Yesaya 19:5 - Mandinka Bible

⁵ Nayili Boloŋo si jaa, baa si jaa kawu, jii te soto la jee.

Yesaya 19:5 Referans Kwoze

Yeremiya 51:36

Wo kamma la Yaawe ye ñiŋ ne fo ko: “A juubee, m be loo la ali la kuwo la le, ŋa juloo joo ali ye. M be Babiloni baajiyolu jandi la le, ŋa ì woyoolu jandi.

Esekiyeli 30:12

Aduŋ m be Nayili Boloŋo jandi la le, ŋa ì la bankoo waafi moo kuruŋolu ma. Ka bo niŋ tumarankewolu la le m be kasaaroo naati la naŋ ì la bankoo niŋ a konokono feŋolu bee kaŋ. Nte Yaawe Alla faŋo le ye a fo.”

Jakariya 14:18

Niŋ Misirankoolu maŋ taa ñiŋ juuraloo to, wo to ì fanaa te sanji soto la. Yaawe be ì mantoora la le, ko a ye bankoolu mantoora ñaameŋ, mennu maŋ maabee juuraloo to.

Jakariya 10:11

Ì be tambi la niŋ Kulunjumbe Baa le la, baa baliŋolu si tenkuŋ, Nayili Boloŋo niŋ a la diinoŋo bee, a si jaa. Asiriya la faŋ waroo si daŋ, Misira la maraloo ye yeemaŋ.

Yuuba 14:11

Ko baajiyo ka jaa ñaameŋ, aniŋ boloŋo jiyo ka loo ñaameŋ, a ye jaa,

Yesaya 15:6

Nimurimu baajiyo jaata le, a ñaamoolu norota, fiifeŋolu bee faata, hani dulaa jambakereriŋ maŋ soto.

Yesaya 23:11

Yaawe ye a buloo wulindi baa kunto le, a ye mansamarali bankoolu jarajarandi. A ye yaamaroo dii le, ka Kanaani tatoolu kasaara.

Yesaya 50:2

Fo ali ye a miira le ko, m buloo te sii noo la ka ali kiisa baŋ? Fo wo le ye a tinna, biriŋ n naata ka ali kiisa m maŋ moo tara jee? Fo ali ye a miira le ko, m maŋ sembe soto ka ali kumakaa baŋ? Fo wo le ye a tinna, biriŋ ŋa kumandiroo ke, moo maŋ i danku n na? A juubee, n na jalayiroo ka a tinna le fankaasoo ye jaa, ŋa baalu yelemandi keñewuloo* ti, ñewolu ye faa, ì ye toli, jii sotobaliyaa kamma la.

Yesaya 37:25

A ko, ‘Ŋa koloŋolu siŋ wandi bankoo kaŋ ne, aduŋ ŋa jiyo miŋ jee le. Ŋa Misira baa bolondiŋolu bee jandi le, ka bo niŋ n siŋ teetewo la.’