Yesaya 21:15 - Mandinka Bible

¹⁵ Ì borita hawusaroo* le la, hawusaroo meŋ buusita ì kamma, kaloo meŋ sabata ì kamma, aniŋ keloo la kandoo.

Yesaya 21:15 Referans Kwoze

Yesaya 13:14

“Moo-wo-moo boritoo be muruŋ na a la moolu yaa le, a wuluu bankoo kaŋ, ko ì ka minaŋo meŋ deema, ko saajii janjandiŋolu mennu maŋ kantarilaa soto.

Yesaya 13:15

Ì ye moo-wo-moo muta, ì be a soo la niŋ sooroo le la, ì ye mennu bee muta, hawusaroo* le be ì faa la.

Yesaya 17:13

Bankoolu la maakaŋ waroo ka bumbuŋ ne ko fankaasoo, bari niŋ Yaawe ye ì jalayi, ì si bori dulaa jaŋ, foñoo ye ì samba ko fuufulewo meŋ be konkoo kaŋ, waraŋ ko niŋ saafoñotoo be kankaŋo tindi kaŋ.

Yesaya 22:3

Ali la kelediŋ kuntiyolu bee borita ñoo la waati kiliŋ, ì ye ì muta le, kalabeñe maŋ fayi. Ì ye mennu je, ì ye ì bee le muta, hani ì borita fo dulaa jaŋ ñaa-wo-ñaa.

Yesaya 31:8

Hawusaroo* le be Asiriyankoolu faa la, meŋ te ke la hadamadiŋ hawusaroo ti, meŋ maŋ ke hadamadiŋ na teeka taa ti, wo le be ì kasaara la. Ì be a kata la ka bori ñiŋ hawusaroo la, bari ì la kelediŋolu be muta la le ka ke joŋolu ti.

Yesaya 33:3

I sari kaŋo ka a tinna le moolu ye bori, niŋ i wulita i sembe baa la, bankoolu bee ka janjaŋ ne.