Yesaya 13:22 - Mandinka Bible

²² Suluwolu si kuma ì la saatee tatoolu to, kunkuwuloolu, ì la mansabuŋ ñiimaalu kono. A waatoo sutiyaata naŋ ne, a luŋolu maŋ jamfa.”

Yesaya 13:22 Referans Kwoze

Yeremiya 51:33

Yaawe Alihawaa Maariyo, Banisirayila la Alla ye ñiŋ ne fo ko: “Dimmusuriŋ* Babiloni ka munta le siimaŋ toñonkadulaa, ì be a doriŋ-doriŋ kaŋ ne ka a denkundi foloo, a te hani mee la katiri waatoo be sii la.”

Yesaya 35:7

Bankumunku kandoo bee be ke la jiyo le ti, banku jaaroo ye woyoolu fintindi. Kunkuwuloolu sabatidulaa, saayiŋ ñantaŋo, seyiŋo, aniŋ baakintoo le be faliŋ na jee.

Yesaya 25:2

I ye saatewo ke tumbuŋo le ti, i ye saatee tatariŋo ke bere kutukata sapoo ti. Banku koteŋ moolu la saatee tatariŋo wo maŋ ke saatee ti kotenke, aduŋ a nene te seyinkaŋ loo la.

2 Pita 2:3

Ì la hadumoo kamma la, ì be ali la naafuloolu buusi la ali bulu niŋ faniyaa kumoolu la. Bari ì la yankankatoo be pareeriŋ ne kabiriŋ waati jaŋ koomanto, aduŋ ì la kasaaroo be ì batu kaŋ ne.

Habakuki 2:3

Ñiŋ lankenemayandiroo ka a waatoo le batu. A diyaamuta labandulaa kuwolu le la, aduŋ a te ke la faniyaa ti. A kuwo naafata ñaa-wo-ñaa, hani wo a batu. A be koyiriŋ ne lewu ko a be naa le, a te baayi la muk.

Yesaya 34:13

Ŋaniŋolu le be faliŋ na a mansa buŋolu kaŋ, ñaamoolu ye tara falindiŋ tatoolu kaŋ. A be ke la kunkuwuloolu sabatidulaa le ti, a ye ke kiikiyaŋolu la dinkiraa ti.

5 Musa 32:35

Julujoo mu Yaawe le taa ti, a be ì joo la a ñaama le, ì be boyi la a waatoo la le, a te mee la, mantooroo be jii la ì kaŋ, maasiiboo be ì moonee la le.

Jabuuroolu 44:19

hani wo i ye ǹ korindi le ka m̀ fili kunkuwuloolu kono, aduŋ i ye m̀ bula dibi baa kono.

Yesaya 32:14

Mansabuŋo kenseŋo le be tu la jee, saatee duuriŋo ye tara kiideeriŋ. Tatoo niŋ kantari buŋo be ke la daafeŋolu la dinkiraa le ti fo abadaa. Faloolu si i bidibidi jee, a ye ke beeyaŋolu ye daañini dulaa ti,

Yesaya 43:20

Wulakono daafeŋolu ye m buuñaa le, hani kunkuwuloolu niŋ kiikiyaŋolu, bayiri ŋa jiyo ke keñewuloo* kono le, aniŋ dulaa jaariŋolu, ka jiyo dii n na moolu la, ŋa mennu tomboŋ,

Yeremiya 9:11

Yaawe ko: “M be Yerusalaamu ke la tumbuŋo le ti, a ye ke kunkuwuloolu la daakaa ti. M be Yahuuda saatewolu kenseŋyandi la le, moo te sabati la jee.”

Yeremiya 48:16

“Mowabi kasaara waatoo sutiyaata naŋ ne, a la maasiiboo niŋ tariyaa le ka naa.

Niikuyaa Suukuwolu 4:3

Cafati, kunkuwuloo ka wuli le, a ka sunjoo dii le ka a diŋolu suusundi, bari n na saatee moolu jawuyaata le, ì ka ì koo dii ì diŋolu la le, ko keñewuloo* kono suruntukunoolu.

Mika 1:8

Ñiŋ kuwo kamma la, n si kumboo, ŋa woosii, n kenseŋo ye loo, n siŋ kenseŋo ye taa. N si woosii ko kunkuwuloo, ŋa sikisiki ko kiikiyaŋo.

Yesaya 14:23

Yaawe Alihawaa Maariyo ko, “M be bankoo ñiŋ ke la ballabaariŋo la dulaa le ti, a ye ke lewo ti. M be a fita la niŋ kasaara fitaraŋo le la.”

Yesaya 34:14

Keñewuloo* daafeŋolu niŋ suluwolu si beŋ, minaŋolu si kali kuma jee, suuto daafeŋolu fanaa si jee ke ì la taradulaa ti, ka dulaa ñini ì faŋolu ye, ì be i dahaa la daameŋ.

Sefaniya 2:14

Jee ye ke beeyaŋ koorewolu laadulaa ti, aniŋ wulakono daafeŋolu siifaa bee. Sonkosonkoolu niŋ ballabaariŋolu ye i laa a tumbuŋolu to, kiikiyaŋolu si kuma a palanteeroolu to, kaanaalu ye kuma a bundaa kuŋolu to, ì la bunkono sedari* babaroolu ye koloŋ.