Yesaya 16:12 - Mandinka Bible

¹² Mowabinkoolu ka taa batudulaa tintiŋo* to taariŋ fo ì bataata. Ì taata ì la jalambuŋolu to duwaa la ñaa-wo-ñaa, a te feŋ jaara la ì ye.

Yesaya 16:12 Referans Kwoze

Yesaya 15:2

Diboninkoolu taata ì la batudulaa to le, ì la batudulaa tintiŋolu* to ka woosii, Mowabinkoolu lembata Nebo niŋ Medeba la kuwo la. Ì ye ì kuŋolu bee nunku le, ì ye ì booraalu bee lii niikuyaa kamma.

Yeremiya 48:35

M be moolu baŋ na Mowabi bankoo kaŋ ne, moo-wo-moo ka sadaalu* bondi batudulaa tintiŋolu* to, ka cuuraayoo siisindi a la jalaŋo ye.” Yaawe le ye a fo.

1 Mansoolu 18:29

Tilibuloo tambita, aduŋ ì tententa ì la kuu mañaraŋ kewo la, fo wulaara sadaaboo* waatoo siita. Bari dankuru maŋ ke, aduŋ moo maŋ jaabiri ke, sako ka i lamoyi ì la.

4 Musa 23:28

Wo to le Balaki ye Balaamu samba Pewori Konkoo santo, daameŋ niŋ i be jee, i ka Yesimoni hayinaŋ.

4 Musa 23:14

Wo le to a ye a samba Sofimu la kunkoo to Pisika Konkoo santo, a ye sadaabodulaa woorowula loo jee to, aduŋ a ye ninsituuraa niŋ saakotoŋo le faa ñinnu bee kaŋ.

4 Musa 22:39

Bituŋ Balaamu niŋ Balaki naata taa Kiriyati-Husoti.

Yeremiya 48:46

Kooroo be ite Mowabi ye le! Jalaŋ Kemosi la moolu kasaarata, kaatu ali dinkewolu taata mutoo kono le, ì ye ali dimmusoolu fanaa samba mutoo kono.

Yeremiya 48:13

Wo to le Mowabinkoolu la jalaŋo Kemosi be ke la ì ye malu kuwo ti, ko Banisirayila la Beteli jalambatoo keta ì ye ñaameŋ, ì jikita nuŋ meŋ na.

Yeremiya 48:7

Bayiri ali jikita ali la katoolu niŋ ali la naafuloolu le la, wo to ì be ali fanaa muta la le ka ali samba. Ì be ali la jalaŋo Kemosi samba la mutoo kono le, ka taa a la piriisoolu* niŋ a batubaalu.

Yeremiya 10:5

Ì la jalaŋolu ka munta le juburulaŋo kunku buloolu to, ì buka diyaamu noo fereŋ. Fo niŋ moo ye ì sika ka ì samba, ì buka taama noo. Ali kana sila ì la, kaatu ì buka kuu jawu ke noo moo la, sako kuu kende.”

Yesaya 47:13

I ye yaamarilaa jamaa le soto, i yaayita ì nooma fo i bataata. Lonnaalu mennu ka looloolu la kuwo koroosi, ka a fo le meŋ be ke la kari-wo-kari, wolu si naa i tanka maasiiboo la, meŋ be laa la i kaŋ.

Yesaya 37:38

Luŋ kiliŋ, kabiriŋ a be baturoo la Nisiroki la buŋo kono, a ye meŋ muta a la Alla ti, a dinkewolu Adiramu-Meleki niŋ Saresa ye a faa hawusaroo la. Ì borita ka taa Ararati bankoo kaŋ. Bituŋ a dinkewo Esahadoni keta a noo to mansa ti.

Yesaya 26:16

Hee Yaawe, biriŋ i la moolu be niitooroo kono, ì ye ì ñaa tiliŋ i la le, fo i si ì maakoyi. Biriŋ i ye ì jarabi, ì naata duwaa kendeke.

Kuma Kotoomaalu 1:28

Wo to le ali be n kumandi la, bari n te ali danku la, ali be n ñini la le, bari ali te n je la.

2 Mansoolu 19:12

Fo wo bankoolu la jalaŋolu ye ì tankandi noo le baŋ? Asiriya mansa mumuñolu ye ì kasaara le. Wo saatee baalu le mu Kosani ti, Harani, Resefu, aniŋ Edeni moolu, mennu tarata siiriŋ nuŋ Telasari.

2 Mansoolu 3:27

Bituŋ a naata a faŋo dinkee foloo taa, meŋ ñanta a keetaa la mansayaa palaasoo to, a ye a faa ka a bondi jani sadaa ti saatewo tata sansaŋo kaŋ. Ñiŋ kuwo ye Banisirayilankoolu kijoo fara baake. Bituŋ ì naata muru ka seyi ì la bankoo kaŋ.

1 Mansoolu 11:7

Konkoo kaŋ Yerusalaamu tiliboo la, Sulemani ye batudulaa tintiŋo* loo Kemosi ye jee, Mowabinkoolu la jalaŋ haraamuriŋo, aniŋ Moleki ye, Ammoninkoolu la jalaŋ haraamuriŋo.

4 Musa 24:17

Ŋa moo le la kuwo je bari a maarii la kuwolu maŋ ke saayiŋ ti. Ŋa a je le, bari a be jamfariŋ ne de. Moo le be bo la Yaakuba bala ko looloo, maralilaa le be naa finti la Banisirayila. A be Mowabi maralilaalu bee kuŋo teyi la le, a ye Seti koomalankoolu bee kasaara.

4 Musa 22:41

Bituŋ wo saamoo soomandaa Balaki ye Balaamu samba Bamoti-Baali, a ye Banisirayila daakaa hayinaŋ.

4 Musa 21:28

Dimbaa fintita naŋ Hesiboni kono, dimbaa neŋo bota naŋ Sihoni la saatewo to, a ye Ari saatewo kasaara Mowabi, aniŋ maralilaalu mennu be siiriŋ konkoolu kaŋ Arinoni Boloŋ daala.

Yesaya 16:13

Yaawe* ye ñiŋ kumakaŋo le fo nuŋ Mowabi kamma.