Yesaya 13:21 - Mandinka Bible

²¹ Bari wulakono daafeŋolu le be i laa la jee, moolu la buŋolu ye faa kiikiyaŋolu la, suruntu kunoolu si baluu jee, minaŋolu ye tuluŋ jee.

Yesaya 13:21 Referans Kwoze

Lankenemoo 18:2

A sarita santo niŋ sari baa la ko: “A boyita le, Babiloni saatee baa boyita! A naata ke seetaani jawoolu la sabatidulaa ti, a keta daakaa le ti noora jawu siifaa bee ye. A keta kunu jankubaloolu la taradulaa le ti, aniŋ kunoolu mennu konta.

Yesaya 23:13

Ali Babiloninkoolu la bankoo juubee, ñiŋ moolu mennu maŋ ke kontitaa ti. Asiriyankoolu ye jee ke wulakono daafeŋolu sabatidulaa le ti. Ì ye seleraŋ sapoo* loo jee le ka saatewo boyinkaŋ, ka a tatoolu bee janjaŋ, ì ye jee ke tumbuŋo ti.

Yesaya 32:14

Mansabuŋo kenseŋo le be tu la jee, saatee duuriŋo ye tara kiideeriŋ. Tatoo niŋ kantari buŋo be ke la daafeŋolu la dinkiraa le ti fo abadaa. Faloolu si i bidibidi jee, a ye ke beeyaŋolu ye daañini dulaa ti,

Yeremiya 50:39

“Wo to keñewuloo daafeŋolu, ka taa suluwolu le be sabati la jee, kiikiyaŋolu fanaa ye sabati jee. Moo nene te sabati la jee kotenke, sako moo si sii jee, jamaani naalaalu bee kono.

Mika 1:8

Ñiŋ kuwo kamma la, n si kumboo, ŋa woosii, n kenseŋo ye loo, n siŋ kenseŋo ye taa. N si woosii ko kunkuwuloo, ŋa sikisiki ko kiikiyaŋo.

Sefaniya 2:14

Jee ye ke beeyaŋ koorewolu laadulaa ti, aniŋ wulakono daafeŋolu siifaa bee. Sonkosonkoolu niŋ ballabaariŋolu ye i laa a tumbuŋolu to, kiikiyaŋolu si kuma a palanteeroolu to, kaanaalu ye kuma a bundaa kuŋolu to, ì la bunkono sedari* babaroolu ye koloŋ.

3 Musa 11:16

tumbunto kiikiyaŋo, wulakono kiikii baa, baato keeraa, sontiŋo siifaa-wo-siifaa,

Yesaya 14:23

Yaawe Alihawaa Maariyo ko, “M be bankoo ñiŋ ke la ballabaariŋo la dulaa le ti, a ye ke lewo ti. M be a fita la niŋ kasaara fitaraŋo le la.”

Yesaya 25:2

I ye saatewo ke tumbuŋo le ti, i ye saatee tatariŋo ke bere kutukata sapoo ti. Banku koteŋ moolu la saatee tatariŋo wo maŋ ke saatee ti kotenke, aduŋ a nene te seyinkaŋ loo la.