Yesaya 21:5 - Mandinka Bible

⁵ Ì ye taabuloolu parendi le, ì ye basoolu feenee, ì ye domoroo niŋ miŋo ke. Kele ñaatonkoolu, ali wuli, ali ye koteeroolu* parendi keloo ye!

Yesaya 21:5 Referans Kwoze

Yeremiya 51:57

M be a ñaatonkoolu niŋ a moo ñaamendiŋolu siirandi la le, a maralilaalu, wolu noomalankoolu, aniŋ a kelejawaroolu. M be ì tundi la siinoo le kono ì kana kuniŋ.” Mansoo le ye a fo, meŋ too mu Yaawe Alihawaa Maariyo ti.

Yeremiya 51:39

Tuma meŋ ì be haburiŋ, m be bidaŋ domoroo le londi la ì ye, ŋa ì siirandi fo ì ye kontaani, ì ye naa tu siinoo la, ì te kuniŋ na kotenke.” Yaawe le ye a fo.

1 Korintinkoolu 15:32

Niŋ ŋà a juubee niŋ hadamadiŋyaa miiroo la, nte la kañewo mu muŋ ne ti, kabiriŋ n niŋ daafeŋ saŋarariŋolu keleta Efesus saatewo to? Niŋ a ye a tara, furewolu buka wulindi, wo to, “Ali ŋà domoroo ke, ŋà m̀ miŋ, saama ǹ si faa noo le.”

Yeremiya 51:11

Yaawe ye Mediya mansoolu le suusundi ka Babiloni kele, kaatu a ye a nata le ka a kasaara. Wo le mu Yaawe la julujoo ti, a la julujoo ì to, ì ye meŋ ke a Batudulaa Buŋo* la. Ì ko, “Ali ali la kalabeñoolu melundi, ali ye ali la koteeroolu* ñafu!

Yesaya 13:2

Yaawe* ko: “Ali bandeeroo wulindi konko turoo kaŋ, ali ye kelediŋolu lenka, ka a fo ì ye naa duŋ, niŋ moo kummaalu la dundaŋ daalu la.

2 Samuweli 1:21

Alitolu Kilibowa Konkoolu, Allamaa komboo kana boyi ali kaŋ sako samaa, aduŋ ali la kunkoolu kana baraka kotenke, kaatu kelejawaroolu la koteeroo* nafantaŋyaata jee le to. Sawulu la koteeroo maŋ malamala tuloo la kotenke.

Yeremiya 46:3

“Ŋa Misirankoolu sari kaŋo moyi le ko, ‘Koteerindiŋ, koteeri* baa, ali ì parendi, ali ye keloo waliŋ!