Yesaya 19:12 - Mandinka Bible

¹² Firawoona, i la moo ñaamendiŋolu lee saayiŋ? Ì si a yitandi i la, ì ye i kalamutandi, Yaawe Alihawaa Maariyo ye meŋ feere Misira kamma.

Yesaya 19:12 Referans Kwoze

1 Korintinkoolu 1:20

Kee ñaamendiŋolu lee? Luwaa karammoolu* lee? Ñiŋ jamaanoo diyaamunoolaalu lee? Fo Alla maŋ ñiŋ duniyaa ñaameŋo ke tooleeyaa le ti baŋ?

Roomankoolu 9:17

Alla la kumoo be safeeriŋ ne, meŋ fota Firawoona ye ko: “Ka n semboo yitandi, ŋa i mansayandi wo daliiloo le kamma, fo n na darajoo si janjaŋ noo duniyaa bee kono.”

Yeremiya 2:28

Yahuuda, i la alloolu lee, i ye mennu dadaa i faŋo ye? Batu, wolu ye naa, niŋ ì si i kiisa noo mantooroo kono, bayiri ite Yahuuda bankoo la alloolu siyaata le, ì niŋ i la saatewolu yaatewo le kaañanta.

Yesaya 44:7

Jumaa le be ko nte? A maarii ye a faŋ fo. A ye a yitandi n na, kuwolu mennu keta, kabiriŋ ŋa n na moo foloolu fintindi ñiŋ duniyaa kono, aniŋ kuwolu mennu be naa ke la ñaato.

Yesaya 14:24

Yaawe Alihawaa Maariyo kalita ko: “A te baayi la. Ŋa a feeroo siti ñaameŋ, a be ke la wo le ñaama, ŋa a kuwo nata ñaameŋ, a be loo la wo le ñaama.

Yesaya 5:21

Kooroo be wo moolu ye, mennu ñaamenta ì faŋ fee, ì hakiloo diyaata ì faŋ fee.

Kiitindirilaalu 9:38

Bituŋ Sebuli ko a ye ko, “I la kuma baa foo nafaa lee saayiŋ? Ite meŋ ko, ‘Abimeleki mu jumaa le ti, meŋ be a tinna la m̀ be bula la a nooma?’ Fo ñinnu le maŋ ke kelediŋ kafoolu ti baŋ, i ka mennu tooñee? Saayiŋ finti banta, i niŋ ì ye kele.”

Obadiya 1:8

“Wo luŋo la, n si Edomu moo ñaamendiŋolu kasaara, aniŋ a hakilimaalu mennu be Esawu konkotundoo* kaŋ.