Yesaya 14:16 - Mandinka Bible

¹⁶ Mennu be i je la, be ì ñaa feetee la i kaŋ ne, ì ye i miira i ñiŋ labaŋñaa la: “Fo ñiŋ ne mu kewo ti, meŋ ye duniyaa maamandi, a ye mansamarali bankoolu jarajarandi,

Yesaya 14:16 Referans Kwoze

Yeremiya 50:23

Babiloni bankoo, duniyaa bee keleraŋ maritoo, wo le katiŋ-katinta teŋ! Babiloni le kenseŋyaata teŋ ka ke bankoolu ye kijaboo ti!

Jabuuroolu 64:9

Wo le to moolu bee si sila, ì ye i miira Alla ye meŋ ke, ì ye a la keroolu seyinkaŋ.

Jabuuroolu 52:7

“A juubee, kewo fele meŋ maŋ soŋ ka tankoo ñini Alla bulu, bari a jikita a la naafuloo la siyaa le la, ka fankoo ñini kuruŋyaa kono.”

Yesaya 14:15

Bari ì be i samba la kaburoo dinka jaŋ baa le kono.

Yesaya 14:17

kewo meŋ ye duniyaa ke keñewuloo* ti, a ye saatewolu turutumbuŋ, a maŋ soŋ a la mutamoolu ye seyi?”

Nahumu 3:6

N si i ke suntukuŋo ti, ka i malundi, moolu ye ì ñaa mala i kaŋ ka kaawa.

Habakuki 1:10

Mansakewolu, ì ka wolu ñaawali le, maralilaalu, ì ye wolu ke jelefeŋolu ti. Tatoo, ì ka jele wo la le, ì ka bankoo le ke teputepoo ti, ì ye sele a la ka jee taa.

Esekiyeli 32:23

Ì la kaburoolu be dinka jaŋ baa kono duuma le. Asiriya kelediŋolu la kaburoolu le be a dandaŋo la. Itolu le ye silaŋo dundi nuŋ moolu la, bankoo kaŋ moo baluuriŋolu be daameŋ.

Esekiyeli 32:27

Ì maŋ ì baadee ko ì ka kelejawaroolu baadee ñaameŋ buuñaa kono. Ì niŋ kelejawaroolu mennu maŋ Alla loŋ ne be laariŋ dulaa kiliŋ laakira, ì niŋ ì la kelejooraŋolu le be kaburoo kono. Ì ye ì la hawusaroolu ke ì ye kullaaraŋo le ti, aduŋ ì la kuu jawoolu le tooroo be laariŋ ì kuloolu kaŋ, hani a ye a tara ñiŋ kelejawaroolu la silaŋo dunta wo bankoo kaŋ, baluuriŋolu be daameŋ.

Habakuki 1:17

Fo ì be tu la ñiŋ ne la baŋ, ka ì la hawusaroolu* taa ka moolu faa bankoolu kaŋ balafaabaliyaa kono?