Yesaya 1:29 - Mandinka Bible

²⁹ Ali kontaanita le ka jalaŋolu batu yirisuŋ baalu koto, bari ali be naa malu la jee le. Ali ye naakoolu tomboŋ ne ka ì batu jee, bari ali be dooyaa soto la ì la kuwo to le.

Yesaya 1:29 Referans Kwoze

Yesaya 66:17

Yaawe ko: “Moolu mennu ye ì faŋolu kerekere ka ì faŋ seneyandi jalambatoo ye, ka taa naakoolu kono ka bula ñoo nooma, ka seewu suboo domo, ñinoolu, aniŋ feŋ ñewundiŋ doolu, ì bee be kasaara la ñoo la le.

Yesaya 65:3

Moolu le mu, mennu ka tu la n hadaañi la, m faŋo ñaa la, ka sadaalu* bondi naakoolu kono, aniŋ ka cuuraayoo siisindi birikoolu kaŋ.

Yesaya 57:5

Ali ka tara jarabiriŋ jalaŋolu le nooma, yiri baalu niŋ yiri biireeriŋolu koto. Ali ka ali diŋolu kanateyi le ka ke sadaalu* ti, wulumbaŋolu niŋ berehuwolu kono.

Hoseya 4:13

Ì ka beeyaŋ sadaalu bo konko baalu kaŋ santo, konkoriŋolu kaŋ, ì ka cuuraayoo siisindi sadaa ti, yirisuŋ baalu niŋ yirisuŋ biireeriŋolu fanaa koto, kaatu wolu le ye dubeŋ kendoo soto. “Wo le ye a tinna ali dimmusoolu keta cakoolu ti, ali diŋolu la musoolu, jeenelaalu.

Esekiyeli 16:63

Niŋ ŋa i la junube kuwolu bee kafari i ye, i hakiloo be bula la i kekuwolu la le, i ye malu, aduŋ i te i daa yele la ka feŋ fo kotenke, feŋ te fo maloo.” Maarii Yaawe le ye a fo.

Roomankoolu 6:21

Kuwolu, ali ye mennu baara wo waatoo la, aduŋ ali maluta ì la saayiŋ, wolu ye muŋ joo le saabu ali ma? Wo kuwolu labaŋo mu saayaa le ti.

Hoseya 14:8

Efurayimu*, ali ye muŋ haaji le soto jalaŋolu bala? Nte le ye n danku ali ma, ŋa ali topatoo. M be le ko junipa yiri ñiimaa, nte le mu ali la neemoo bundaa ti.”

Hoseya 14:3

Asiriya te ǹ kiisa noo la, ǹ te n tuuku la keleraŋ suwoolu la. Aduŋ m̀ buloo ye meŋ dadaa, ǹ nene te a fo la wo ye kotenke ko, ‘Ǹ na Alla.’ Aliyatiimoo ka balafaa soto ite le bulu.”

Esekiyeli 36:31

Wo to le ali hakiloo be bula la ali la junuboolu niŋ kuu jawoolu bee la ali ye mennu ke. Ali si naa nimisa ka ali faŋo koŋ, wo kuu jawoolu niŋ kuu haraamuriŋolu bee la ali ye mennu ke.

Esekiyeli 6:13

Moolu mennu faata, ì furewolu be tara la fatafatariŋ ì la jalaŋolu niŋ ì la sadaabodulaalu le to taariŋ, konkoriŋolu niŋ konko baalu bee kaŋ santo, aniŋ yirisuŋ baalu niŋ yirisuŋ biireeriŋolu koto, ì ka cuuraayi seera diimaalu siisindi ì la jalaŋolu ye daamennu to. Niŋ wo keta le, ì be a loŋ na ko, nte le mu Yaawe ti.

Yeremiya 3:6

Mansa Yosiya la maraloo waatoo kono, Yaawe diyaamuta nte Yeremiya ye le ko, “Fo i ye a je le, Banisirayila ye meŋ ke baŋ, komeŋ futuumusu muritiriŋo? A seleta konko-wo-konko kaŋ ne, aniŋ yirisuŋ biireeriŋo meŋ-wo-meŋ koto, ka cakayaa maañaa ke jee.

Yeremiya 2:20

Yaawe ko: “Biriŋ waati jaŋ koomanto le ite Banisirayila ye i la yookoo* kati, i ye i la juloolu kuntu ka balaŋ. I ko i te m batu la. Silaŋ, konko jaŋolu meŋ-wo-meŋ kaŋ, yirisuŋ biireeriŋolu koto taariŋ, i ka laañooyaa tuluŋo ke le ko cakoo.

Yesaya 45:16

Jalaŋ dadaalaalu bee be tara la maloo niŋ dooyaa le kono.

Yesaya 31:7

Aduŋ wo luŋo le mu, alitolu kiliŋ-wo-kiliŋ be ali la kodiforo jalaŋolu niŋ sani jalaŋolu fayi la, alitolu faŋolu ye mennu dadaa ali bulu junubemaalu la.

Yesaya 30:22

Ali be ali la jalaŋolu tiñaa la le, ali ye mennu muuri kodiforoo niŋ sanoo la. Ali be ì fayi la le ko feŋ nooriŋo, ali ye a fo ì ye ko, “Ali taa jana.”

Yesaya 42:17

Bari mennu ye ì jikoo loo jalaŋolu kaŋ, mennu ka a fo ì ye ko, ‘Alitolu le mu ǹ na alloolu ti,’ ì niŋ maloo le be muru la ì koo la.”

Hoseya 4:19

Foñoo le ye ì koora ñoo la ka ì samba, ì la sadaalu be maloo doroŋ ne naati la ì kaŋ.”