Yesaya 19:23 - Mandinka Bible

²³ Wo luŋo la, sila fanuŋo le be bo la Misira fo Asiriya. Asiriyankoolu be naa Misira, Misirankoolu ye taa Asiriya. Misirankoolu niŋ Asiriyankoolu be Alla batu la ñoo kaŋ ne.

Yesaya 19:23 Referans Kwoze

Yesaya 11:16

Sila baa le be tara la a la moo toomaalu ye jee, mennu bota Asiriya, ko a be nuŋ Banisirayila ye ñaameŋ, kabiriŋ ì bota naŋ Misira.

Yesaya 27:13

Wo luŋo la, saakotoŋ bina* baa le be fee la, ì ye moolu mennu samba Asiriya bankoo kaŋ, aniŋ ì ye mennu bayi ka taa Misira bankoo kaŋ, bee be naa la le ka Yaawe batu Yerusalaamu konko senuŋo* kaŋ.

Jabuuroolu 87:4

A ko, “Misirankoolu niŋ Babiloninkoolu be soŋ na m ma le, ka taa Filisitinkoolu, Tirenkoolu, aniŋ Kusinkoolu*. M be ì muta la Siyoni saatewo diŋolu le ti.”

Yesaya 11:11

Wo luŋo la, Maariyo be a bulu sembemaa taa la le kotenke, ka moo toomaalu kaniŋ mennu tuta a la moolu kono, ka bo Asiriya, ka taa fo Misira bankoo bulubaa niŋ maraa la, ka bo Kusi*, Elamu, Babiloni, Hamati, aniŋ ka taa fo Baa Baa* borindoo la.

Yesaya 19:24

Wo luŋo la, Banisirayila be Misira aniŋ Asiriya sabanjaŋ na le, ì ye ke duniyaa bee ye neemoo le ti.

Yesaya 49:7

Yaawe, Banisirayila la Senuŋ Baa, a Kumakaalaa ka diyaamu moo le ye, bankoolu jututa meŋ na, ì ye a koŋ, a keta maralilaalu la dookuulaa ti, a ye ñiŋ ne fo a ye ko, “Niŋ mansoolu ye i je, ì be wuli la le, maralilaalu fanaa be ñoyi la i ye le, kaatu nte Yaawe le be a saabu la. N ka laahidoolu timmandi le, nte Banisirayila la Senuŋ Baa meŋ ye i tomboŋ.”

Yesaya 49:11

M be n na konkoolu bee yelemandi la siloolu le ti, n na sila kendoolu ye tintiŋ.

Yesaya 62:10

Yerusalaamunkoolu, ali finti, ali finti niŋ dundaŋ daalu la! Ali siloo parendi moolu ye. Ali sila kendoo dadaa, ali a dadaa kuu! Ali a beroolu bondi. Ali ye bandeeroo wulindi, ka a ke bankoolu ye taamanseeroo ti.

Yesaya 66:23

A ko; “Kari Kuta-wo-Kari Kuta* aniŋ Loobula Luŋ-wo-Loobula Luŋ, hadamadiŋolu bee be naa sujudi la n ñaatiliŋo la le.

Mika 7:12

Wo luŋo la, moolu be ali waliŋ na le ka bo Asiriya aniŋ Misira saatewolu to, ka bo biriŋ Misira ka taa fo Yufurati Boloŋo to, ka bo biriŋ fankaasi fo fankaasi, aniŋ ka bo biriŋ konko fo konko.

Yesaya 2:3

Moo jamaa si naa, ka a fo ñoo ye ko, “Ali naa ŋà taa Yaawe la konkoo kaŋ, ka taa Yaakuba la Alla Batudulaa Buŋo to, fo a si ǹ karandi a la siloolu la, fo ǹ si taama noo a la lafoo kaŋ.” Yaamaroo be finti la naŋ Siyoni* le, Yaawe la kumoo be bo la naŋ Yerusalaamu le.