Yesaya 16:5 - Mandinka Bible

⁵ Wo to, mansasiiraŋo be loo la kanu bambaloo le kaŋ, moo ye sii a kaŋ ka tooñaa taamandi. A be ke la Dawuda koomalankoo le ti, maralilaa meŋ ka kiitiyo kuntu a ñaama, aniŋ ka tariyaa ka tiliŋo kuwo sabatindi.

Yesaya 16:5 Referans Kwoze

Daniyeli 7:14

Wo le to a ye kaŋo dii a la, horomoo, aniŋ mansayaa semboo, ñiŋ kamma la banku-wo-banku, sii-wo-sii, aniŋ moolu bee si a batu. A la mansayaa semboo be tu la keriŋ ne fo abadaa, aduŋ a la mansabaayaa te baŋ na.

Mika 4:7

Ñiŋ lanjuurutoolu le be ke la moo baluuriŋ toomaalu ti. Ì ye mennu bayi ì fansuŋ bankoo kaŋ, ì ye ke banku sembemaa baa ti. Nte Yaawe faŋo le be ke la ì la Mansa ti Siyoni Konkoo kaŋ, ka bo saayiŋ fo abadaa.

Daniyeli 7:27

Bituŋ ì si naa duniyaa mansamarali bankoolu bee la semboo niŋ waroo dii Alla Mansa Tallaa la moolu la. Ì la mansayaa be tu la le fo abadaa. Maralilaalu bee be soŋ na ì ma le, aduŋ ì be dookuwo ke la ì ye le.”

Jakariya 9:9

Yaawe ko: “Ite Dimmusuriŋ* Siyoni*, seewoo kendeke! Ite Dimmusuriŋ Yerusalaamu, wuuri kontaanoo ti. Ali la mansa fele, a be ali waliŋ kaŋ naŋ. A tilinta, kiisoo be a bulu, a niŋ fammajiyo be faloo koo to, falindiŋo le mu, falimusoo diŋo.

Kuma Kotoomaalu 20:28

Tiliŋo niŋ tooñaa le ka mansa tankandi, aduŋ tiliŋo le ka a la mansayaa bambandi.

2 Samuweli 7:16

I la buŋo niŋ i la mansamarali bankoo be tara la taama kuu la n ñaa la le, aduŋ i la mansasiiraŋo be bambaŋ na le fo abadaa.”

Amosi 9:11

“Luŋo be naa le, m be Dawuda la mansayaa lookuu la meŋ na, meŋ kasaarata ko buŋ tiñaariŋo. M be a faroolu bee suki la le, ŋa a dulaa tiñaariŋolu lookuu. M be a lookuu la le ko a be nuŋ ñaameŋ,

Yesaya 55:4

A juubee, ŋa ate le ke n seedoo ti bankoolu ye, moolu la ñaatonkoo aniŋ ì la maralilaa.

Kuma Kotoomaalu 29:14

Niŋ mansa ye fuwaaroolu kiitindi tiliŋo kono, a la mansayaa be tara la bambandiŋ ne fo abadaa.

Jabuuroolu 99:4

Mansa baa, i ye tooñaa kanu le. I ye i la tiliŋo londi moolu teema le, i ye tiliŋo niŋ tooñaa le ke Banisirayila kono.

Jabuuroolu 98:9

ì ye suukuwo laa Yaawe ñaatiliŋo la. A ka naa duniyaa kiitindi le, a be duniyaa moolu kiitindi la tiliŋo niŋ tooñaa le la.

Jabuuroolu 96:13

ka suukuwo laa Yaawe ye, kaatu a be naa le, a be naa ka duniyaa kiitindi. A be duniyaa moolu kiitindi la tiliŋo niŋ tooñaa le la.

Jabuuroolu 89:14

I la mansayaa be looriŋ tiliŋo niŋ tooñaa le kaŋ. I ka tu tilindiŋ ne doroŋ, aduŋ kanu bambaloo le be i fee.

Jabuuroolu 85:10

Alla la kanu bambaloo niŋ tooñaa be beŋ na le, tiliŋo niŋ kayiroo ye ñoo sumbu.

2 Taarika 31:20

Yahuuda bankoo bee kaŋ, Mansa Hesekiya baarata kuu betoo niŋ kuu tilindiŋo le la, aduŋ a foroyaata Yaawe a la Alla ma.

1 Mansoolu 10:9

Tentoo be Yaawe ye i la Alla, meŋ kontaanita i la kuwo la, aduŋ a ye i sindi Banisirayila la mansasiiraŋo kaŋ. Yaawe la badaa-badaa kanoo kamma la, a ye meŋ soto Banisirayila ye, wo le ye a tinna a ye i ke mansa ti, fo i si tiliŋo niŋ tooñaa taamandi.”

2 Samuweli 23:3

Banisirayilankoolu la Alla diyaamuta, Banisirayila semberaŋ bere baa ko n ye le ko, “Niŋ moo ye moolu mara tiliŋo kono, niŋ a ye maraloo ke Alla ñaasilaŋo kono,

2 Samuweli 5:9

Kabiriŋ Dawuda ye tatoo taa, a sabatita jee le, bituŋ ì ye jee kumandi Dawuda la Saatewo la. Dawuda ye jee bee tata le, ka bo sapoolu to.

Yesaya 33:22

Yaawe le mu ǹ na kiitiikuntulaa ti, Yaawe le mu ǹ na ñaatonkoo ti. Yaawe le mu ǹ na mansoo ti. Ate le be ǹ tanka la.