Yesaya 11:5 - Mandinka Bible

⁵ Tiliŋo le be ke la a la teesitiraŋo ti, tooñaa ye tara minindiŋ a tewo bala.

Yesaya 11:5 Referans Kwoze

Efesusinkoolu 6:14

Wo to, ali si ali tewo siti niŋ tooñaa la, aduŋ ali si tiliŋo duŋ ka ke ali la sisi tankandiraŋo ti.

1 Yohana 1:9

Niŋ ǹ ka tuubiseyi ǹ na junuboolu la, Alla foroyaata le, aduŋ a tilinta. A be yamfa la ǹ na junuboolu la le, aduŋ a be ǹ seneyandi la le ka bo ǹ na tilimbaliyaa bee kono.

2 Korintinkoolu 6:7

Ǹ ka tooñaa kumoo le fo, aduŋ ǹ na semboo bota Alla le bulu. Tiliŋo la kelejooraŋolu le be m̀ bulu, keloo niŋ tankandiroo kamma la.

Yesaya 59:17

A ye tiliŋo kele dendikamaa le duŋ, a ye kiisoo kele naafamaa duŋ. A ye makatibayoo dendikamaa le duŋ, kamfaa be fudiriŋ a kono ko duŋ feŋo.

Yesaya 25:1

Hee Yaawe*, ite le mu n na Alla ti, m be i sikandi la le, m be i too jayi la le, kaatu i ye kaawakuwolu le ke. Biriŋ koomanto, i la feeroolu tilinta le, ì bambanta.

Lankenemoo 3:14

“A safee Yeesu la kafoo malaayikoo ye, meŋ be Lawodiseya saatewo kono: “Nte la kumoo fele, nte meŋ mu Amiin ti. Nte le mu foroo ti, aniŋ seede tooñaa. Alla ye feŋolu bee daa ka bo niŋ nte le la.

Lankenemoo 1:13

N naata meŋ je wo lampu looraŋolu teema, ka munta ko hadamadiŋo. A ye waramba jaŋo duŋ, meŋ be sitiriŋ a sisoo la, wo mu sanoo le ti.

1 Pita 4:1

Wo kamma la, baawo Kiristu* toorata a balajaatoo kono le, alitolu fanaa si i muña wolu la, kaatu moo meŋ toorata a balajaatoo kono, wo maarii fatata junuboo la le.

Hoseya 2:20

M be i taa la n na musoo ti foroyaa le kono, aduŋ i be nte Yaawe loŋ na le.”

Hiburunkoolu 2:17

Wo kamma la, a ñanta ke la kuu-wo-kuu to le ko a baadiŋolu, fo a si ke noo piriisi* kuntii baa ti ì ye, meŋ ye balafaa niŋ foroyaa soto Alla la dookuwo kono, fo a si junube kafaroo sii moolu ma.

Jabuuroolu 93:1

Yaawe* le mu Mansa ti, a ye semboo niŋ waroo duŋ ne ko mansa dendikoo. A ye duniyaa londi le a bambanta kat, a te wutu la a noo to muk.

Jabuuroolu 109:19

Allamaa a ye ke a bala ko a la duŋ feŋo, a ye tu minindiŋ a la ko a la teesitiraŋo.

Yesaya 9:7

A la maraloo be tara la lafaa la le doroŋ, aduŋ kayira bambaloo le be tara la keriŋ. A be a bonsuŋo Dawuda la bankoo mara la le, a be sii la a la siiraŋo le kaŋ. A be a la maraloo londi la le, a ye bambaŋ, aduŋ a be a taamandi la tiliŋo niŋ tooñaa le la, ka dati a la waatoo la, fo abadaa. Yaawe* Alihawaa Maariyo* ye a hame le, ka ñiŋ kuwo taamandi.

Yesaya 32:1

A juubee, mansa be soto la le, meŋ be maraloo ke la tiliŋo kono, aduŋ a la maralilaalu be tooñaa le taamandi la.

Jakariya 8:16

Ali ñanta ñiŋ kuwolu le ke la: Ali tooñaa fo ñoo ye, ali ye tiliŋo taamandi kiitiidulaa to, ka kayiroo sabatindi.

Jabuuroolu 45:4

I la kandaayaa kaŋ, i la taamaraŋ suwoo borindi ka nooroo ke, ka tooñaa, fammajiyo, aniŋ tiliŋo taamandi. I be kuu baalu ke la i semboo le la.

Jabuuroolu 89:9

Fankaasoo niŋ a la sembe waroo, ite le marata a ma. Niŋ a jiibaliŋolu wulita, i ka ì tenkundi le.

Yesaya 9:6

Diŋo le wuluuta ǹ ye, Alla ye dinkewo le dii ǹ na, aduŋ maraloo be tara la ate le bulu. A be kumandi la Yaamarilaa Ñontaŋo le la, Alla Sembemaa, Badaa-badaa Faamaa, aniŋ Kayira Mansoo.