Yesaya 11:9 - Mandinka Bible

⁹ Feŋ te tara la Alla la konko senuŋo* kaŋ, meŋ si moo mantoora, waraŋ ka moo kasaara, kaatu duniyaa bee be faa la moolu le la, mennu ye Yaawe loŋ, ko baa ka tara faariŋ jiyo la ñaameŋ.

Yesaya 11:9 Referans Kwoze

Habakuki 2:14

Duniyaa bee si faa londoo la, Yaawe la semboo niŋ a la waroo kuwo to, ko baa ka tara faariŋ jiyo la ñaameŋ.”

Yesaya 52:10

Yaawe be a semboo yitandi la bankoolu bee la le, aduŋ duniyaa moolu bee be ǹ na Alla la kiisoo je la le.

Jabuuroolu 72:19

Ali a jayi a too ñiimaa la fo abadaa. Allamaa a la kallankeeyaa* ye faa duniyaa bee kono. Amiin! Amiin!

Yuuba 5:23

I be tankoo soto la kene fanuŋolu to le, kayiroo le be tara la ì niŋ wulakono daafeŋolu teema.

Jakariya 14:9

Bituŋ Yaawe si ke duniyaa bee Mansa ti. Wo luŋo la, Yaawe la kilimbaayaa le be loo la, aduŋ baturoo be ke la a too dammaa le la.

Yesaya 59:19

Wo to tilijiilankoolu be sila la Yaawe la le, tilibolankoolu te haañi la a la sembe waroo la, kaatu a be naa la le ko waame baa, Yaawe la niijii kaŋo ka meŋ bayindi.

Yesaya 49:6

Saayiŋ, Yaawe ko n ye le ko, “I mu n na dookuulaa le ti, i be kuu le ke la, meŋ tambita ka Yaakuba lasiloolu seyindi ì ñaama, ka Banisirayila moo toomaalu murundi naŋ. M be i ke la bantala bankoolu* fanaa ye maloo le ti, i ye n na kiisoo samba duniyaa tonkoŋ naanoo bee to.”

Yesaya 45:6

i si a je tiloo ka wuli daameŋ, aniŋ a ka boyi daameŋ, moolu si a loŋ ko, doo te jee nte koolaa. Nte le mu Yaawe ti, doo te jee.

Lankenemoo 21:27

Bari feŋ ne te duŋ na a kono, meŋ maŋ seneyaa, sako moo si duŋ a kono, meŋ ye kuu jawoolu ke, Alla ye mennu koŋ, waraŋ meŋ ka baara faniyaa kuwolu la. Moolu doroŋ ne be duŋ na wo saatewo kono, mennu toolu safeeta Saajiiriŋo la baluwo kitaaboo kono.

Yesaya 35:9

Jata te tara la jee, sako daafeŋ saŋarariŋo si taama a kaŋ. Moo te ì je la jee. Moo kumakaariŋolu doroŋ ne be taama la jee.

Yesaya 30:26

Niŋ Yaawe be a la moolu la baramoo jaara la, ka bataariŋolu la dimiŋolu jaara, karoo si mala ko tiloo. Tiloo la maloo si lafaa ko siiñaa woorowula ko tili woorowula kemperiŋo maloo.

Yesaya 11:13

Efurayimu* la kiiliyaa maañaa be yeemaŋ na le, aduŋ Yahuuda la jarinteeyaa be daŋ na. Banisirayila te kiiliyaa tiliŋ na Yahuuda la, sako Yahuuda si jarinteeyaa tiliŋ Banisirayila la.

Yesaya 2:4

A be kiitiyo kuntu la bankoolu teema le, aduŋ a be fitinoo daa faa la moo jamaa ye. Ì be ì la hawusaroolu* tunkaŋ na le, ka ì ke senedaboolu ti, ì la sooroolu ye ke katirilaŋolu ti. Banku te hawusari sika la banku kamma, sako ì si moo karandi keloo keñaa la kotenke.

1 Tesalonikankoolu 5:15

Ali a je ko, moo-wo-moo kana kuu jawoo joo kuu jawoo la, bari ali si hame ka kuu betoo ke ñoo ye, aniŋ moolu bee.

Jabuuroolu 78:54

Bituŋ a ye ì samba naŋ a la banku jankuriŋo to, konkoo to, a ye meŋ taa a faŋo dammaa semboo la.

Yesaya 11:8

Dindiŋ mereŋo si tuluŋ biidaa la dinka daa to le, bondi diŋo ye a buloo bula daŋaroo la laadulaa kono.

Yesaya 33:6

Ate le be ke la ali la waatoo fondamaŋ bambandiŋo ti, kiisoo, ñaameŋo aniŋ londoo diilaa. Yaawe ñaasilaŋo, wo le mu ali la naafuloo ti.

Yesaya 54:5

Kaatu nte i Daamansoo ka munta le ko i keemaa. Yaawe Alihawaa Maariyo* le mu n too ti, nte Banisirayila la Senuŋ Baa le mu i kumakaalaa ti, ì ka a fo n ye le ko, duniyaa bee la Alla.”

