakaa baŋ? Fo wo le ye a tinna, biriŋ ŋa kumandiroo ke, moo maŋ i danku n na? A juubee, n na jalayiroo ka a tinna le fankaasoo ye jaa, ŋa baalu yelemandi keñewuloo* ti, ñewolu ye faa, ì ye toli, jii sotobaliyaa kamma la.

Esekiyeli 26:4

Ì be i la tata sansaŋolu bee tiñaa la le aniŋ ka i la tata jaŋolu bee boyi duuma. M be i la bankoo bee kasaara la le, jee ye ke bere kenseŋo ti.