Yesaya 16:11 - Mandinka Bible

¹¹ N kumboota Mowabi ye le ko suusaa kumakaŋo, Kiri-Hareseti saatewo la kuwo ye m baloo bee futufaa.

Yesaya 16:11 Referans Kwoze

Yesaya 15:5

Mowabi la kuwo ye m balafaa le. A la keleborilaalu borita le fo Sowari, ka taa fo Ekilati-Selisiya. Ì be lemba kaŋ ka taa Luhiti siloo la, ka taa Horonayimu, ì be ì la kasaaroo woosii kaŋ.

Filipinkoolu 2:1

Fo ali maŋ wakiilindiroo soto Kiristu* kono, aniŋ sabarindiroo ka bo niŋ a la kanoo la? Fo ali maŋ kafuñooyaa soto ka bo niŋ Noora Kuliŋo la? Fo ali maŋ mooyaa niŋ balafaa soto ñoo ye?

Hoseya 11:8

“Bari Efurayimu, n si i bula noo ñaadii le? Banisirayila, n si m bo noo i to ñaadii le? N si ali kasaara noo ñaadii le ko Aduma saatewo, waraŋ Seboyimu saatewo? Ali la kuwo ye n niyo kuyaa le, balafaa ye m futufaa.

Yeremiya 48:36

“Wo to n kumboota Mowabi ye n sondomoo kono le ko ŋaliitoo, n kumboota Kiri-Hareseti moolu ye n sondomoo kono ko ŋaliitoo, kaatu ì la kafuŋ-kafuŋ naafuloo bee kasaarata le.

Yesaya 63:15

Yaawe, juubeeroo ke ka bo naŋ santo, i ye jeroo ke, ka bo i sabatidulaa senuŋo niŋ i la dulaa kallankeeyaariŋo* to. I la hame kuwo niŋ i semboo lee? I ye konotodiyaa niŋ balafaa meŋ soto ǹ ye, i ye ì jamfandi ǹ na le.

Yeremiya 31:20

Yaawe ko: “Fo Efurayimu maŋ ke n kanu diŋo le ti baŋ? Fo a maŋ ke n jusukunto diŋo le ti baŋ? N ka tu la a jalayi la ñaa-wo-ñaa, hani wo n hakiloo ka tara a kaŋ ne. A la kuwo loo be faariŋ n kono le. Tooñaa, m be balafaa yitandi la a la le.” Yaawe le ye a fo.

Yeremiya 4:19

Hee, nte la niitooroo! Nte la niitooroo! M be wiriji kaŋ dimiŋo le kono. Hee, dimiŋo meŋ be nte jusoo to! N jusoo ka sawuŋ n kono jawuke le! N te tu noo la deyiriŋ. Ŋa binoo feekaŋo moyi le, kele wuuroo.

Yesaya 21:3

Ñiŋ jeroo le ye a tinna dimiŋo dunta m balajaatoo la, dimiŋo ye m muta ko niŋ musoo be tiŋo to. Ŋa meŋ moyi, a ye m bondi n noo to le, ŋa meŋ je, a ye n jaakalindi.

Yeremiya 48:31

“Wo to m be kumboo la Mowabi ye le, m be wuuri la Mowabi bee le ye, ŋa Kiri-Hareseti saatee moolu la kuwo woosii.

Niikuyaa Suukuwolu 1:20

“Hawusaroo* be faaroo la mbeedoolu kaŋ, buŋolu fanaa kono niŋ saayaa. Hee Yaawe, a juubee m be mantooroo meŋ kono, fo n niyo bee dewunta, n kijoo kuntuta, kaatu ŋa balambaatooyaa le tiliŋ i la.