Yesaya 56:7

m be ñinnu le samba la n na konko senuŋo* to, ì ye tara seewooriŋ n na duwaa buŋo kono. M be soŋ na le ì la jani sadaalu* niŋ ì la beeyaŋ sadaalu ye laa n na sadaajanidulaa* kaŋ. Kaatu ì be n na buŋo kumandi la duwaa buŋo le la, bankoolu bee ye.”

Yesaya 65:25

Suluwo niŋ saajiiriŋo be domoroo ke la ñoo kaŋ ne, jatoo be ñaamoo ñimi la ko ninsoo, kankaŋo ye ke saa la domoroo ti. Ì te mantoora ke la, ì te kasaarali ke la n na konko senuŋo* bee kaŋ. Nte Yaawe le ye a fo.”

Yesaya 66:18

“Ŋa ì kekuwolu niŋ ì la miiroolu loŋ ne. Saayiŋ waatoo siita le, ka moolu bendi ñoo kaŋ, ka bo kaŋolu to, mennu be bankoolu bee to, ka n na kallankeeyaa yitandi ì la.”

Yesaya 66:20

Aduŋ ì be ali baadiŋolu bondi la naŋ ne ka bo bankoolu bee kaŋ, ka naa n na konko senuŋo* to Yerusalaamu, ka ke soorifeŋo ti nte Yaawe ye. Ì be tara la seleriŋ suwoolu le kaŋ, sareetindiŋolu niŋ sareeti baalu, bahalewolu* aniŋ ñonkomoolu kaŋ.” A ko: “Ì be ì naati la le ko Banisirayilankoolu ka ì la siimaŋ sadaalu naati keraŋ seneyaariŋo kono ñaameŋ, nte Yaawe la Batudulaa to.

Yeremiya 31:34

Moo te a ñoŋ moo doo karandi la kotenke, waraŋ ka a fo a baadiŋo ye ko, ‘Yaawe loŋ!’ kaatu ì bee le be n loŋ na, biriŋ moondiŋ, fo moo baa.” Yaawe le ye a fo. “M be yamfa la ì la kuu kuruŋolu la le, n hakiloo te tara la ì la junuboolu kaŋ kotenke.” Yaawe le ye a fo.

Esekiyeli 34:25

“N niŋ n na moolu be kayira kambeŋo le siti la. M be wulakono daafeŋ jawoolu bee bondi la ì ye bankoo kaŋ ne, i si a je n na moolu si tara kayiroo kono, ka i laa noo ka siinoo kayira kono wo keñewuloo* niŋ wula kaamaa kono.

Esekiyeli 47:5

A ye nonkonkatiñaa wuli kiliŋ sumaŋ kotenke. Jiyo naata diinoŋ fo labaŋo la m maŋ tambi noo, kaatu a jiyo siyaabaata le. A diinonta le fo hani i si newuŋ noo a kono, i te a teyi noo la i siŋo la.

Daniyeli 11:45

A be a la mansa tiriliisi* baalu le faŋo wanka la baa niŋ konkoo teema, Alla Batudulaa Buŋo be looriŋ meŋ kaŋ. Bari a be faa la le, aduŋ moo te soto la meŋ be a maakoyi la.”

Daniyeli 12:4

“Bari ite Daniyeli, i si ñiŋ kumoolu ke kulloo kuwo ti, i ye kitaaboo ñiŋ tawuŋ, fo labandulaa waatoo ye sii. Moo jamaa be tara la yaayiŋ-yaayiŋ na le, ka londoo lafaa.”

Hoseya 2:18

Wo luŋo la, n niŋ wulakono daafeŋolu be kambeŋo siti la, ka taa kunoolu niŋ kuruntu feŋolu, fo ì kana n na moolu mantoora. Kalabeñoo, hawusaroo* aniŋ keloo be bo la bankoo kaŋ ne, i ye tankoo niŋ kayiroo soto.

Yoweli 3:17

Yaawe ko: “Ali be a loŋ na le ko, nte le mu Yaawe ti, ali la Alla, meŋ be sabatiriŋ Siyoni, n na konko senuŋo*. Yerusalaamu be janku la le, luntaŋolu te a maa la kotenke.

Yesaya 32:16

Tiliŋo ye taama keñewuloo kono, tooñaa ye sabati banku kendiŋolu to.

Yeremiya 31:23

Yaawe Alihawaa Maariyo*, Banisirayila la Alla ye ñiŋ ne fo ko: “Niŋ ŋa Yahuuda bankoo niŋ a saatewolu moolu murundi ì la firiŋo kono, ì be kali ñiŋ kumoolu fo la le kotenke ko: ‘Allamaa Yaawe neema la konko senuŋo* ma, tiliŋo ka tara daameŋ.’

Jakariya 8:3

Yaawe ye ñiŋ ne fo ko: M be muru la Siyoni Konkoo kaŋ ne, jee be kumandi la Yaawe Alihawaa Maariyo la konko senuŋo* le la. M be sabati la Yerusalaamu le, jee be kumandi la saatee tilindiŋo le la.