Yesaya 22:13 - Mandinka Bible

¹³ Bari ali a juubee! Maadiyaa niŋ feetoo le be keriŋ. Ninsoolu niŋ saajiyolu be faa la, ali be suboo ñimi la, aniŋ ka wayinoo* miŋ. Ali ko, “Ali ŋà domoroo ke ŋà m miŋ, saama ǹ si faa noo le.”

Yesaya 22:13 Referans Kwoze

Yesaya 56:12

Ì ko ñoo ye ko, “Ali naa, doloo fele! Ali ŋà a miŋ fo a ye ǹ sii. Saama be ke la le ko bii, waraŋ a ye tambi bii la.”

1 Korintinkoolu 15:32

Niŋ ŋà a juubee niŋ hadamadiŋyaa miiroo la, nte la kañewo mu muŋ ne ti, kabiriŋ n niŋ daafeŋ saŋarariŋolu keleta Efesus saatewo to? Niŋ a ye a tara, furewolu buka wulindi, wo to, “Ali ŋà domoroo ke, ŋà m̀ miŋ, saama ǹ si faa noo le.”

Yankuba 5:5

Ali tarata ñiŋ duniyaa kono fankoo niŋ niidiyaa kono! Ali ye ali sondomoolu ke batundoo ti, bari a be pareeriŋ kanateyi luŋo le ye.

Yesaya 5:22

Kooroo be wo moolu ye, mennu too bota wayini miŋo la, ì maŋ ñoŋ soto dolo ñaamiriŋ miŋo to,

Yesaya 5:12

Kooraalu niŋ kontiŋolu ka tara ì la feeti dulaalu to le, tambuuroolu, footaŋolu aniŋ doloo, bari ì buka ì daa ke Alla la kuu to, ì maŋ horoma soto hani a la baara kuu kiliŋ ne to.

Yesaya 5:11

Kooroo be wo moolu ye, mennu ka wuli soomandaa juunoo ka taa doloo ñini, ka yaayi, ka tara banta fo suuto baa, ì ye wayinoo miŋ fo ì ye siira.

Yesaya 26:10

Niŋ kuruŋolu ka hiinoo soto, ì buka tilimmaañaa karaŋ. Hani bankoo meŋ ka tiliŋo taamandi, itolu ka tu kuu kuruŋ kewo doroŋ ne la, ì buka ite Yaawe la mansabaayaa muta feŋ ti.

Yesaya 29:1

Ariyeli, Ariyeli, kooroo be boyi la i kaŋ ne, ite saatewo, Dawuda sabatita meŋ to. Saŋ-wo-saŋ ali si taa ali la ñiŋ juuraloolu la.

Yesaya 47:8

“Bituŋ saayiŋ, i lamoyi, kuu diimaa diyaata ite meŋ ye! I ye a miira ko i be tankoo le kono, i ka a fo i faŋo ye ko, ‘Nte doroŋ ne mu, doo koteŋ maŋ soto. N te ke la furuyaamusoo ti muumeeke, waraŋ ka n diŋolu saŋakumboo.’

Yesaya 58:3

Ì ko, ‘Muŋ ne ye a tinna ǹ sunta, aduŋ i maŋ a je? Muŋ ne ye a tinna ŋà m fammajii, i maŋ ǹ kalamuta?’ ” Yaawe ko: “Ali la suŋ luŋo, ali ka tara ali fansuŋ nafaa le nooma, ka ali la dookuulaalu dookundi jawuke.

Esekiyeli 16:49

Saayiŋ i doomaa Sodomu la junube kuwo keta nuŋ ñiŋ ne ti, a niŋ a dimmusoolu ye ì faŋ wara le, ì konoo faata, ì baloo fanaa firinta. Ì buka fuwaaroolu maakoyi, aniŋ mennu suulata deemaaroo la.

Hoseya 9:1

Banisirayila, ali kana seewoo, ali kana juurali ke ko banku koteŋolu. Kaatu ali be cakayaa le la, ka ali koo dii Alla la. Ali ka tara lafiriŋ cakayaa joo le la siimaŋ toñonka dulaa bee to.