Yesaya 21:13 - Mandinka Bible

¹³ Kiilaariyaa kumoo fele Araabuduu la kuwo to. Alitolu Dedaninkoolu, ali la juloolu la taama kafoo be jiyaa la yiri ñunkoo le kono, Araabuduu.

Yesaya 21:13 Referans Kwoze

Esekiyeli 27:15

“I niŋ Dedaninkoolu ka julayaa ke le, aduŋ wo moolu mennu bota baadaa borindoo bee la mu i la kiliyaanoolu le ti. Ì ka i la marisandiisoolu faliŋ i yaa samañiŋolu aniŋ kuukuu babaroo le la.

1 Taarika 1:32

Ketura, Iburayima la kaŋ foroyandi musoo*, wo ye dinkewolu mennu soto, wolu le mu: Simurani, Yokisani, Medani, Midiyani, Yisibaki aniŋ Suwa. Yokisani dinkewolu, wolu le mu Seba ti, aniŋ Dedani.

1 Musa 25:3

Yokisani le mu Seba faamaa ti aniŋ Dedani. Bituŋ Dedani koomalankoolu, wolu le naata ke Asurinkoolu ti, Letusinkoolu aniŋ Lewummunkoolu.

Kalatiyankoolu 4:25

Hajara mu Sinayi Konkoo la too doo le ti, meŋ be Araabuduu. A ka Yerusalaamu le la kuwo taamanseeri ko a be ñaameŋ saayiŋ, kaatu a be joŋyaa le kono, a niŋ a diŋolu.

Yesaya 13:20

Moo te sabati la jee kotenke, moo te tara la jee jamaani naalaalu bee kono. Araabu yaayilaa te a la tiriliisoo* loo la jee, sako kantarilaa la saajii si i foñondiŋ jee.

Yesaya 13:1

Kiilaariyaa kumoo fele Babiloni la kuwo to, meŋ lankenemata Yesaya Amosi dinkewo ye.

1 Taarika 1:9

Kusi dinkewolu, wolu le mu: Seba, Hawila, Sabuta, Raama aniŋ Sabuteka. Raama dinkewolu, wolu le mu Seba ti, aniŋ Dedani.

1 Mansoolu 10:15

aduŋ wo niŋ naamoolu maŋ kiliŋ meŋ ka bo juloolu niŋ safaarilaalu bulu, aniŋ ka bo Araabuduu mansoolu bee bulu, aniŋ bankoo kumandaŋolu.

1 Musa 10:7

Kusi dinkewolu, wolu le mu Seba ti, Hawila, Sabuta, Raama aniŋ Sabuteka. Raama dinkewolu, wolu le mu Seba ti aniŋ Dedani.

Yesaya 21:12

Kantarilaa ye jaabiroo ke ko, “Soomandaa siita naŋ ne, aduŋ suutoo fanaa be naa le. Niŋ a diyaata i ye, ñaato i si ñininkaaroo ke. I si naa kotenke.”

Yeremiya 49:8

Alitolu Dedaninkoolu, ali bori de, ali ye muru ali koo la, ka maabo berehuwolu kono, kaatu n ka naa maasiiboo le boyi Esawu koomoo kaŋ, tuma meŋ m be ì jarabi la.