Yesaya 21:16 - Mandinka Bible

¹⁶ Maariyo ko n ye le ko: “M be luŋolu konti la le, ko lebereesoo ka a la luŋolu konti ñaameŋ. Sanji kiliŋ bandulaa, Kedari la jikiraŋ semboo bee be daŋ na le.

Yesaya 21:16 Referans Kwoze

Yesaya 60:7

Kedari saajii koorewolu bee be beŋ na i yaa le, Nebayoti saajiikotoŋolu ye tara i sawoo to, m be soŋ na le, ì ye ke sadaa ti, n na sadaajanidulaa* kaŋ. Aduŋ m be n na Batudulaa ñiimaa ñarandi la le.

Yesaya 16:14

Bari saayiŋ, Yaawe ko, “M be luŋolu konti la le, ko lebereesoo ka a la luŋolu konti ñaameŋ. Sanji saba bandulaa, Mowabi jikiraŋ semboo be baŋ na le. Hani ì siyaata ñaa-wo-ñaa, domandiŋ ne be tu la ì kono, domandiŋ doroŋ, aduŋ wolu be lamfu la le.”

Jabuuroolu 120:5

Kooroo boyita n kaŋ ne, a ka munta le m be siiriŋ Meseki moolu le kono, waraŋ Kedari moolu.

Esekiyeli 27:21

“Araabuduunkoolu aniŋ ñaatonkoolu mennu bee be Kedari mu i la kiliyaanoolu le ti mennu ka saajiiriŋolu, saakotoŋolu, niŋ baalu saŋ, i niŋ ì ka ñinnu waafi ñoo ma le.

Suukuwo 1:5

Alitolu Yerusalaamu dimmusuriŋolu! M balafatoo finta le, bari n ñiiñaata, m be findiŋ ne ko Kedari tiriliisoo*, m be ñiiñaariŋ ko Sulemani la ridoo.

Yeremiya 49:28

Ñiŋ kiilaariyaa kumoo le fota Kedari aniŋ Hasori mansamarali bankoolu ma, Babiloni mansakewo Nebukanesa ye mennu kele: Yaawe ye ñiŋ ne fo ko: “Wuli, i ye taa Kedari kele! Wo tilibo maafankoolu kasaara!

Yesaya 42:11

Mennu be sabatiriŋ keñewuloo* kono, ye sari santo, Kedari koomalankoolu ye seewoo ì la saateeriŋolu to. Selankoolu ye suukuwo laa kontaanoo kono, ì sari kaŋo ye bo naŋ konkoolu kaŋ.

1 Musa 25:13

Isimayila dinkewolu toolu ka bo meŋ foloo wuluuta ka taa fo labaŋo: Nebayoti, Kedari, Adibeeli, Mibusamu,

Yuuba 7:1

Fo hadamadiŋo buka dookuu koleŋo le ke duniyaa kono baŋ? A ka tara boriŋ-boriŋ kaŋ ne luŋ-wo-luŋ komeŋ tili dookuulaa.

1 Taarika 1:29

Ñinnu le mu ì koomalankoolu ti. Isimayila la karoo la: Nebayoti le mu dinkee foloo ti, Kedari be a nooma, Adibeeli, Mibusamu,

Yeremiya 2:10

Niŋ i teyita ka taa Kitimu baajooyoo to, waraŋ i ye moo kii Kedari bankoo kaŋ ka koroosiroo ke kendeke, i be a je la le fo ñiŋ kuu siifaa nene ka ke le.