Yesaya 14:12 - Mandinka Bible

¹² Hee, Subaalooloo, Fanikewo Dinkewo, a juubee, i jolonta ñaameŋ ka bo saŋo santo! I la kuwo jiita le, i boyita duuma, ite meŋ nene ka bankoolu la kuwo jindi.

Yesaya 14:12 Referans Kwoze

Luka 10:18

Bituŋ Yeesu ko ì ye ko, “Ŋa Seetaanoo* je le, a boyita naŋ ka bo Arijana kono ko saŋ ŋalasoo.

Lankenemoo 8:10

Malaayika sabanjaŋo ye a la footaŋo fee, bituŋ looloo baa jolonta naŋ duuma ka bo saŋo santo. A be mala kaŋ ko pacamoo. A jolonta boloŋolu la talaadaa sabanjaŋo kono, aniŋ woyoolu.

Lankenemoo 22:16

“Nte Yeesu le ye n na malaayikoo kii i kaŋ, ka ñiŋ kuwolu seedeyaa n na kafoolu ye taariŋ. Nte le bota Mansa Dawuda bala, aniŋ nte le mu Dawuda koomalankoo ti. Nte le mu Subaalooloo diimaa ti.”

2 Pita 1:19

Wo ye annabiyomoolu la kumoo le bambandi, ì ye meŋ fo a la kuwo to. Niŋ ali ye wo kumoo muta, wo mu kuu kendoo le ti ali ye. A si ke ali ye lampoo ti, meŋ si tu siloo bitaa la ali ye, diboo kono fo subaa waatoo, Subaalooloo be finti la waatoo meŋ na ka maloo dii ali sondomoo kono.

Yesaya 34:4

Saŋo santo malafeŋolu si yooyi, saŋ fatoo si moromoro, looloolu bee si joloŋ, ko yiri jamba jaariŋo ka joloŋ ñaameŋ, ko sooto diŋ nororiŋo ka joloŋ ñaameŋ.

Lankenemoo 2:28

M be Subaalooloo dii la a la le.

2 Pita 2:4

Alla maŋ yamfa hani malaayikoolu ye daameŋ, biriŋ ì ye junuboo ke nuŋ, bari a ye ì fayi dinka dambaloo kono, ì be tu la sitiriŋ dibi baa kataŋo kono daameŋ fo kiitiiluŋo la.

Lankenemoo 9:1

Bituŋ malaayika luulunjaŋo ye a la footaŋo fee. Ŋa looloo je, a jolonta duniyaa kono, ka bo saŋo santo. Dinka dambaloo bundaa caaboo diita looloo ñiŋ na.

Yeremiya 50:23

Babiloni bankoo, duniyaa bee keleraŋ maritoo, wo le katiŋ-katinta teŋ! Babiloni le kenseŋyaata teŋ ka ke bankoolu ye kijaboo ti!

Yesaya 13:10

Saŋo looloolu niŋ ì la maloo te je la. Niŋ tiloo be wuli la, a si dibi, aduŋ karoo te mala la.

Yeremiya 51:53

Hani Babiloni si futa saŋo ma, hani a si a tata jaŋolu bambandi, m be tiñaarilaalu naati la a kamma le.” Yaawe le ye a fo.

Niikuyaa Suukuwolu 2:1

Ayiwaalii! Maariyo la kamfaa kamma la, a ye tawali dibiriŋo le wanka Siyoni* moolu kunto. A ye Banisirayila darajoo jindi bankoo to le, ka bo naŋ saŋo santo. A ye Siyoni muta le ko, a siŋ looraŋo le mu nuŋ, bari saayiŋ a ye a hakiloo bo a kaŋ ne, a la kamfaa waatoo la.

Esekiyeli 26:17

Moolu be niikuyaa denkiloo le laa la i ye. Ì be a fo la i ye le ko: Tire, ite saatee too boriŋ baa le kasaarata teŋ baakono dookuulaalu be sabatiriŋ daameŋ to. Ite meŋ semboo warata baa kono, i niŋ i siilaalu, i dandanna moolu bee silata i la le nuŋ.

Obadiya 1:4

“Hani niŋ ali ye ali yaalu loo santo le ko seeliŋo, ali ye ali yaalu ke looloolu teema, n si ali saba naŋ jee duuma.” Yaawe le ye a fo.