Yesaya 1:19 - Mandinka Bible

¹⁹ Niŋ ali wakiilita ka n na yaamaroolu muta, ali be fiifeŋ kendoo le domo la, meŋ falinta bankoo kaŋ.

Yesaya 1:19 Referans Kwoze

Yesaya 3:10

Yaawe ko, “A fo moo tilindiŋolu ye ko, ì la kuwolu be beteyaa la le, kaatu ì ye meŋ dookuu, ì be i munafaŋ na a la le.

Yoweli 2:26

Saayiŋ ali be domotaa soto la le, a jamaa, fo ali ye wasa. Bituŋ ali si nte Yaawe too jayi, ali la Alla, kaatu ŋa kaawakuwolu le ke ali ye. N na moolu nene te bula la malu kuwo kono kotenke.

Hiburunkoolu 5:9

Ka bo wo siloo le la, a naata timma ka badaa-badaa kiisoo saabu moolu bee ye, mennu ka a la yaamaroolu muta.

5 Musa 28:1

Musa ko Banisirayilankoolu ye ko: A fele m be Yaawe* ali la Alla la luwaalu dii kaŋ ali la bii luŋo la. Niŋ ali ye ì bee muta, ali baarata ì la, a be ali semboo warandi la duniyaa banku moolu bee le ti.

Yesaya 25:6

Yaawe Alihawaa Maariyo* be feetoo ke la bankoolu bee le ye konkoo kaŋ. A be ke la subu kendiŋ feetoo le ti, wayini* diimaa feetoo, subu kendiŋo niŋ yuwo, wayinoo niŋ a la timiyaa baa.

Yesaya 65:13

Saayiŋ Maarii Yaawe ye ñiŋ ne fo ko: “N na dookuulaalu be domoroo ke la le, bari alitolu be konko la le. N na dookuulaalu be i miŋ na le, bari mindoo be alitolu muta la le. N na dookuulaalu be seewoo la le, bari alitolu be duŋ na maloo le kono.

Yeremiya 7:5

Ali ñanta le ka ali taañaalu faliŋ, aniŋ ali kekuwolu. Ali tiliŋo taamandi ñoo teema.

Yeremiya 21:8

“Wo koolaa fanaa, a fo ñiŋ moolu ye, nte Yaawe ye ñiŋ ne fo ko: A juubee, ŋa sila fula le landi ali ñaa koto, meŋ keta baluwo niŋ saayaa ti.

Hakayi 1:12

Bituŋ Serubabeli, Yosuwa meŋ mu piriisi kuntiyo ti, aniŋ moo toomaalu bee, mennu tuta baluuriŋ ka bo mutoo kono, ye Yaawe ì la Alla la kumoo muta, aniŋ Annabilayi Hakayi la kumoo, kaatu Yaawe ì la Alla le ye a kii. Bituŋ Yaawe ñaasilaŋo dunta moolu la.

3 Musa 25:19

Bankoo fiifeŋolu si yiriwaa, aduŋ domoroo si siiroo ke, ali ye tara sabatiriŋ jee tankoo kono.

3 Musa 26:3

Niŋ ali taamata n na luwaalu la, aniŋ ali ye n na yaamaroolu kanta, ka ì ke,

3 Musa 26:5

Siimaŋo la siyaa kamma la, ali si ali la siimaŋolu toñonka, fo wayini* yiridiŋ kati waatoo ye ali tara a kaŋ, ali ye wayini yiridiŋ katoo fanaa ke, fo fiiri waatoo ye ali tara a kaŋ. Ali si ali la siimaŋo domo, a ye ali sii, ali ye tara sabatiriŋ tankoo kono, ali la bankoo kaŋ.

Yesaya 58:14

Wo to le ali be seewoo soto la nte Yaawe la karoo la, m be ali la kuwo wulindi la le ka ali yiriwandi duniyaa kono, m be ali daañini la bankoo munafaŋ feŋolu la le, keetaafeŋo, ŋa meŋ dii ali bonsuŋo Yaakuba la.” Yaawe faŋo le ye a fo.

Yeremiya 7:3

Yaawe Alihawaa Maariyo*, Banisirayila la Alla ye ñiŋ ne fo ko: Ali ali taañaalu faliŋ, aniŋ ali kekuwolu, wo to le m be ali bula la ka sabati ñiŋ bankoo kaŋ.

Yeremiya 7:7

Niŋ ali ye wo yaamaroolu muta, m be ali bula la le ka sabati ñiŋ bankoo kaŋ jaŋ, ŋa meŋ dii ali la alifaa foloolu la biriŋ koomanto, ka ke ì taa ti fo abadaa.